မိုးပြာရောင် အိပ်မက်များ

အတိတ်ကသင်္ကြန် (၂)

2010-04-15T11:52:00.006+06:30

ဒီလိုနှင့်.. ကျမတို့ ခရီးသွားကားကြီးလည်း ရန်ကုန်မှ စတင်ထွက်ခွာလာပြီ..။ စထွက်ကတည်းက သင်္ကြန်သီချင်းခွေတွေ တစ်ခွေပြီး တစ်ခွေ ဖွင့်လာလိုက်တာ.. ထမင်းစားရပ်ပြီး.. ပြန်ထွက်တော့.. မှောင်စပျိုးနေပြီ..။ တဖြည်းဖြည်းနဲ့ အလင်းရောင်လည်း ကွယ်ပျောက်ပြီး.. အမှောင်တွေက ချင်းနင်းဝင်ရောက်လာတော့သည်..။ ခရီးသည်တွေလည်း မှေးတဲ့သူမှေး.. ငေးတဲ့သူငေးနှင့်..။ ညနက်လာသည်နှင့်အမျှ ကားပေါ်က သီချင်းသံတွေလည်း ပျောက်ကုန်ပြီ..။ ထွန်းထားသည့် မီးရောင်လည်း မှိန်ဖျော့ဖျော့သာ ကျန်တော့၏။ ။ ကျမ ဘေးမှာလည်း.. အဒေါ်က အိပ်မောကျနေပြီ..။ ထိုင်ခုံပေါ်တွင် ဘယ်လိုမှ မအိပ်တတ်သော ကျမကတော့.. ဘယ်လောက်ညဉ့်နက်လာလာ.. အိပ်မရခဲ့ပါ.။ ပျင်းရင် နားထောင်မယ်ဆိုပြီး အိမ်က သွင်းလာခဲ့သည့်.. mp3 ထဲက သီချင်းတွေလည်း နားထောင်အားကြီးလို့.. ဘယ်နှခေါက် ပြန်ကျော့မိမှန်းတောင် မသိတော့..။ နားတွေ ပူလာပြီး.. ထပ်နားထောင်ချင်စိတ်လည်း မရှိတော့ပါ..။ ကားပေါ်က လူတွေထဲမှာရော ကျမလိုလူများ ရှိမလားဆိုတဲ့ အတွေးနှင့် လိုက်ကြည့်မိသည်..။ နားကြပ်ကို နားမှာတပ်ထားသော “သူ” တစ်ယောက်သာ အိပ်မပျော်သေးဟန် တူသည်..။ အပြင်ဘက်မှာလည်း.. ငွေလမင်း၏ အလင်းရောင်ပျပျသာ ကျန်တော့၏။ ။

ဆရာမ ဂျူးကတော့.. လရောင်၏ ဖမ်းစားမှု တဲ့....။ ကျမရော.. လရောင်၏ ဖမ်းစားခြင်းကို ခံစားချင်ပါလား..။ ကျမ မသိပါ..။ ကျမ၏ ဦးနှောက်နှင့် နှလုံးသားသည်.. အချင်းချင်း အကွာအဝေးတစ်ခုမျှ ဝေးကွာနေပါသည်..။ ကျမနှင့် အနီးဆုံးနေရာတွင် ရှိနေသည်က နှလုံးသားလား .. ဦးနှောက်လား.. မသိပါ..။ ကျမ သိသည်ကတော့.. ဒေါသများ ကင်းဝေးနေသည့် သူ့မျက်နှာသည်.. မြတ်နိုးစရာအလွန်ကောင်းသည် ဆိုတာပင်...။

မနက်စောစောမှာ.. ကျမတို့ တောင်ကြီးကို ရောက်သည်..။ မွေးကတည်းက ရန်ကုန်မှာ နေခဲ့သူမို့.. ရှမ်းပြည်၏ ရာသီဥတုသည်.. ကျမအတွက် စိမ်းသက်သော.. နူးညံ့မှုကို ပေးပါသည်..။ ချယ်ရီပန်းတွေ.. လှိုင်လှိုင်ပွင့်နေသော.. ရှမ်းမြေကို ကျမချစ်သည်..။ အေးစက်စက် တိုက်ခတ်သော လေညင်းလေးတွေကိုလည်း ကျမ မြတ်နိုးသည်..။ မြေနီလမ်းလေးတွေမှာ အေးအေးလူလူ လမ်းလျှောက်ရသည့် အရသာကို နှစ်သက်သည်..။ မြင်မြင်သမျှ အရာအားလုံးသည် ကျမအတွက် နှစ်လိုစရာတွေချည်းသာ..။

(ဆက်ရန်)

အတိတ်က သင်္ကြန်

2010-04-14T09:52:00.003+06:30

oMuFef...

oMuFefqdkwmukd pOf;pm;rdvdkufonfESifh olrpdwfawGu twdwfqDudk ysHYvGifhoGm;wwfonf/ MumcJhNyDyJ../ arhazsmufypfcJhcsifayrJh.. arhzdkYvnf; twwfEdkifqHk; BudK;pm;cJhayrJh ckxd rarhEdkifwmuawmh olr nHhvdkYyJ jzpfrnf xifonf./ wpfckaom oMuFefrSmaygh....................... /

***

eufjzefcgqdk&if oMuFeftBudKaeY a&mufawmhr,fqdkwm.. pOf;pm;vdkufwdkif; usr &TifjrL;oGm;wwfonf../ [kwfw,fav../ azazu 'DESpf oMuFefusvQif usr tvGefoGm;csifaom awmifay:a'oodkY c&D;xGufcGifh ay;rnf[k uwday;xm;aomaMumifh jzpfonf../ odkYayr,fh azaza&m arara&m rtm;ojzifh xdkc&D;udk usr ta':rdom;pkESifhom oGm;&rnfjzpfonf../ bmyJjzpfjzpf c&D;xGuf&rnfhtwGuf usr tvGefaysmfygonf./ at;aom &moDOwkudk ESpfoufaom usrtzdkY &Srf;jynfodkY oGm;&rnfh c&D;onf pdwf0ifpm;p&m tvGefaumif;vSygonf../ pdwf0ifpm;p&m aumif;onfhc&D;wGif &SifckefvIyf&Sm;&rnfh wzef aMuuGJ0rf;enf;&rnfh jzpf&yfwdkY ay:aygufvmrSmudkvnf; usr rodcJhyg../

usr c&D;oGm;vQif vdktyfrnfh t0wftpm; toHk;taqmifwdkYudk araru nuwnf;u jyifqifxkyfydk;ay;cJhonf../ arar rygbJ oGm;&rnfh yxrqHk; c&D;jzpfojzifh araruvnf; pdwfrcsEdkifbJ usrtm; [dk[mawmh rvkyfeJY.. 'gawmh owdxm;aemf.. a':av;ajympum;udk em;axmif ponfjzifh trsdK;rsdK; rSmMum;aeawmhonf../ usruawmh.. ararrSmorQudk w[kwf[kwfeJY.. acgif;ndwfaeNyD;.. oGm;rnfhc&D;bufom pdwfa&mufaecJhonf../

aeYvnf12em&DwGif um;xGufrnf jzpfojzifh 11em&Davmufuwnf;u tdrfu xGufvmMuonf../ um;*dwfa&mufawmh.. 11em&DcGJaeNyD../ usrwdkY pD;&rnfh um;u ta,muf50 qefYaom c&D;oGm;um;BuD;../ tpp olwkdYpDpOfxm;onfhtwdkif; udk,fu vdkuf½HkrdkY tqifrajyp&mawmh odyfMuHKrnfrxifyg../ 'Dvdkvnf; roGm;zl;onfh usruawmh aysmfjrL;aeonfom../ 12em&Dvnf; xdk;aeNyD.. um;u ckxdrxGufao;../ vrf;nTeftrBuD;awGudk Munhfvdkufawmh.. olwdkYvnf; warQmfarQmfESifh.../ usrwdkY aemufwef;u cHkrSmvnf; wpfa,mufvGwfaeonfav../ 'DcHku vlyJ jzpfrnf xifonf./

]] [dkrSm vmNyD.. vmNyD }} qdkwJh toHudk Mum;onfESifh wNydKifeuf .. toHMum;&mbufodkY vSrf;Munhfvdkufrdonf../

usr yxrqHk; owdxm;rdonfuawmh.. plykwfykwf rsufESmwpfckyJ jzpfonf../ wavmuvHk;udk tvdkrus jzpfaeonfh rsufESm.../ jzLvGef;aom tom;t&nfrSm.. aeumrsufrSeftrnf; wyfxm;aom xdkolrSm wrsdK;awmh MunhfvdkYaumif;ygonf../ olYrdom;pkudk pdwfwdkae[ef&Sdaom xdkolonf.. usrwdkY cHkwef;aemufwGif.. ae&m&ygonf../ tjrifuwfpdwfw0uf oabmuspdwf w0ufESifh olYudk pdwf0ifwpm; ai;aevdkufonf../

I(quf&ef)

အလိုကျ

2008-06-25T07:55:00.007+06:30

ချစ်သူ.. မလိုက်ချင်လည်း နေရစ်ပါတော့

မင်းလိုက်ချင်အောင် ခေါ်နိုင်တဲ့အင်အား

ငါ့မှာ မရှိတော့လို့ပါ.။

မပြုံးချင်လည်း ထားလိုက်ပါတော့

မင်းအပြုံးကို မြင်ရဖို့ကံ

ငါ့မှာ ပါမလာဘူးလို့ဘဲ မှတ်ယူလိုက်ပါ့မယ်.။

မချစ်ချင်လည်း မုန်းလိုက်ပါတော့

မင်းအမုန်းကို ရင်ဝယ်ပိုက်ရင်း

နေတတ်အောင် နေသွားပါ့မယ်.။

မဆုံချင်လည်း ရှောင်သွားပါတော့

တွေ့ခဲ့ရင်တောင်

မမြင်ချင်ယောင်ဆောင်ပေးပါ့မယ်.။

အရာအားလုံးကို မင်းအလိုကျ ဖြစ်စေရင်း

မင်းအတွက်တော့ ငါဟာ အရံလူတစ်ယောက်ပဲပေါ့.။

Life clock

2008-06-25T07:27:00.004+06:30

While the life clock starts to go,
with blissful cry to earth, reach our soul.

Seconds and minutes we pass through,
with joy and happiness in our youth.

As the time goes we don't know,
be a man seems meaningful.

Ticks and ticks our life clock runs,
we don't realize our time little left.

Months and years don't wait for us,
to the old man we become.

သူငယ်ချင်းတစ်ယောက် ရေးထားတဲ့ ကဗျာလေးပါ။ သဘောကျလို့ အားလုံးဖတ်ရအောင် ဘလော့ဂ်ပေါ် တင်ပေးလိုက်ပါတယ်။

ကျမနှင့်bed sideစာမေးပွဲ

2008-05-31T20:43:00.000+06:30

နှစ်နှစ်ခြိုက်ခြိုက် အိပ်ပျော်နေရာမှ alarmမြည်သံတစ်ခု၏ လှုပ်နှိုးခြင်းကို ခံလိုက်ရသည်။ နာရီကိုကြည့်လိုက်တော့ မနက်၅နာရီတိတိ..။ အရင်နေ့တွေကဆိုရင်တော့ ဒီအချိန်ဆို ကျမတစ်ယောက် အိပ်လို့ကောင်းတုန်း။ ယခုတော့ မထလို့လည်း မဖြစ်ပါ။ alarm ကိုပိတ်ပြီး ပြန်အိပ်ချင်တဲ့စိတ်ကို ထိန်းချုပ်ပြီး အိပ်ရာက ထဖို့ပြင်လိုက်သည်။ မထလို့လည်း မဖြစ်ပါ။ ဒီနေ့ ကျမစာမေးပွဲ ဖြေစရာရှိသည်။ ဖြေရမည့် စာမေးပွဲမှာလည်း အရင်တုန်းကလို မေးခွန်းပေးပြီး အဖြေစာရွက်မှာ ကိုယ်ရသမျှ ချရေးရသော စာမေးပွဲမျိုး မဟုတ်ချေ။ သက်ရှိထင်ရှား ဝေဒနာသည် လူနာများ၏ ခံစားနေရသော အကြောင်းအရာများကို မေးမြန်းပြီး စမ်းသပ်သင့်သည်များကို စမ်းသပ်ကာ ရောဂါနာမည်ကို အဖြေထုတ်ရသော စာမေးပွဲမျိုးဖြစ်သည်။ ထိုစာမေးပွဲမျိုးကို လူနာနှင့် ကိုယ်နှင့် နှစ်ယောက်တည်း ဖြေရလျှင်တော့ သိပ်ကြောက်စရာ မရှိပေမယ့် ယခုတော့ ကျမတို့လုပ်သမျှ ၊ မေးသမျှကို ဆရာက ထိုင်ကြည့်နေမည် ဖြစ်သဖြင့် ကြောက်ရွံ့မှုကတော့ ပြောစရာတောင် မလိုပါ။

ကိုယ်လက်သန့်စင်ပြီး နာရီကြည့်လိုက်တော့ ၅နာရီ၁၀မိနစ်..။ ဆရာတွေက ဆေးရုံကို ၇နာရီခွဲအရောက် လာရမည်ဟု မှာထားသဖြင့် ကျမမှာ စာကြည့်ဖို့အချိန်က ၁နာရီကျော်ကျော်သာ ရှိသည်။ ဒီ၁နာရီကျော်မှာ ကျမကြည့်ရမည့် ကေ့စ်(case)တွေက အတော်များသည်။ ညတုန်းက ကြည့်ထားသည့် စာတွေကလည်း သေချာမှတ်မိရဲ့လား မသိ။ စာတွေက အလွတ်ကျက်လို့လည်း မရ။ လေ့ကျင့်ရန်လည်း လူနာက အိမ်မှာမရှိသဖြင့်် အတော်စိတ်ရှုပ်ဖို့ ကောင်းလေသည်။ အိမ်က မောင်လေးကို စမ်းကြည့်မယ်ဆိုတော့လည်း မောင်လေးက အစမ်းမခံ။ ညတုန်းကဆို ကျမတစ်ယောက် ကိုယ့်အဖြစ်ကိုယ် ရယ်လည်းရယ်ချင်၊ စာကလည်း မရသဖြင့် ငိုလည်းငိုချင်နှင့် ကိုယ့်ကိုယ်ကို ရူးများနေသလားတောင် ထင်ရသည်။

ရှိသမျှ စာအုပ်တွေကို ဟိုလှန်ဒီလှန်နှင့် ဘယ်ဟာဖတ်လို့ ဖတ်ရမှန်းမသိနှင့် ၆နာရီထိုးသွားလေသည်။ ဘုရားရှိခိုး ပရိတ်တွေရွတ်ပြီး ဆေးရုံသွားရန် ပြင်ဆင်လိုက်သည်။ စာမေးပွဲဖြေဖို့ အချိန်တွေ နီးလာလေလေ၊ လူကစိတ်လှုပ်ရှားလာလေလေပါပဲ..။ မနက်စာလည်း ဘယ်လိုမှစားမ၀င်။ ကော်ဖီတစ်ခွက်တောင် မနည်းကုန်အောင်သောက်ရသည်။ ၇နာရီထိုးတော့ ကျမသူငယ်ချင်းနှစ်ယောက်က လာခေါ်လို့ ဆေးရုံသွားလိုက်သည်။

ကျမတို့စာမေးပွဲဖြေမည့် ၀ပ်(ward)ရှိရာ အထပ်ကို သွားတော့ လှေခါးကို တက်လိုက်သည်နှင့် မြင်ရသည်က လူနာစောင့်များ.။ ကျမတို့စာမေးပွဲဖြေစရာ ရှိသဖြင့် လူနာတွေနှင့် မတွေ့ရဘဲ အပြင်မှာထိုင်စောင့်နေကြဟန် တူသည်။ ward ထဲဝင်မည့် အ၀င်အ၀မှာတော့ “တာဝန်မှအပ မ၀င်ရ” ဟုဆိုင်းဘုတ်ထောင်ထားသည်။ အထဲကိုဝင်သွားတော့ တွေ့လိုက်ပါပြီ။ ကျမတို့သူငယ်ချင်းများ။ ၀ပ်ထဲကို ပေးမ၀င်သဖြင့် အ၀င်အ၀မှာပင် အဖွဲ့လိုက် မတ်တပ်ရပ်လို့ စာအုပ်လေးတွေ ကိုင်သူကကိုင်..။ မသေချာသည်များကို အချင်းချင်း မေးသူကမေးနှင့် လှုပ်လှုပ်ရှားရှားဖြစ်နေကြသည်။ အားလုံးကတော့ စိတ်ပူနေသော မျက်နှာထားလေးများနှင့်.။ အရင်တုန်းက လူငယ်ဆန်ဆန်ဝတ်သော သူငယ်ချင်း ကောင်လေးတွေ ကလည်း ယခုတော့ အကျီင်္အဖြူ၊ ပုဆိုးလေးတွေ ၀တ်သူက၀တ်၊ စတိုင်ပင်နှင့် လူကြီးလူကောင်းဆန်ဆန် ၀တ်သူက၀တ်နှင့် ဆရာသဘောကျဖြစ်စေဖို့ အတတ်နိုင်ဆုံး ပြင်ဆင်ထားကြသည်။ အရင်က ခေတ်ဆန်ဆန် ၀တ်တတ်သော ကောင်မလေးတွေလည်း ယခုတော့ ရိုးရိုးယဉ်ယဉ်လေးတွေနှင့် ဆရာတွေ အမှတ်ပေးချင်စရာ ဖြစ်အောင် ၀တ်ဆင်ထားကြသည်။ ကျမတို့အား စာမေးပွဲစစ်မည့် ဆရာတွေကလည်း တစ်ယောက်ပြီး တစ်ယောက် ရောက်လာကြသည်။ သဘောကောင်းသည့် ဆရာဖြတ်သွားလျှင် ဒီဆရာနှင့် ဖြေရပါစေဟု ဆုတောင်းပြီး ဒေါသကြီးသော ဆရာဖြတ်သွားလျှင်တော့ ဒီဆရာနှင့် မဖြေရပါစေနဲ့ဟု ဆုတောင်းရတာလည်း အမော..။

သူငယ်ချင်းတွေ အချင်းချင်း မေးမြန်းဆွေးနွေးလို့မှ မပြီးသေး..။ ဟောက်စ်ဆာဂျင်အကိုကြီးတွေက ကျမတို့ ခုံနံပါတ်တွေ ရေးထားသော A4စာရွက်တွေကိုင်ပြီး ထွက်လာကြသည်။ ထို့နောက် ကျမတို့ ခုံနံပါတ်များကို တစ်ယောက်ချင်း ခေါ်တော့သည်။ ခုံနံပါတ်အခေါ်ခံရသော လူများက ဂျူတီကုတ်တွေဝတ်၊ စာမေးပွဲတွင် လိုအပ်သည်များကို ယူကာ ၀ပ်ထဲကို ၀င်ရတော့သည်။ ၀ပ်ထဲမှာလည်း ကျမတို့အမြဲမြင်တွေ့ရသလို ရှုပ်ရှက်ခတ်မနေဘဲ လူနာတွေကလည်း ၀တ်စုံဆင်တူတွေ ၀တ်ပြီး တိတ်ဆိတ်နေကြသည်။ နဂိုကတည်းက ကြောက်နေသော ကျမကတော့ အလွန်အမင်း စိတ်လှုပ်ရှားက ငိုချင်သလိုလိုတောင် ဖြစ်မိသည်။

ဝပ်ထဲမှာ လူစုံပြီဆိုတာနှင့် ဖြေရမည့် ကုတင်နံပါတ်ကို မဲနှိုက်ရတော့သည်။ ကျမအလှည့်ရောက်လို့ နှိုက်လိုက်တော့ F5တဲ့.။ နံပါတ်တွေက A1, A2, B1, B2 စသဖြင့် စီထားသောကြောင့် ကျမက ၅ခေါက်မြောက်မှာ ဖြေရမည်ဖြစ်သည်။ မဲတွေအားလုံး နှိုက်ပြီးသွားတော့ ဟောက်စ်ဆာဂျင်တွေက သူတို့နဲ့ ဆိုင်ရာအုပ်စုတွေကို တစ်ယောက်စီခေါ်သွားရော.။ အားလုံးလည်း ပြင်ဆင်ပြီးရော စာမေးပွဲစစ်မည့် ဆရာက A1, B1 , C1,.. စတဲ့ 1 တွေကို ခေါ်တော့တာပဲ..။ သူငယ်ချင်းတွေ ဖြေနေသည်ကို ကျမတို့က လှမ်းမြင်နေရသည်။ သူတို့ဖြေနေတာကို ကြည့်ပြီး ကျမတော့ လက်ဖျားခြေဖျားတွေ အေးလာသည်။ ခေါင်းထဲမှာလည်း စာတွေလည်း ဘာမှမရှိတော့ဘဲ ရင်တွေကလည်း တလှပ်လှပ်ခုန်လို့..။ ကိုယ့်ကိုယ်ကိုလည်း “ဖြစ်ချင်ဦးဟဲ့ ဆရာဝန်” ဆိုပြီး ရေရွတ်လို့.။

သိပ်မကြာလိုက်ပါ.။ ကျမတို့ 5 တွေကို အဖွဲ့ရဲ့ဟောက်စ်တွေက လာခေါ်သည်။ ကျမကို လူနာဆီ ပို့ပေးပြီး ပြန်ထွက်သွားရော.။ သူတို့ပေးထားသည့် ၁၀မိနစ်အချိန်အတွင်း ကျမကတော့ လူနာကို မေးမြန်းလို့.။ လူနာအဒေါ်ကြီးက ကျမအမေအရွယ်လောက်ပဲ ရှိဦးမည်။ နှာခေါင်းပိုက်လည်း သွင်းထားပြီး နာရသည့်အထဲ ကျမမေးသမျှကို စိတ်ရှည်လက်ရှည် ဖြေပေးသည်။ မေးရင်းနှင့်မှ ကျမအလွန်ပိုင်သော ကေ့စ်မှန်း သိလိုက်သည်။ အဲဒီ့တော့မှ စိတ်လှုပ်ရှားနေတာတွေ နည်းနည်းလျော့ကျပြီး စိတ်အေးလက်အေး မေးမြန်းနိုင်တော့သည်။

ကျမမေးလို့ ၁၀မိနစ်လည်း ပြည့်ရော ဘဲလ်တီးသံကို ကြားလိုက်သည်။ ဘဲလ်တီးလိုက်သည်နှင့် ကျမအား စာမေးပွဲစစ်မည့် ဆရာက အမှတ်တွေရေးသည့် ဖိုင်ကြီးကိုင်လို့ ကျမနားရောက်လာလေသည်။ အခြားဆရာတွေကိုတော့ ကျမမြင်ဖူး၊ စာသင်တာနားထောင်ဖူးပေမယ့် ဒီဆရာကို မြင်တောင်မမြင်ဖူးပါ.။ အသားဖြူဖြူ အရပ်မြင့်မြင့်နှင့် ဆရာကြီးမှာ ဗမာနှင့်တောင် သိပ်မတူလှပါ.။ ကျမကလည်း သင်ထားသည့်အတိုင်း ဆရာ့ကို “မင်္ဂလာပါ”လို့ နှုတ်ဆက်လိုက်သည်။ ပြီးသည်နှင့် ကျမမှာ စမ်းသပ်တာကိုပဲ လုပ်ပြရမလား.။ ကျမမေးထားသည့် history ကိုများ ပြန်ပြီး ပြောပြရမလားနှင့် မဝေခွဲနိုင်အောင် ဖြစ်ရသည်။ ကျမက စမ်းသပ်ပြမည်ဟု စိတ်ကူးပြီး လူနာကို ခွင့်တောင်းရုံပဲ ရှိသေးသည်။ “ခင်ဗျားက ဘာလုပ်မလို့လဲ” ဟူသော ဆရာ့အသံကို ကြားလိုက်ရသည်။ အသံကြားတာနှင့် ကျမတစ်ယောက် လန့်ဖြန့်သွားပြီး ဘာလုပ်လို့ဘာကိုင်ရမှန်းတောင် မသိ.။ နောက်တော့မှ ကျမမေးထားသည့် history ကိုပြန်ပြောခိုင်းမှန်း သိသဖြင့် ကျမမှာ အစက ပြန်ပြောရတော့သည်။

History ကိုပြောနေစဉ်အတွင်း ကျမက တစ်ခုပြောလိုက်၊ ဆရာက စိတ်တိုင်းမကျလိုက်.။ ဆရာက စိတ်တိုင်းမကျလေ၊ ကျမက ပိုပိုပြီး ကြောက်လာလေနှင့် လုံးလည်ချာလည်ကို လိုက်နေတော့သည်။ ကျမပြောလိုက်လို့ ဆရာက ခေါင်းတစ်ချက်ခါတိုင်း ကျမမှာ ရင်တစ်ချက်တုန်ကာ အောင်ပါ့မလားဟု ပိုပိုပြီး စိုးရိမ်လာသည်။ ကျမကြားဖူးထားသည်ကတော့ surgery ဖြေလျှင် အောင်နှုန်းက သုံးပုံတစ်ပုံပဲ ရှိသည်တဲ့.။ ဒါဆို အခုဖြေနေသည့် ကျမတို့အားလုံးတွင် ၁၀ယောက်ဖြေမှ သုံးယောက်သာ အောင်နိုင်သည်ပေါ့.။

စာသင်တုန်းကတော့ ဆရာတွေကို ပြန်ပြောပြလျှင် အင်္ဂလိပ်လို ပြောရမည်ဟု သင်ထားပေမယ့် ယခုတော့ ကျမမှာ အင်္ဂလိပ်လိုမပြောနှင့် .။ မြန်မာလိုတောင် အသံထွက်အောင် မနည်းပြောရလေသည်။ အရင်တုန်းက ဒူးတုန်အောင် ကြောက်ရသည်ဆိုသည်ကို စကားတစ်ခုအနေနှင့်သာ ကြားဖူးခဲ့သမျှ အခုတော့ ကျမတကယ့်ကို ဒူးတဆတ်ဆတ်တုန်နေပါသည်။ တော်သေးတာက ကြောက်ပြီး အကြောင်းအရာအားလုံးကို မေ့မသွားဘဲ ဆရာက မေးလိုက်လျှင်တော့ ပြန်ပြီးအစပေါ်လာသည်။ သို့သော် ကျမရဲ့ညံ့ချက်က အားလုံးကို အစီအစဉ်တကျ ထွက်လာခြင်းမျိုး မဟုတ်ဘဲ ဟိုကတစ်စ၊ ဒီကတစ်စနှင့်သာ ဖြေရလေသည်။ အဲဒီ့အချိန်တုန်းကတော့ တစ်မိနစ်၊ တစ်မိနစ်များ အတော်ကို ကုန်ခဲလှသည်။ စာမေးပွဲဖြေရသည်မှာ history မေးခြင်းနှင့် စမ်းသပ်ပြခြင်းတို့ ဖြစ်သော်လည်း ဆရာကတော့ ကျမအား စာမေးခြင်းတစ်ခုကိုသာ လုပ်လေသည်။ စမ်းလည်း သေချာမစမ်းခိုင်းဘဲ စမ်းရမည့်အရာများကိုသာ မေးမြန်း၊ အခြားကျမ သိတာတွေရော မသိတာတွေရော မေးမြန်းနေတော့တာပါပဲ.။ သိတာတွေကျ ဖြေပြီး မသိတာတွေကျ ရွှီးဖြေလိုက်၊ ရမ်းပြောလိုက်နှင့် ဘဲလ်သံကြားဖို့သာ စိတ်စောနေသည်။ စမ်းသပ်ရမည့်အရာတွေ အများကြီးရှိသည့်အထဲမှ ဆရာက ကျမအား တစ်ခုတည်းကို စမ်းပြခိုင်းလေသည်။ ကျမစမ်းပြလို့လည်း ပြီးရော ကံကောင်းထောက်မစွာ ဘဲလ်တီးသံကို ကြားလိုက်ရသည်.။

ကျမလည်း လူနာနှင့် ဆရာ့အား နှုတ်ဆက်ပြီး ထွက်လာလိုက်သည်။ ဆရာကတော့ အမှတ်ပေးတဲ့ ဖိုင်လ်ထဲမှာ တစ်ခုခုတော့ ရေးလိုက်သည်။ ကျမဖြေသမျှကို အစအဆုံး မြင်ရကြားရသော ဟောက်စ်အမကြီးကတော့ ကျမပခုံးကို ဖက်ပြီး “ညီမဒီလောက်ဖြေနိုင်တာ အောင်မှာပါ” ဆိုပြီး အားပေးလိုက်သည်။ အပြင်လည်း ရောက်ရော ဖြေပြီးသား ကျမသူငယ်ချင်းက ကျမကို စောင့်နေကြသည်။ ကျမကို ဖြေနိုင်လားဆိုသည့် သဘောနှင့် မေးဆတ်ပြတော့ ကျမမှာ ခေါင်းပဲညိတ်ရမလိုလို..။ ခေါင်းပဲခါရမလိုလို..။ မချိုမချဉ်အပြုံးကိုသာ ပြုံးပြနိုင်သည်။ ကျမအပြုံးကို မြင်သည်နှင့် သူငယ်ချင်းက လှမ်းမေးသည်။ ဘယ်ဆရာနှင့် ဖြေရလဲပေါ့.။ ကျမလည်း ဆရာ့နာမည် မသိသဖြင့် ဆရာ့ကိုသာ လက်ညှိုးထိုးပြလိုက်သည်။ ဆရာ့ကို မြင်သည်နှင့် ကျမသူငယ်ချင်းက ပြုံးပြီး “နင်တော့ အရစ်ခံခဲ့ရပြီပေါ့.။ အဲဒီ့ဆရာက တအားရစ်တာလို့ ငါ့အမပြောတယ်” တဲ့.။ ကျမမှာတော့ ပြန်ပြောပြဖို့တောင် အားအင်မရှိတော့ပါ.။ ဒါပေမယ့် သူဆက်ပြောသော စကားအရ ကျမ အနည်းငယ်တော့ စိတ်သက်သာရာရသွားသည်။ ဆရာက ရစ်သာရစ်သည်။ သူရစ်သမျှကို ဖြေနိုင်ရင်တော့ အောင်ပေးသည်တဲ့.။ ဒီလိုဆို ကျမအောင်ပါစေလို့ ဆုတောင်းရုံပဲ ရှိတော့သည်ပေါ့.။

ဖြေပြီးသွားသော ကျမသူငယ်ချင်းတွေကို သူတို့အသိတွေက အမှတ်တွေ ကြည့်ပြီး လာပြောကြလေသည်.။ အေးအေးဆေးဆေး ဖြေနိုင်ခဲ့သော အချို့တွေတောင် အောင်မှတ် ကွက်တိနှင့်သာ အောင်လေသည်။ အရစ်ခံရ၊ အဆူခံရသော ကျမမှာ ကိုယ့်ကိုယ်ကို အောင်ပါ့အောင်ပါ့မလားဟု အတော်ပူပင်လာသည်။ ဟောက်စ်တွေက ကျမတို့ကို အမှတ်ကြည့်ပေးချင်သော်လည်း ကျမဖြေရသည့် ဆရာ့နာမည်ပြောတာနှင့် သွားမကြည့်ရဲတော့ပါ.။ ဆရာက အဲလိုလာကြည့်တာကို မကြိုက်ပါတဲ့.။ သူတို့က အဲလိုပြောလေ.။ ကျမမှာ စိတ်ပိုပူလာလေ.။ နောက်ဆုံးတော့ အတော်ကြီး တောင်းပန်မှ ဟောက်စ်အကိုကြီးတစ်ယောက်က သွားကြည့်ပေးတော့သည်။ ဆရာက ကောင်မလေးတစ်ယောက်ကို စစ်နေသည့်အချိန်မှာ မယောင်မလည်နှင့် ဆရာနောက်သွားပြီး ကျမတို့အမှတ်ကို သွားကြည့်လေသည်။ သူကြည့်နေသည်ကို သိလို့လားတော့ မပြောတတ်.။ ဆရာက ဖိုင်ကြီးကို ပြန်ပိတ်လိုက်.။ ဟိုအကိုကြီးကလည်း မရိပ်မိအောင် ကြည့်လိုက်လုပ်နေသည်ကို မြင်နေရသော ကျမမှာတော့ စိတ်အတော်လှုပ်ရှားနေရသည်။ နောက်ဆုံးတော့ ကြည့်လို့ရသွားဟန်တူပြီး ဟောက်စ်အကိုကြီးက ကျမဘက်ကို ပြန်လှည့်ထွက်လာသည်။ ထို့နောက် ကျမအား ပါးစပ်လှုပ်ရုံလေး ပြောသည်။ “အောင်တယ်” တဲ့.။ ကျမမှာ အတိုင်းမသိ ၀မ်းသာသွားတော့သည်။ ၀မ်းသာနေသည့် အချိန်အတွင်းမှပဲ စိတ်ထဲမှာ “ဟုတ်ပါ့ဟုတ်ပါ့မလား” ဆိုသည့်အတွေးက တပြိုင်နက် ၀င်လာသည်။ နောက်ဆုံးတော့ မနက်ဖြန် ဖြေရမည့် ရေးဖြေအတွက်သာ ကျက်တော့မည်ဟု စိတ်ဒုံးဒုံးချကာ အိမ်ပြန်ခဲ့တော့သည်။ ဘာပဲဖြစ်ဖြစ် ကျမရဲ့ ပထမဦးဆုံး bed side စာမေးပွဲ အတွေ့အကြုံကတော့ အရမ်းကို စိတ်လှုပ်ရှားစရာ ကောင်းလှပေသည်။

***

ကျမ အောင်သလား ကျသလားဆိုသည့် အောင်စာရင်းကတော့ နောက်နှစ် ဒီလိုအချိန်မှပဲ ထွက်မှာမို့ အဲဒီ့တော့မှပဲ အားလုံးကို အသိပေးတော့မယ်နော်။

ပြန်လည်နှုတ်ဆက်ခြင်း

2008-05-30T08:24:00.001+06:30

အားလုံး မင်္ဂလာပါနော်။ ကျမတို့လည်း မတွေ့ရတာ အတော်ကို ကြာနေပြီ မဟုတ်လား။ ဧပြီလကုန်က စာမေးပွဲ ရှိလို့ဆိုပြီး နှုတ်ဆက်သွားပြီးကတည်းက ကျမလည်း ပြန်မလာဖြစ်တော့တာပါပဲ။ နာဂစ်မတိုင်ခင်တုန်းကလည်း စာကျက်နေရလို့ အွန်လိုင်းမတက်ဖြစ်ဘူး။ နာဂစ်လည်းဖြစ်ရော ကျမတို့စာမေးပွဲက ရက်ရွှေ့သွားပါရော။ ကျမမှာ ဒီရက်ပိုင်းလေး ကျက်ထားသမျှကို နှမြောလိုက်တာမှ အရမ်းပဲ :P။ နာဂစ်တုန်းကလည်း ကျမတို့အိမ်က ကံကောင်းထောက်မစွာနဲ့ ဘာမှမဖြစ်ခဲ့ပါဘူး။ မြန်မာနိုင်ငံက လူပေါင်းများစွာကတော့ အိုးမဲ့အိမ်မဲ့နဲ့ ဒုက္ခသည်ဖြစ်ခဲ့ကြရပါတယ်။ နာဂစ်ပြီးသွားတဲ့အခါ ကျတော့လည်း ကျမတို့အိမ်မှာ အင်တာနက်သုံးလို့ မရတော့ပါဘူး။ အပြင်မှာသွားသုံးဖို့လည်း အဆင်မပြေတာနဲ့ပဲ ကျမတစ်ယောက် ဘလော့ဂ်တွေနဲ့ ခပ်ဝေးဝေးကို ရောက်နေခဲ့တာပါ။ အင်တာနက်ကတော့ ၂၄ရက်နေ့မှာ ပြန်ရပါတယ်။ နက်ပြန်ရလို့ သုံးမယ်မှမကျန်သေး။ ကျမတို့ရဲ့ ရွှေ့ထားတဲ့ စာမေးပွဲတွေက ဆက်တိုက်ဆိုသလို ဖြေရတော့မှာမို့ ကျမမှာ လာချင်ရက်နဲ့ အွန်လိုင်းကို တော်တော်နဲ့ကို မရောက်နိုင်ဖြစ်နေရတာပါ။ အခုတော့ စာမေးပွဲတွေလည်း ဖြေဆိုပြီး နောက်စာမေးပွဲတစ်ခုကလည်း ဇွန်လ၆ရက်နေ့မို့ နည်းနည်းအားနေတာနဲ့ ဘလော့ဂ်လေးဆီကို ပြန်ပြီးခြေချဖြစ်တာပါ။

<<မေပျို>>

စာမေးပွဲရှိလို့ပါ။

2008-04-26T13:43:00.002+06:30

ကျမ ၆ရက်နေ့ကျရင် စာမေးပွဲရှိတယ်ဆိုတာ အားလုံးကို ပြောပြီးပါပြီနော်။ အခုဆို စာမေးပွဲက ပိုပိုပြီး နီးနီးလာပါပြီ။ စာတွေကလည်း မရသေးဘူး။ ဘယ်လောက်ကျက်ကျက် မေ့မေ့သွားတော့ တခါတလေ ကိုယ့်ဦးနှောက်တောင် ကိုယ် ခွဲကြည့်ချင်လာပါပြီ။ :P အခုကနေ စာမေးပွဲမဖြေခင်အထိတော့ နက်မသုံးဖို့ ဆုံးဖြတ်ထားပါတယ်။ ဒီတော့ အခြားဘလော့ဂ်တွေကို လာမလည်ဖြစ်ခဲ့ရင် တောင်းပန်ပါတယ်နော်။ စာမေးပွဲ ပြီးမှ ပြန်တွေ့ကြတာပေါ့။

>>မေပျို<<

ဒီလိုညမျိုးပေါ့..

2008-04-21T14:27:00.001+06:30

ဒီလိုညမျိုးပေါ့..
လမင်းကရှောင်ခွာပြေးသွားတာ
အထီးကျန်တဲ့ ကောင်းကင်ယံလည်း
ကြယ်လေးတွေကို အဖော်ပြုလို့..။

ဒီလိုညမျိုးပေါ့..
လေပြေက စိမ်းကားသွားတာ
တားခွင့်မရှိတဲ့ တိမ်တိုက်တွေလည်း
ခြောက်သွေ့စွာ ငိုကြွေးလို့..။

ဒီလိုညမျိုးပေါ့..
အလွမ်းတွေ ပြန့်ကျဲ
မင်းအမုန်းကို သိမ်းမထားနိုင်လောက်အောင်
နှလုံးသားတွေ အစိပ်စိပ်အမြွာမြွာကြေကွဲ
မျက်ရည်တွေတောင် ခန်းခြောက်လို့..။

ဒီလိုညမျိုးပေါ့..

မင်္ဂလာပါ..

2008-04-21T13:52:00.000+06:30

အားလုံးပဲ မင်္ဂလာပါနော်..

သဲ ရိပ်သာက နှစ်ဆန်းတစ်ရက်နေ့ကတည်းက ထွက်လာတာပါ…

အားလုံးကို ရောက်ရောက်ချင်း မနှုတ်ဆက်ဖြစ်တာ တောင်းပန်ပါတယ်နော်..

သဲတို့ရဲ့ ပထမအစမ်း စာမေးပွဲက မေလ ၆ရက်နေ့မှာ ဖြေရမှာပါ…

စာကလည်း မရသေးတာနဲ့ စာရေးဖို့အချိန်ကို မပေးနိုင်ဘူးဖြစ်နေတယ်..

သဲက စာရေးဖို့ ကွန်ပျူတာရှေ့မှာထိုင်ရင် နှစ်နာရီ၊ သုံးနာရီလောက်ကို ကြာတာပါ..

ဒါ့ကြောင့် ကိုယ့်ကိုယ်ကို အင်တာနက် မသုံးဖြစ်အောင် စည်းကမ်းထုတ်ထားရတာပါ…

ဒီနေ့တော့ အားလုံးကို သတိရတာနဲ့ အွန်လိုင်းပေါ်ရောက်လာ ပြန်တာပေါ့..။

ပျော်ရွှင်သော နှစ်သစ်ကို ပိုင်ဆိုင်နိုင်ကြပါစေနော်…

<<မေပျို>>

ရိပ်သာဝင်မလို့နော်

2008-04-11T10:01:00.000+06:30

အားလုံးပဲ မင်္ဂလာရှိသော နှစ်သစ်ဖြစ်ပါစေနော်။ ကျမလည်း သင်္ကြန်နဲ့ ပတ်သက်တဲ့ ဇာတ်လမ်းလေးတစ်ပုဒ် ရေးမယ်လို့ စိတ်ကူးခဲ့ပေမယ့် အခု အချိန်ဘယ်လိုမှ မမီတာကြောင့် မတင်ဖြစ်တော့ပါဘူး။ သင်္ကြန်ပြီးမှတင်ရင်လည်း အားပေးကြမယ် မဟုတ်လားဟင်။ သဲကတော့ ဒီနေ့ပဲ ရိပ်သာဝင်တော့မှာပါ။ မှော်ဘီက စိန်ရွှေကုန်းရိပ်သာပါ။ နှစ်ဆန်းတစ်ရက်နေ့တော့ ပြန်ထွက်ဖြစ်မယ် ထင်ပါတယ်။ သင်္ကြန်ကို ပျော်ရွှင်စွာ ဆင်နွှဲနိုင်ကြပါစေနော်။

အနိုင်မခံ

2008-04-05T17:47:00.001+06:30

ဒီနေ့ စာအုပ်တွေ ရှင်းရင်းနဲ့ မနော်ဟရီရဲ့ ၀တ္ထုကို တွေ့လို့ ပြန်ဖတ်မိလိုက်ပါတယ်။ ၀တ္ထုနာမည်က `သိုးကလေးရဲ့နေထွက်ချိန်´တဲ့.။ အဲဒီ့ဝတ္ထုထဲက ကဗျာလေးတစ်ပုဒ်ကို သဘောကျလို့ အားလုံးလည်း ဖတ်လို့ရအောင် တင်ပေးလိုက်ပါတယ်။ William Ernest Henley (1849-1903) ရေးသားခဲ့သော INVICTUS ဆိုသော ကဗျာလေးကို `ဆရာညိုမြ´ ဘာသာပြန်ထားခြင်း ဖြစ်ပါတယ်။ မြန်မာလို ခေါင်းစဉ်လေးကတော့ `အနိုင်မခံ´ တဲ့.။

“အနိုင်မခံ”

ငါ့အားဖုံးလွှမ်းအပ်သည့်
ညည့်နက်သန်းခေါင် အမှောင်တွင်းမှ
အသူရာတမျှနက်လှသော
ချောက်ကမ်းပါးအတွင်းမှ
ငါ့၏ မကြောက်တရားကို ဖန်တီးထားသည့်
နတ်သိကြားများကို ငါ ကျေးဇူးဆိုပါ၏။

လောကဓံတရား၏ ကြမ်းကြုပ်သော လက်ဆုပ်အတွင်းသို့
ငါ သက်ဆင်းကျရောက်ငြားလည်း
ငါကား မတုန်လှုပ်၊ မငိုကြွေး
ကံတရား၏ ရိုက်ပုတ်ခြင်းကြောင့်
ငါ၏ဦးခေါင်းတို့သည် သွေးဖြင့်ချင်းချင်းနီ၏
သို့သော်…ညွှတ်ကား မညွှတ်။

လောဘ၊ ဒေါသတို့ကြီးစိုးရာ
ဤကမ္ဘာ၏ အခြားမဲ့၌
သေခြင်းတရားသည် ကြောက်ဖွယ်ငံ့လင့်၏
သို့သော်…ငါ့အား မတုန်လှုပ်သည်ကိုသာ တွေ့ရအံ့
နောင်တွင်လည်း မကြောက်ရွံ့သည်ကိုသာလျှင်
အစဉ်တွေ့ရလတ္တံ့။

သုဂတိသို့သွားရာတံခါးဝသည်
မည်မျှပင် ကျဉ်းမြောင်းသည်ဖြစ်စေ
ယမမင်း၏ ခွေးပုရပိုဒ်တွင်
ငါ၏ အပြစ်များ မည်မျှပင် ရေးခြစ်ထားစေ…
ငါသာ ငါလျှင် ငါ့ကြမ္မာ၏အရှင်
ငါသာ ငါလျှင် ငါ့ဘ၀၏ သခင်ဖြစ်တော့သည်။

“INVICTUS”

Out of the night that cover me
Black as the pit from pole to pole
I thinks whatever Gods may be
For my unconquerable Soul

In the felleultch of circumstance
I have not winced nor cried aloud
Unders the bludgeonings of chance
My head is bloody but unbowed

Beyoud this place of wrath and tears
Looms but the horrors of the shade,
And yet the menace of the years
Finds, and shall find, me unafraid

It matters not how strait the gate
How charged with punishment the scroll
I’m the master of my fate
I’m the captain of my Soul

မွေးနေ့ကလေးမှာ.................

2008-03-31T06:40:00.000+06:30

မနက်မိုးလင်းတော့
alarm လေးက သတိပေးတယ်
Today is your birthday တဲ့..။

ဥသြတွေ တေးသီတဲ့ရာသီ
နွေလေရူးတွေ မြုးကြွတဲ့အခါသမယ
ပူပြင်းမှုတွေကြီးစိုး ဂိမာန်နွေ
မတ်လရဲ့ နောက်ဆုံးရက်
၃၁ ရက်နေ့
သြော် မွေးနေ့တောင်ရောက်ခဲ့ပြန်ပြီပေါ့.။

ခုနှစ်ကိုကြည့်လိုက်တော့ ၂၀၀၈
ဒါဆို ၁၉နှစ်ပြည့်ခဲ့ပြီပေါ့..။

ကိုယ့်ကိုယ်ကို ပြန်မေးကြည့်မိတယ်
ဒီ၁၉နှစ် အတွင်း ဘာတွေများ လုပ်ခဲ့သလဲ.။
ဘယ်သူ့ကိုများ အကျိုးပြုခဲ့သလဲ.။
ဘယ်သူ့ကိုများ ထိခိုက်အောင် လုပ်ခဲ့သလဲ..။
လောကကြီးကို သာယာအောင် ဘာများ ထမ်းဆောင်နိုင်ခဲ့သလဲ.။

မေမေစိတ်ချမ်းသာအောင်တော့ လုပ်နိုင်ခဲ့တယ်
သို့သော် ..နို့တစ်စက်ဖိုးတောင် မကျေနိုင်သေးပါ.။
ဖေဖေဂုဏ်ယူနိုင်အောင်လည်း ကြိုးစားခဲ့ပါတယ်
သို့သော် ကျွေးကျေးဇူးတော့ မဆပ်နိုင်သေးပါ.။
လောကကြီးကိုလည်း သာယာအောင် ပံ့ပိုးချင်ပါတယ်
သို့သော် မနှောင့်ယှက်မိအောင် ကြိုးစားနေတုန်းပဲ ရှိပါသေးတယ်.။

ဘာတွေပဲလုပ်ခဲ့ လုပ်ခဲ့
ဘာတွေပဲ ဖြစ်ခဲ့.. ဖြစ်ခဲ့
မေမေရဲ့အပြုံးနဲ့ အသက်ဆက်ရင်း
မနက်ဖြန်အတွက် အားအင်တွေကို
မွေးမြူလိုက်တော့မယ်..။

မေပျို့ မွေးနေ့ပါရှင်.......

2008-03-30T23:47:00.016+06:30

လာလည်သူတွေအတွက် Brthday Cake မျိုးစုံနော် ကြိုက်တာစား အားမနာနဲ့နော်

အဖြူရောင်Birthday Cake လေးပေါ့

ဒါလေးကတော့ အသဲပုံချောကလက်ကိတ်

ဒါလေးကတော့ သစ်သီးလေးတွေနဲ့ တမျိုးဆန်းတယ်နော်

အသဲဖြူဖြူကိတ် ကလေးကလည်း စားချင်စရာ

ရေခဲမုန့်ကြိုက်သူများအတွက်........

အချိုတွေသိပ်မစားနဲ့နော် ...ဆီးချိုဖြစ်နေမယ်

သစ်သီးစုံလေးလည်း စားနော်
အအေးကြိုက်သူများအတွက်

လာလည်တဲ့သူငယ်ချင်းများအားလုံးကို ကျေးဇူးတင်ပါတယ်ရှင်..........။

ချစ်သမီးလေးသို့

2008-03-30T23:27:00.008+06:30

သံသာချို ဥသြတို့ရဲ့
တေးသီသံ နှင့် ရွက်ဝါကြွေ ရာသီပေါ့
မေမေ့ သမီးကို မွေးဖွားခဲ့တာ
မတ်လ ( ၃၁ ) တဲ့လေ
မေမေရဲ့ အိပ်မက်နဲ့ မျှော်လင့်ချက်
မေမေ့ရဲ့ အားကိုးမှုနဲ့ယုံကြည်မှု
ထုဆစ် ရှင်သန်
သမီးလေး မျက်နှာငေးကာ
ရာသီတွေ ဖြတ်သန်းခဲ့တာ
(၁၉ ) နှစ်တောင်ရှိခဲ့ပြီပေါ့……………..။

မတ်လရဲ့ နောက်ဆုံးရက်တစ်ရက်မှာ လူ့လောကထဲကိုရောက်လာခဲ့တဲ့ ချစ်သမီးလေးရေ မွေးကတည်းက သမီးလေးက ဆံပင်ရှည်လေးနဲ့ပေါ့ ..ပန်းနုရောင်အသားအရည်နဲ့ မျက်နှာဝိုင်းလေးနဲ့ သမီးကို တွေ့တဲ့သူတိုင်းက အမေနဲ့လဲမတူပဲ မျက်နှာဝိုင်းလေးနဲ့ချောတယ်လို့ ကောက်ချက်ချ ကြတယ်လေ။

နောက်တခုက သမီးလေးကမွေးပြီးတပတ်လောက်ထိ လုံးဝမျက်လုံးမဖွင့်ဘူး သိလား..မျက်စိများ တခုခု ချို့ယွင်းနေသလား လို့ စိတ်ပူလိုက်ရတာ...နောက်မနေနိုင်တဲ့အဆုံး မေမေ့တို့ရဲ့မိတ်ဆွေ မျက်စိအထူးကုဆရာဝန်ကြီးကို အ်ိမ်ပင့်ပြီး ပြရတယ်လေ...ဆရာဝန်ကြီးက ဘာပြောလဲ သိလား

``ညည်းသမီးက မာနကြီးနေတာ ဘာမှမဖြစ်ဘူး´´တဲ့လေ။ အဲလိုပြပြီး နောက်နေ့မှ မျက်လုံးလေးစဖွင့်တာ အဲဒီကတည်းက သမီးကကြီးလာရင် မာနခဲဖြစ်မယ်လို့ တွေးပြီးသားလေ…။
မေမေ့သမီးလေးက ငယ်ငယ်ကတည်းက သိပ်လိမ္မာတာ။ဘယ်တော့မှဂျီကျတယ်မရှိဘူးလေ။
နောက်ဘယ်တော့မှ မပူဆာတတ်ဘူး သမီးလေးကသိပ်အေးချမ်းတာ ။ မေမေသမီးလေးကို
ဆံပင်ရှည်လေးထားပေးတာ နောက် မနက်မိုးလင်းတာနဲ့ ပါးနှစ်ဖက်မှာ သနပ်ခါးနဲ့ ဆံပင်ရှည်လေးကို နှစ်ဘက်ခွဲချည်ပေးတာလေ။

သမီးလေးတနှစ်ကျော်အချိန်မှာ ချစ်စရာအကောင်းဆုံးပဲ သိလား ၀၀ကစ်ကစ်ကလေးလေ နောက် ဆံပင်ရှည်လေးနဲ့ ပါးကွက်လေးနဲ့ဆိုတော့ သွားလေရာမှာ လူတိုင်းက ချစ်ကြတယ် သိလား ။ အဲဒီတုန်းက သမီးလေး က တောက်တက် တောက်တက် နဲ့ မေမေရဲ့ အရိပ်ကလေးပေါ့ ။

သမီးလေးအတွက် နာံမည်ရွေးတုံးက အကြောင်းလေးပြောပြအုံးမယ် သိလား သမီးလေးက သောကြာသမီးလေးမို့ ``သ´´ နဲ့စတဲ့နံမည်တွေ စဉ်းစားကြတာပေါ့ `သက်လျှာ´` သက်ထား´` သက်နှင်းအိမ်´် နံမည်အမျိုးမျိုးကိုခေါ်ကြည့်လိုက် မကြိုက်လိုက်နဲ့လေ `သဲနုဝေ´ ဆိုတဲ့နံမည်လေးကိုစဉ်းစားမိတော့ ခေါ်ကြည့်မိတယ်သိလား `ဒေါက်တာသဲနုဝေ ´ လို့လေ ခေါ်ရတာ ရိုးရိုးလေးနဲ့အဆင်ပြေတယ် သိလား အဲဒါနဲ့ပဲ အဲဒီနံမည်လေးအတည်ဖြစ်သွားတယ်လေ။ အဲဒီကတည်းက သမီးလေးရဲ့ အနာဂတ်ကိုမေမေက ရွေးချယ်ပေးပြီးသားလေ။

ဒီလိုနဲ့ သမီးလေး ငါးနှစ်အရွယ်မှာ သမီးအတွက် မောင်လေးတစ်ယောက်မွေးပေးခဲ့တယ်လေ။ သမီးလေးဟာ မောင်လေးမွေးကတည်းက မေမေနဲ့ခွဲပြီး တစ်ယောက်တည်း အိပ်ခဲ့ရတယ်လေ။ အဲဒီတုန်းက သမီးလေးရဲ့ အတွင်းစ်ိတ်မှာ မောင်လေးကို မလိုလားစိတ်တွေ ခဏတာ ဖြစ်ခဲ့သေးတယ်လို့ မေမေ ထင်တယ် ။ မွေးကာစ မောင်လေးကို သမီးလေး သိပ်မချစ်သလိုပဲနော် ။မောင်လေးကလည်း ချူချာတော့ မောင်လေးကို ပိုဂရုစို်က်မိတဲ့အခါ သမီးလေးအမြင်မှာ မောင်လေးကို သမီးထက် ပိုချစ်တယ်လို့ ယူဆခဲ့တယ် ထင်တယ်နော်။

ဒါပေမယ့် အရွယ်ရောက်လာတာနဲ့အမျှ သမီးမောင်လေး ကလည်းးသမီးလိုပဲ လိမ္မာတယ် ဆိုတာ သမီးလေးသဘောပေါက်လာတဲ့အချိန်မှာ သမီးလေးရဲ့ တဦးတည်းသောမောင်လေးအပေါ် ချုစ်တတ်လာခဲ့တယ်။ မောင်လေးကို မနက်မိုးလင်းတာနဲ့ ``ချစ်မောင်လေး´´ လို့ခေါ်တဲ့ သမီးလေးရဲ့ အသံလေးဟာ မေမေရင်ကိုအေးမြစေပါတယ် ။

သမီးလေးကလည်း မေမေဖြစ်စေချင်တဲ့အတိုင်း ပညာရေုးကို လိုလားတဲ့သမီးလေးဖြစ်နေတာ မေမေကံကောင်းတာပေါ့ ငယ်ငယ်ကတည်းက နှစ်တိုင်းဆုရနေကြ သမီးလေးဟာ ဆယ်တန်းမှာလဲ မေမေရည်မှန်းတဲ့အတိုင်း ဖြစ်လို့ မေမေမွေးရကြိုးနပ်တဲ့သမီးလေးပါပဲလေ။

သမီးလေး ခုဆိုရင် တတိယနှစ်ရောက်ပြီ တဖြေးဖြေး လူကြီးဆန်လာလို့ သမီးဘ၀မှာ မေမေဟာအရင်လို အရေးမပါတော့ဘူးနော် အရင်က စာကျက်ရင်အနားမှာ ထိုင်စောင့်ပေးနေကျ။ ကျောင်းသွားရင် လိုက်ပို့နေကျ။ ကျောင်းအပ်ရင် မေမေပါမှလို့ဆိုတဲ့သမီးလေး။ ခုတော့သမီးခြေထောက်ပေါ်သမီးရပ်တည်နိုင်နေပြီလေ။

အရင်က ဘတ်စကားဆို မစီးရဲတဲ့ ခပ်ရွံရွံ ကောင်မလေးတစ်ယောက်က ခုတော့ ကျူရှင်လဲ တယောက်ထည်းသွားတတ်ပြီ။ ကျောင်းအပ်ရင်လည်း သူငယ်ချင်းတွေ နဲ့ သွားတတ်ပြီ…ဒီလိုဆိုတော့လည်း မေမေကသမီးလေးအတွက် သိပ်မလိုအပ်တော့သလိုပဲနော်။ ဒါပေမယ့် မေမေရဲ့အချစ်တွေက သမီးလေးအပေါ်မှာ လျော့မသွားပါဘူးကလေးရယ်.။

မေမေဘ၀မှာ သမီးလေးနဲ့ သားလေး ဟာ အရေးပါဆုံးပဲလေ ..။ မေမေက သားနဲ့သမီး ကိုချစ်ပေမယ့် ချုပ်ချယ်တာလည်းမကြိုက်ဘူးလေ ကိုယ်ပိုင်လွတ်လပ်ခွင့်ကို အပြည့်အ၀ ပေးထားတယ် နော် ။ ဒါပေမယ့် ခုထိတော့ သမီးလေးဟာ လွတ်လပ်ခွင့်ကို အလွဲသုံးစားလုပ်တာမတွေ့ရသေးဘူးလေ ဒါကြောင့် သမီးလေးကိုပိုချစ်ရတာ သမီးလေးဟာ အရွယ်နဲ့မလိုက်အောင် တည်ငြိမ်ပြီး အေးဆေးသူမို့ မေမေမွေးရကျိုးနပ်တဲ့ သမီးလေး ပါပဲကွယ်။

မေမေ့သမီးလေး ဟာ နောင်အနာဂတ်မှာ မရှိဆင်းရဲသားများကို ကူညီနိုင်တဲ့ စေတနာဆရာဝန်မကြီး ဖြစ်လာမယ် ဆိုရင်ဖြင့် မေမေ သမီးလေးကို ခုအရွယ်ထိ ကျွေးမွေး စောင့်ရှောက်ရကျိုးနပ်ပါပြီကွယ်။

ကဲသမီးလေးရေ စာလည်းရှည်သွားပြီ ……..သမီးလေးရဲ့ (၁၉)နှစ်ပြည့်မွေးနေ့မှာ အမှတ်တရ …မေမေ့ထံမှ` သမီးလေးသို့ပေးစာ´ ပေါ့ သမီးလေး ဒီနေ့မွေးနေ့ မှသည် နောက် မွေးနေ့ပေါင်းများစွာကို
ကျန်းမာပျော်ရွှင်စွာနဲ့ ချစ်တဲ့မိသားစုနဲ့ အတူကျော်ဖြတ်နိုင်ပါစေလို့နော်

(မေမေ့ရဲ့ မွေးနေ့လက်ဆောင်ကို သမီးလေးနှစ်သက်မယ်လို့ထင်ပါတယ်)

သမီးလေးရဲ့ချစ်မေမေ

သိချင်လှပြီ (၂)

2008-03-26T18:18:00.002+06:30

ကျမ၏စိတ်အစဉ်တို့ကို သင်ခန်းစာထဲသို့ ပို့်ထားလိုက်သည်။ သို့သော် စိတ်သည် ဖမ်းချုပ်၍ မရသည့်အတိုင်း တခါတခါတော့ လွတ်ထွက်ချင်သည်။ စူးစိုက်ထားသည့်ကြားကပင် သင်နေသည့်စာက ဘယ်ရောက်သွားမှန်းမသိ ဖြစ်နေတတ်သည်။ စိတ်မပါဘဲ စာသင်ရသည်မှာ အလွန်ပင် စိတ်ညစ်ညူးဖွယ် ကောင်းလှပါသည်။ ၂နာရီပြည့်၍ စာသင်ချိန်ပြီးပြီဆိုမှ ကျမလည်း စိတ်သက်သာရာ ရသွားတော့သည်။

အတန်းပြီး၍ ဖုန်းကိုဖွင့်ကြည့်လိုက်တော့ မျှော်လင့်ထားသည့်အတိုင်း မတ်စေ့ဂ်ျက ရောက်နေပြန်သည်။
` thansin, ur class is finished, isn't it?´

ဒီပုံအတိုင်းဆို သူသည် ကျမသင်တန်းချိန် မှန်သမျှကိုပါ သိနေပြီပေါ့။ ဒါဆို အတန်းထဲက တစ်ယောက်ယောက်များ ဖြစ်နေမလား..။ သံသယစိတ်ဖြင့် အတူတူဆင်းလာသော အတန်းထဲက သူငယ်ချင်းများကို ကြည့်လိုက်မိသည်။ အားလုံးလိုလိုပင် သူတို့ဘေးနားက သူငယ်ချင်းနှင့်သာ စကားပြောနေကြပြီး ကျမကို ဂရုစိုက်မိသူဟူ၍ တယောက်တလေမှကို မရှိပါ။ ဘာမှမတတ်နိုင်သည့်အဆုံး သက်ပြင်းတစ်ချက်သာ ချလိုက်မိတော့၏။

***

ယုံထင်ကြောင်ထင်နှင့် တွေ့သမျှလူအားလုံးကို သံသယ၀င်နေရသည်မှာ ယနေ့ဆိုလျှင် တစ်ပတ်တောင် ပြည့်ပြီ။ သူကလည်း မတ်စေ့ဂ်ျတို့ကို အချိန်မှန်မှန်နှင့် ပို့နေဆဲ.။ သူ မတ်စေ့ဂ်ျပို့နေကျ အချိန်မျိုးတွင် ကျမလည်း မတ်စေ့ဂ်ျများကို မျှော်နေတတ်ပြီ..။ မတ်စေ့ဂ်ျမလာပါက သူများတခုခု ဖြစ်နေပြီလားဆိုပြီး စိတ်ပူနေတတ်ပြီ..။ ဟိုးတစ်နေ့ကတော့ သူ့အသံကို ကျမကြားလိုက်ရသည်။ `ဟယ်လို´ ဆိုတဲ့ အသံတစ်ခုကို ကြားရရုံဖြင့် သူဘယ်သူလဲဆိုတာ မခွဲခြားနိုင်ခဲ့ပါ။

ယခုတော့လည်း ကျမမှာ အကျင့်တစ်ခုတိုးလာခဲ့ပြန်ပြီ။ အရင်ကဆိုလျှင် ရောက်လာသမျှ မတ်စေ့ဂ်ျအားလုံးကို ဖုန်းလေးမည်ဟု အကြောင်းပြ၍ ဖျက်တတ်သော ကျမသည် ယခုတော့ သူ့မတ်စေ့ဂ်ျများကို တမြတ်တနိုး သိမ်းထားတတ်နေပါပြီ။ အားနေသည့်အချိန်များ၊ တစ်ကိုယ်တည်း ပျင်းရိနေသည့်အချိန်မျိုးတွင် သူပို့ထားခဲ့သော မတ်စေ့ဂ်ျများကို နောက်တစ်ခေါက် ပြန်ဖတ်နေတတ်သည်။ ထိုမတ်စေ့ဂ်ျများကိုဖတ်ပြီး သူ့ပုံပန်းသဏ္ဍာန်ကို ခန့်မှန်းရသည်မှာလည်း ရင်ခုန်ကြည်နူးဖွယ်ကောင်းလှပါသည်။ သူသည် ချောမောသူများ ဖြစ်လေမလား..။ ဒါမှမဟုတ် လွတ်လပ်ပေါ့ပါးစွာ နေတတ်သူလား..။ ဘာပဲဖြစ်ဖြစ် သူသည် ကျမ စိတ်ပျော်ရွှင်စေအောင်တော့ စွမ်းဆောင်နိုင်သူ ဖြစ်ပါသည်။

သူ့ကို မသိရသေးခင်က သိချင်သည့်စိတ်ဖြင့် စိတ်လှုပ်ရှားရသည်လည်း ရှိသလို သူ့ကို သိရမည်ဆိုရင်လည်း ဘယ်လိုပုံစံမျိုးဖြင့် ဆက်ဆံရမည်ကိုလည်း ကျမရင်မောလှပါသည်။ ကျမ မျှော်လင့်နေခဲ့သည့် ထိုနေ့ကိုတော့ သိပ်မကြာခင်မှာဘဲ ရောက်ရှိခဲ့ပါသည်။ ထိုနေ့က သူ ပို့နေကျ အချိန်မဟုတ်ဘဲ မနက်စောစော ကျမထံသို့ မတ်စေ့ဂ်ျတစ်ခု ၀င်လာပါသည်။ ` သူ ဒီနေ့ ကျမကို လာတွေ့မည်´တဲ့.။ ထို မတ်စေ့ဂ်ျကို ဖတ်နေသည့်အချိန်အတွင်းမှာပဲ ကျမလက်တွေ မသိမသာ တုန်ယင်နေခဲ့ပါသည်။

သင်တန်းမတက်ခင်များ ကျမကို လာခေါ်လိမ့်မလား။ အဲလိုမျိုး လာခေါ်ရင်တော့ ကျမ သင်တန်းတက်နိုင်ပါတော့မလား။ သူက ကျမအရင်ကတည်းက သိတဲ့လူများ ဖြစ်နေမလား။ တခါမှ မမြင်ဖူးတဲ့ သူများလား။ အစရှိသည့် မေးခွန်းတွေနဲ့ ကျမရဲ့ခေါင်းထဲမှာ ရှုပ်ထွေးနေသည်။ သူသည် သင်တန်းမတက်ခင်တော့ ရောက်မလာခဲ့ပါ။ စောင့်ရတာကို အင်မတန်မှ မုန်းတီးသော ကျမသည် ယခုတော့ ဘယ်အချိန်လာခေါ်မှန်း မသိသောသူ့ကို စောင့်နေရပါသည်။ သင်တန်းတက်နေစဉ် တလျှောက်လုံးလည်း မတည်မငြိမ်နှင့် စိတ်လှုပ်ရှားနေသော ကျမကိုယ်ကျမ ဒေါသထွက်မိပါသည်။

လက်မှနာရီကို ဘယ်နှကြိမ်မြောက်မှန်း မသိ ကြည့်လိုက်မိသည်။ သင်တန်းလွှတ်ချိန် နီးကပ်လာလေလေ ကျမ စိတ်တွေလှုပ်ရှားရလေလေပါပဲ..။ ဟော.. အတန်းလွှတ်လိုက်ပြီ.။ ကျမနာမည်ကို ဘယ်သူများ ခေါ်လိုက်လေမလဲဆိုပြီး နားစွင့်ထားမိသည်။ ဟိုဟိုဒီဒီ လျှောက်ရှာနေတုန်းမှာပဲ ကျမကို အရှိန်နဲ့ တစ်ယောက်ယောက်က ၀င်တိုက်လိုက်သည်။ မျက်လုံးတွေ ပြာသွားပြီး ကျမလက်ထဲမှာ ကိုင်ထားသော စာအုပ်များ လွတ်ကျသွား၏။ ဒေါသတကြီးနှင့် မော့ကြည့်လိုက်တော့ ကျမကို ပြောင်စပ်စပ်နှင့် လူတစ်ယောက်က ငုံ့ကြည့်နေသည်။

ထိုသူ့ကို ကျမသိပါသည်။ အလွန်ပေါ့ပျက်ပျက်နိုင်ပြီး စည်းကမ်းမှန်သမျှကို ချိုးဖောက်သူဖြစ်သည်။ ဆော်အလွန်ကြည်သူဟု နာမည်ထွက်သူဖြစ်သည်။ ကောင်မလေးပေါင်းစုံကို ထည်လွဲတွဲနေတာလည်း ကျမ မျက်မြင်ကိုယ်တွေ့ပါ။ တွဲနေတဲ့သူတွေ များလွန်းအားကြီးသောကြောင့် ဘယ်တစ်ယောက်က သူ့ရည်းစားအစစ်အမှန်လည်း ဆိုတာတောင် ကျမ မဝေခွဲတတ်ပါ။ သူ့ကို ကြောက်လည်း ကြောက်၍ အထင်လည်း သေးပါသည်။ စကားပြောချင်စိတ်လည်း မရှိသဖြင့် ကျမစာအုပ်များကို ကောက်ပြီး လှည့်ထွက်ရန် ပြင်လိုက်ပါသည်။ ကျမ လှည့်ထွက်ပြီး ခြေတစ်လှမ်း.. နှစ်လှမ်း..

` သံစဉ် ´

ကျမကို လှမ်းခေါ်လိုက်သံ..။ သူ ရောက်လာပြီလား..။ ကျမ စိတ်လှုပ်ရှားစွာနဲ့ လှည့်ကြည့်လိုက်၏။ ကျမ တွေ့လိုက်ရသည်နှင့် မျှော်လင့်ချက်တွေ အားလုံး ပျက်သုဉ်းသွားသည်။ ချက်ချင်းပင် ကျမလှည့်ထွက်လိုက်သည်။ ထိုနေရာနှင့် အဝေးဆုံးကို သွားနိုင်သမျှ သွားလိုက်ချင်သည်။ လှည့်ထွက်လိုက်သည့် ခြေလှမ်းများနဲ့အတူ ဆုံးဖြတ်ချက် တစ်ခုပါ ချလိုက်မိ၏။ ကျမ သိမ်းထားခဲ့သော သူ၏မတ်စေ့ဂ်ျများ အားလုံး တစ်ခါတည်းကို delete လုပ်လိုက်တော့မည်..။

ကျမအား လှမ်းခေါ်လိုက်သော `သူ´မှာ ခုနက ကျမကို ၀င်တိုက်ခဲ့သော ကျမအမြင်ကတ်လှပါသည့် `သူ´ သာ ဖြစ်ပါသည်။

***

လူတိုင်းသည် မျှော်လင့်ဖူးပါသည်။ မျှော်လင့်ချက်နောက်ကို ကောက်ကောက်ပါအောင် လိုက်တတ်ကြသည်။ သို့သော် လောကတွင် မျှော်လင့်တိုင်းလည်း ဖြစ်မလာသော အရာများစွာ ရှိသည်။ မျှော်မှန်းသည့်အတိုင်း ဖြစ်လာသည့်အခါတွင် လူသားတိုင်း ပျော်ရွှင်တတ်ကြပါသည်။ သို့သော် မျှော်လင့်တိုင်း ဖြစ်မလာခဲ့လျှင်တော့…။

<မေပျို>

သိချင်လှပြီ...။

2008-03-22T13:08:00.008+06:30

သိချင်လှပြီ..။

သူ.. ဘယ်သူလဲဆိုတာ ကျမ သိချင်လှပါသည်။

***

နှိုးစက်မြည်သံလေးတစ်ခုနဲ့ ကျမရဲ့မနက်ခင်းကို ဖွင့်လှစ်ခဲ့ပါသည်။ နိုးနိုးချင်း ပထမဆုံး ကျမခေါင်းထဲဝင်လာသော အကြောင်းအရာကတော့ ကျမ ဒီနေ့ သင်တန်းတက်ရမည် ဖြစ်သည်။ သည်သင်တန်းကို အလွန်အမင်း တက်ချင်သဖြင့် တက္ကသိုလ်ဝင်တန်း ဖြေပြီးသည့်နောက်နေ့မှာပင် ၀င်ခွင့်ဖြေခဲ့ခြင်းဖြစ်သည်။ ယခုဆိုလျှင် ကျမသင်တန်းတက်ခဲ့သည်မှာ တစ်လတောင် ပြည့်တော့မည်။ အတန်းထဲက သင်တန်းသားတော်တော်များများနဲ့ ကျမခင်မင်ရင်းနှီးနေပြီ ဖြစ်သည်။

ရေမိုးချိုးပြီးသည်နှင့် အ၀တ်အစားကို ရွေးချယ်နေမိသည်။ ဘာဝတ်ရင် ကောင်းမလဲ။ ဂျင်းဘောင်းဘီ ကျပ်ကျပ်လေးနဲ့ ခပ်မိုက်မိုက်ပုံစံ ၀တ်ရအောင်လည်း ကျမရုပ်ရည်က စတိုင်မိမိနှင့် ခေတ်ဆန်သည့် ရုပ်ရည်မျိုးမဟုတ်ပါ။ (ခေတ်မဆန်သော ရုပ်ရည်နှင့် လန်နေအောင် ၀တ်ထားသော မိန်းကလေးများကို ကျမဘယ်လိုမှ သဘောမကျနိုင်ပါ။) ဒါဆို စကတ်လေး ၀တ်ရမည်လား။ စကတ်နှင့်ဆိုရင်တော့ ကျမပုံစံနှင့် လိုက်ဖက်မည်ဖြစ်သည်။ ကြည့်ကောင်းမည်ထင်သော အကျီနှင့်စကတ်ကို တွဲဖက်ဝတ်ဆင်လိုက်သည်။

မေမေပြင်ကျွေးသော မနက်စာကို စားသောက်ပြီးနောက် လိုက်ပို့မည့်ကားကို စောင့်နေလိုက်သည်။ သည်နေ့မှပဲ ကားဆရာ ဦးလေးကြီးက နောက်ကျနေသည်။ ကျမက အတန်းထဲကို သူများထက် အရင်ရောက်မှ ကျေနပ်တတ်သူ။ ဆရာစာသင်နေမှ ၀င်ရမည့်အရေးကိုတွေး၍ ကျမသေမလောက် ရှက်လှပါသည်။ နာရီကိုကြည့်လိုက်တော့ ကျမစောင့်နိုင်သည့် အတိုင်းအတာကလည်း လွန်နေပြီ။ အမြန်ဆုံးသွားနိုင်မည်ဆိုရင်တောင် ယခုသွားကာမှ မီရုံကျပေမည်။ ဆုံးဖြတ်ပြီးသည့်အတိုင်း ကျမထိုင်ရာမှ ထလိုက်သည်။ ကျမ တက္ကစီနှင့်ပဲ သွားတော့မည်ဟု မေမေ့ကို ပြောရမည်လေ။ မေမေ့အား နှုတ်ဆက်ပြီး ဖုန်းကိုကိုင်ကာ အိမ်ကနေ ထွက်ခဲ့သည်။

တက္ကစီပေါ်ရောက်သည်မှ မကြာသေး..။ ကျမဖုန်းမှ အချက်ပြသံလေး မြည်လာသည်။ ကျမကိုယ်တိုင် သွင်းထားသည့်အသံလေးမို့ ကျမမှတ်မိနေပါသည်။ ကျမထံသို့ တစ်စုံတစ်ယောက် မတ်စေ့ဂ်ျပို့နေပြီ။

` Have a nice day, thansin.
with love,´

ဖုန်းနံပါတ်ကို ကြည့်လိုက်တော့ ကျမ မသိသော ဖုန်းနံပါတ်တစ်ခု..။ ကျမ နည်းနည်းတော့ အံ့သြသွားပါသည်။ ကျမဖုန်းနံပါတ်ကို သိသောသူများမှာ လက်ချိုးရေ၍တောင် ရနိုင်ပါသည်။ သူ.. ဘယ်သူများ ဖြစ်နိုင်မည်နည်း။ ပထမတော့ ဖုန်းမှားပို့သည်ဟု ထင်မှတ်ခဲ့သည်။ ဖုန်းမှားပို့သည် ဆိုရအောင်လည်း ကျမနာမည် အတိအကျကိုက မတ်စေ့ဂ်ျထဲမှာ ပါနေသည်။ ဒါ့အပြင် သည်ဖုန်းနံပါတ်နှင့် ကျမထံ မတ်စေ့ဂ်ျပို့နေသည်မှာ ဒီနေ့နှင့်ဆို သုံးရက်တောင် ရှိပြီ။ ကျမ ခံစားချက်ရောင်စုံကို တပြိုင်နက်ထဲ ခံစားလိုက်ရသည်။ ဘယ်သူမှန်း မသိသောကြောင့် စိတ်ညစ်ညူးရသည်။ မသိသောလူတစ်ယောက်က (ကိုယ့်နာမည်အတိအကျဖြင့်) မတ်စေ့ဂ်ျပို့သောကြောင့် မိန်းကလေးပီသစွာ အနည်းငယ်ဂုဏ်ယူချင်နေပါသည်။ သို့သော် ကျမသည် ထူးခြားစွာ ချောမောလှပသူတစ်ယောက်တော့ မဟုတ်ပါ။

ကျမစီးလာသော ကားလေးသည် အရှိန်မြန်မြန်ဖြင့် ရွေ့လျားနေပါသည်။ ကျမစိတ်ထင်တော့ ကျမအိမ်က ကားထက်ပင် ပို၍အရှိန်မြန်လှပေသည်။ ကားမှန်ဖွင့်ထားသဖြင့် မနက်စောစော လေစိမ်းသည် ကျမမျက်နှာအား စိမ်းသက်စွာ တိုက်ခတ်နေပါသည်။ ရေချိုးပြီးလာခဲ့သဖြင့် ကျမကိုယ်ခန္ဓာမှာ အနည်းငယ် အေးစက်နေပါသည်။ သို့သော် ကားမှန်တင်ဖို့အတွက်တော့ ကျမစိတ်ကူးမရှိပါ။ တဖြူးဖြူးတိုက်ခတ်နေသော လေတွေနှင့်အတူ သူ.. ဘယ်သူလဲဆိုတာ စဉ်းစားရသည်မှာ ကျမအတွက် တမျိုးစိတ်ဝင်စားဖွယ် ကောင်းလေသည်။

ကားရပ်သွားတော့မှ ကျမသတိထားလိုက်မိသည်။ တက္ကစီက ကျမတို့သင်တန်းရှေ့ကို ရောက်နေပြီပဲ။ ခါတိုင်း နာရီဝက်ကြာအောင် သွားရသော အသွားခရီးသည် ယခုတော့ ငါးမိနစ်လောက်သာ ကြာသလိုလို..။ ကျသင့်ငွေကို ထုတ်ပေးပြီး သင်တန်းရှိရာ အဆောက်အဦးထဲသို့ ၀င်လိုက်သည်။ ၀င်ပေါက်မှာ စောင့်နေသော ဦးလေးကြီးက ကျမကို မြင်သည်နှင့် နှုတ်ဆက်နေကြအတိုင်း နှုတ်ဆက်လိုက်သည်။

` good morning!!! ´

ကျမ ပြန်လည်နှုတ်ဆက်ပြီး အပေါ်ထပ်သို့ ဆက်တက်လာခဲ့သည်။ ကျမရောက်သွားတော့ သင်တန်းစရန် ၁၀မိနစ်သာသာ လိုတော့သည်။ အခြားအတန်းက သင်တန်းသားတွေကလည်း သူတို့အခန်းရှေ့မှာ မတ်တပ်ရပ်လို့..။ အနည်းငယ်ကျန်သော အချိန်များအား ထိုသူတွေကို အကဲခတ်ရင်းနှင့်သာ ကုန်ဆုံးလိုက်ပါသည်။ ကျမလှမ်းကြည့်နေသည်ကို တွေ့သွားပြီး ကျမထက် လယ်ဗယ်တစ်ခု ပိုမြင့်သော အတန်းမှ အကိုကြီးတစ်ယောက်က ကျမအား ပြုံးပြသည်။ သူများ ဖြစ်မလား..။ ကျမတွေးကြည့်မိပါသည်။ သို့သော်ကျမ မည်သို့မျှ မခန့်မှန်းတတ်ပါ..။

<ဆက်ရန်>

နွေရာသီ ၏ စိန်ခေါ်မှု အား အံတု၍

2008-03-19T17:17:00.003+06:30

နွေရာသီရောက်ပြီ ဆိုရင်ဖြင့် အားလုံးကြောက်ရွံကြတာ မီးဘေးပါပဲ ။ 2008 ခုနှစ်ရဲ့ဖေဖေါ်ဝါရီလ (25) ရက်နေ့ မနက် 8နာရီ မှာ မန္တလေး ရတနာပုံဈေး မီးလောင်မှုနဲ့ ရန်ကုန် လှိုင်သာယာ မီးလောင်မှု တပြိုင်တည်း လောင်ခဲ့တဲ့မီးဟာ ဒီနှစ်မှာ ဆုံးရှုံးမှု အများဆုံး ဖြစ်ပါတယ်။ လှိုင်သာယာမီးဘေးကြောင့် မိသားစုပေါင်း (1200ကျော် ) အိုးမဲ့အိမ်မဲ့ ဖြစ်သွားခဲ့ပါတယ် ။ မီးလောင်မှုမှာ လှိုင်သာယာ အောင်သုခလမ်းမှစတင် လောင်ကျွမ်းခဲ့ပြီး သီးသန့်လမ်း၊ ခရေလမ်း၊ ဗိုလ်ချုပ်လမ်းနှင့် ဆိပ်ကမ်းသာလမ်း စုစုပေါင်း လမ်းငါးလမ်းမှ အိမ်ခြေပေါင်း ၂၂၆ အိမ် မီးလောင်ခံခဲ့ရပါတယ်။

မီးဘေးအတွက် အဓိက လှူဒါန်းသူများကတော့ နိုင်ငံခြားရောက် မြန်မာများ၊ Ravenသွေးလှူ၇ှင်အဖွဲ့ ၊ ပြည်တွင်းမှ စေတနာရှင်များ၊ မြန်မာပြည်မှ ဘလော့ကာများ ဖြစ်ပါတယ်။ သူတို့ပေးပို့တဲ့ ငွေသား သိန်းသုံးဆယ်ကျော်ကို မတည်ပြီး ပြည်တွင်းမှလည်း လှူဒါန်းသူများရဲ့ ငွေများနှင့် ပူးပေါင်းလိုက်တဲ့အခါ ငွေသားပေါင်း သိန်းလေးဆယ့်ငါးသိန်းလောက်အထိ ကောက်ခံရရှိခဲ့ပါတယ်။ ရရှိတဲ့ငွေသားများကို ကြက်ခြေနီတပ်ဖွဲ့မှ လူငယ်များ နဲ့Raven သွေးလှူရှင် အဖွဲ့မှလူငယ်များက ဝေငှရာမှာ တက်ကြွ စွာ တာဝန်ယူခဲ့ကြပါတယ်။ရရှိတဲ့ငွေသားများကို ၁၅၀၀ကျပ်တန် စပို့ရှပ် အထည် ၂၅၀၀ ၀ယ်ယူခဲ့ပါတယ်။

Raven BDC မှ အလှူရှင်တဦးကလည်း အ၀တ်အထည် ၃၆၅ ထည် လှူဒါန်းပါတယ်။ လှုဒါန်းမည့်နေ့ မနက် ဆယ်နာရီ အချိန်တွင် ရန်ကုန်မှ ဘလော့ကာများမှ အလှူငွေ နှစ်သိန်းထပ်မံ လှူဒါန်းသည့်အတွက် ကြက်ဥ အလုံး ၂၀၀၀ ကျော်ကို ချက်ချင်း ၀ယ်ယူခဲ့ပါတယ်။ ရန်ကုန်စည်ပင်သာယာ လက်ထောက်ညွန်ကြားရေးမှုး
ကလည်း ဗလာစာအုပ် ဒါဇင် 600 ကို လာရောက်လှူဒါန်းခဲ့ပါတယ်။

၁၈.၃.၂၀၀၈ ရက်နေ့ မနက်စောစောကတည်းက ကြက်ခြေနီတပ်ဖွဲ့မှ လူငယ်များ နဲ့Raven အဖွဲ့သားများဟာ လှူဒါန်းရေးအတွက် စိတ်အားထက်သန်နေကြပ်ါတယ်။ မနက်စောစော ကတည်းက လူစုပြီး ၇.၃၀အချိန်မှာ Raven BDC ရုံးခန်းမှ စတင်ထွက်ခွာခဲ့ပါတယ်။ မနက် ၉.၀၀နာရီမှာ လှိုင်သာယာကိုရောက်ရှိခဲ့ပါတယ်။ တာဝန်ရှိသူများထံ သတင်းပို့ပြီးနောက် လှိုင်သာယာ အရန်မိးသတ်တပ်ဖွဲ့များကလည်း ကူညီအားဖြည့်ပေးပါတယ်။ ၁၀.၃၀နာရီတွင် လှိုင်သာယာ ရေဥက္ကံဈေး ကိုရောက်ရှိပါတယ်။

လှုဒါန်းမဲ့ ပစ္စည်းများကိုနေရာချထားချိန်မှာပဲ လူထုက စည်ကားစွာ ရောက်ရှိနေခဲ့ပါပြီ။ နေ့လည် ၁၂.၀၀နာရီမှာ စတင်လှူဒါန်းပါတယ်။ လှူဒါန်းတဲ့နေရာမှာလဲ မိသားစုအလိုက် အထည်အရေအတွက်ကို စာရင်းများတွက်ချက်ပြီး စနစ်တကျခွဲဝေပေးခဲ့တာဖြစ်ပါတယ်။လာရောက် ကြတဲ့ မီးဘေးဒုက္ခသည်များကလည်း စနစ်တကျ လာရောက်ယူငင်ကြတဲ့ အတွက် ဝေငှ၇ာမှာ ပိုပြီး အဆင်ပြေချောမွေခဲ့ပါတယ်။

မိသားစုအလိုက် အကျီင်္၊ဗလာစာအုပ်၊ ကြက်ဥ တို့ကို အချိုးကြ ဝေငှ ခဲ့ပါတယ်။ ဝေငှရာမှာလမ်းအလိုက် ပထမဦးစွာ ခရေလမ်း၊ ထိုနောက် ဗိုလ်ချုပ်လမ်း ၊သီးသန့်လမ်း၊ ဆိပ်ကမ်းသာလမ်း ၊နောက်ဆုံး အောင်သုခလမ်းကိုဝေငှခဲ့ပါတယ်။ ညနေ၆.၀၀မှာ အားလုံးဝေငှ ပြီးစီးခဲ့ပါတယ်။

အခုလို လှူဒါန်းမှုလေးက လိုအပ်နေတဲ့နေရာကို လိုအပ်တဲ့ ပစ္စည်းတွေ အရောက်ပို့နိုင်ခဲ့တဲ့အတွက် ဖော်မပြတတ်အောင်ပဲ ပီတီဖြစ်မိပါတယ်။ အဲဒါကြောင့် ဦးဆောင် ဦးရွက်ပြုခဲ့တဲ့ RAVEN BDC အပါအ၀င် လူမှုရေးအသင်းအဖွဲ့များ၊ စေတနာရှင် အလှူရှင်များနဲ့ လုပ်အားပေး မောင်မယ်များ အားလုံးကို ရင်ထဲကနေ လှိုက်လှိုက်လှဲလှဲ ကျေးဇူးတင်မိပါတယ်လေ။
ကျမ ဘလော့လေးမှာ ကျမသူငယ်ချင်းများရဲ့ လှိုင်သာယာမီးဘေး ကယ်ဆယ်ရေး အကြောင်းကို တင်ပြရင်း ဒီပို့လေးနဲ့ အလှူရှင်များနဲ့ လုပ်အားပေး မောင်မယ်များကို ဂုဏ်ပြုလိုက်ပါတယ်။

သူငယ်ချင်းဆိုတာ

2008-03-15T15:20:00.001+06:30

သူငယ်ချင်းဆိုတာ..
ခံစားချက်တွေနဲ့ သံစဉ်ဖွဲ့ပြီး
ရင်ခုန်သံကို ကြိုးညှိနိုင်သူတွေ..။

သူငယ်ချင်းဆိုတာ..
ဖြူစင်တဲ့မေတ္တာတရားနဲ့
လောကကြီးကို အလှဆင်သူတွေ..။

သူငယ်ချင်းဆိုတာ..
ဘ၀အမောတွေနဲ့ ကြုံရတိုင်း
အေးမြတဲ့ချစ်ခြင်းတွေနဲ့
ချွေးသိပ်ပေးသူတွေ..။

သူငယ်ချင်းဆိုတာ..
ကန္တာရခရီးလမ်းမှာ
အိုအေစစ်တမျှ လိုအပ်လှတဲ့
ခရီးသွားဖော်တွေ..။

သူငယ်ချင်းဆိုတာ..
အမုန်းနဲ့အာဃာတကို မေ့ထား
ချစ်ခြင်းနဲ့ သံယောဇဉ်ကိုသာ
တည်ဆောက်တတ်ကြသူတွေ..။

ကံကြမ္မာတွေ ဘယ်လိုပြောင်းပြောင်း
သက္ကရာဇ်တွေ ဘယ်လိုနှောင်းလည်း
ရင်ခုန်သံမရပ်သရွေ့
သူငယ်ချင်းတွေနဲ့ တွဲလက်မြဲစွာ
ဆက်လျှောက်နေမယ်...။

စောင့်ပေးကြနော်..

2008-03-05T22:24:00.001+06:30

အခုတလော ကျမလည်း ကျောင်းတက်လိုက်၊ ဆေးရုံသွားလိုက်နဲ့ အရမ်းကို မအားမလပ်ဖြစ်နေပါတယ်။ ဒါ့ကြောင့် ပို့စ်အသစ် မတင်ဖြစ်တာပါ။ အွန်လိုင်းလည်း မတက်ဖြစ်တာပါ။ လာလည်တဲ့ သူငယ်ချင်းတွေကို ကျေးဇူးလည်းတင်ပါတယ်။ အားလည်းနာလှပါပြီ။ ဒါပေမယ့်လည်း သောကြာနေ့ကစပြီး ကျူတိုရီယယ် သုံးခုက တစ်ရက်ခြားစီ ဖြေရမှာမို့ အသစ်ဖတ်ရန် မျှော်နေကြသော သူငယ်ချင်းများအားလုံး ကျမကို ခဏလောက် သည်းခံပြီး စောင့်ပေးကြနော်။

လောကကိုအလှဆင်သူများ

2008-03-02T21:10:00.004+06:30

မြန်မာနိုင်ငံရဲ့ မှတ်တမ်းတင် နေ့တနေ့ဖြစ်တဲ့ တောင်သူလယ်သမားနေ့(မတ်လ ၂ ရက် ) နေ့မှာ အမိမြေရဲ့ ရပ်ဝေးရပ်နီးမှာ ရှိနေကြတဲ့ မြန်မာပြည်သူ ပြည်သားများနဲ့ မြန်မာစာပေကို မြတ်နိုးတဲ့ လူတိုင်းအတွက် ဖတ်ရှုချင်စရာ အွန်လိုင်း မဂ္ဂဇင်းတစောင် ထွက်ရှိခဲ့ပါတယ်။ မဂ္ဂဇင်းရဲ့ အမည်ကတော့ `လောက အလှ ´ လို့ ပေးထားတာကိုတွေ့ရပါတယ်။

အတွေးအမြင် ၊ အနုပညာ သတင်း ၊ အက်ဆေး ၊ ဟာသ၊ ဆောင်းပါး ၊ ၀တ္ထုတို၊ အင်တာဗျူး ၊ ကျန်းမာရေးကဏ္ဍ၊ ပညာရေးကဏ္ဍ၊ ကွန်ပြူတာကဏ္ဍ၊ ဓါတ်ပုံကဏ္ဍ၊ အမျိုးသားရေးရာ၊ အမျိုးသမီးရေးရာ စသည်ဖြင့် စုံလင်စွာဖော်ပြထားတဲ့ အဲဒီ အွန်လိုင်း မဂ္ဂဇင်းမှာ ဘလော့လောကမှာ လူအများသိပြီး နေကြပြီဖြစ်တဲ့ အကိုစေးထူး၊ မမေဓာဝီ တို့အပြင် စာရေးသူ အတော်များများ ရေးသားထားကြတာမို့ စိတ်ဝင်တစားဖတ်ချင်စရာလေး ဖြစ်ပါတယ်။ အဲဒီ မဂ္ဂဇင်းဆီကို သွားချင်တယ်ဆိုရင်တော့ ဒီနေရာလေးကတဆင့် သွားဖို့ ဖိတ်ခေါ်ပါတယ်ရှင်…။ အယ်ဒီတာများရဲ့ ပြန်ကြားချက်အရ လောကအလှ မဂ္ဂဇင်းကို အပတ်စဉ် တိုင်း Edit လုပ်သွားမှာဖြစ်တယ်လို့ သိရှိရပါတယ်။

ကဗျာဆရာတစ်ယောက်အကြောင်း

2008-02-29T18:40:00.005+06:30

ဒီနေ့ဆိုရင် ကိုကျော်(ကိုနေဘုန်းလတ်)ကို ခေါ်သွားကြတာ တစ်လပြည့်ခဲ့ပါပြီ။ ကိုကျော့်ကို သတိရတဲ့အတွက် ကျမ ကဗျာလေး တစ်ပုဒ်ရေးဖြစ်ခဲ့ပါတယ်။ အခု ဒီကဗျာလေးကို တင်ပေးပါ့မယ်နော်။

တခါတုန်းက …
တိုင်းပြည်ကို အရမ်းချစ်တဲ့
လူငယ်တွေကို တိုးတက်စေချင်တဲ့

မိသားစုကို အချစ်ကြီးတဲ့

မိတ်ဆွေတွေကို ခုံမင်တဲ့
ပရိသတ်ကို လေးစားတဲ့
ကဗျာဆရာတစ်ယောက်
ရှိခဲ့တယ်။

သူ့ရဲ့နှလုံးသားကို ရင်း၍
အနုပညာပန်းတွေကို
ပွင့်လန်းစေခဲ့တယ်။

တနေ့မှာတော့..
ရင်ဘတ်ထဲက လွတ်ကျလိုက်တဲ့
အနုပညာတွေ ပေါင်းစုပြီး
မြို့တော်ကြီးတစ်ခုကို..
သူ..တည်ထောင်ခဲ့တယ်။
အဲဒီ့မြို့တော်နာမည်က…
`ကျွန်တော်လွတ်ကျခဲ့တဲ့မြို့တော်´တဲ့..။

ဧရာဝတီမြစ်က
အရှိန်နဲ့စီးဆင်းလေတော့
ကဗျာဆရာလည်း
မြစ်ငယ်၊ချောင်းငယ်အသွင်နဲ့
ဝင်ရောက်စီးမျောခဲ့တယ်..။

ဒီလိုနဲ့ပဲ..
ဇန်န၀ါရီရဲ့ နေ့လည်တစ်ခုမှာတော့..
ငရဲသားတွေက ကဗျာဆရာကို
အမှောင်တစ်နေရာဆီသို့
ခေါ်ဆောင်သွားခဲ့တယ်..။

ဒီနေ့ဆိုရင်..
သူတို့ ခေါ်ဆောင် သွားတာ
တစ်လတောင် ပြည့်ရောပေါ့..။
သူ့မြို့တော်ကြီးလည်း စောင့်ရှောက်သူမဲ့ခဲ့တာ
တစ်လပြည့်ပြီပေါ့..။
သူလည်း အမှောင်ထဲမှာ ရှင်သန်နေရတာ
တစ်လပြည့်ရောပေါ့..။

မျှော်နေပါတယ်..။
သူ့ရဲ့မြို့တော်ကြီးရော..
သူ.. ချစ်တဲ့မိသားစုကရော..
သူ..တွယ်တာရတဲ့သူငယ်ချင်းတွေကရော..
သူ့ကို လေးစားတဲ့ ပရိသတ်တွေကရော..
သူ… ပြန်လာမယ့်တနေ့နေ့ကို..
မျှော်လင့်နေပါတယ်..။

ယုံလည်းယုံကြည်နေတယ်..
`အမှန်တရားက နိုင်ကိုနိုင်ရမယ်´
`ကိုကျော်လည်း လွတ်မြောက်လာရမယ်´ လို့လေ။

ခေါင်းစဉ်မရှိတဲ့ပေါက်ကွဲသံ

2008-02-26T20:38:00.004+06:30

နှလုံးသားတိုင်း လှုပ်ရှားတတ်ပေမယ့်
ကြင်နာတတ်တဲ့ နှလုံးသား ရှားလိမ့်မယ်
မင်းမယုံရင် ရှာကြည့်စမ်း
ဒီလောက် လူတွေ အများကြီးမှာ
စာနာတတ်တဲ့လူ ဘယ်နှစ်ယောက်များ ရှိမလဲလို့
တိမ်တွေရဲ့မျက်ရည်ကို
မိုးရွာတယ်လို့ မင်းပြောနိုင်တယ်
ဒါပေမယ့် ငါတို့ရင်ထဲက ငိုသံတွေကိုတော့
ဘယ်လိုတေးဂီတသံနဲ့များ ဖုံးလွှမ်းမလဲ
မျက်နှာဖုံးစွပ်ထားတဲ့ ဟန်ဆောင်မှုတွေနဲ့
လာလာပြုံးမပြစမ်းနဲ့
ဒီအပြုံးတွေကို တုံ့ပြန်ပြုံးရမှာ ငါရွံရှာလွန်းလို့ပါ
ငါ ပျိုးထောင်နေတဲ့ မိုးပြာရောင်အိပ်မက်တွေကို
မင်းဖိနပ်နဲ့ မနင်းချေချင်နဲ့
မင်းဖိနပ်ပဲ စုတ်ပြတ်သပ်သွားမယ်
ငါ့အိပ်မက်တွေကတော့ သူတို့အရှင်သခင် `ငါ့´ကို
အမြဲဦးညွှတ်နေမှာပဲ
ငါ့သွေးကြောထဲက သွေးတွေကို
ရဲလွန်းတယ်ဆိုတဲ့ အကြောင်းပြချက်နဲ့
ဖောက်ထုတ်ပစ်နိုင်တယ်
ဒါပေမယ့်
ကဗျာဖွဲ့မယ့် ငါ့နှလုံးသားကိုတော့
ပြက်ရယ်မပြုလိုက်နဲ့
ရင်ထဲက အစိုင်အခဲတွေက
အချိန်မရွေး မီးထတောက်မှာစိုးလို့ပါ
တစ်ခါလေးရှုံးဖူးရုံနဲ့
ဘ၀ဆိုတဲ့ကြိုးဝိုင်းက နုတ်ထွက်ရမယ်လို့
ဘယ်သူမှ မပြောဘူး
အနိုင်ဆိုတာ အရှုံးကစတယ်လို့ မှတ်ထားလိုက်
ဘ၀ဆိုတာ ရေးပြီးသားဝတ္ထုဆိုတဲ့ စကားလေးနဲ့
ငါ့အိပ်မက်ကို မဖျက်ချင်နဲ့
ကြိုးစားရင် ဘာမဆိုဖြစ်တယ်ဆိုတာ ငါယုံတယ်
လျှောက်လှမ်းခဲ့တဲ့ ငါ့သက်တမ်းကို ပြန်ကြည့်လိုက်စမ်း
လဲကျခဲ့ပေမယ့် ပြန်ထနိုင်တယ်ဆိုတာ မင်းတို့မြင်ရလိမ့်မယ်
ဒါ့ကြောင့် ငါ အားနည်းနေတယ်ဆိုပြီး
ဖိနှိပ်ချင်တဲ့စကားတွေ ခဏခဏလာလာမပြောစမ်းနဲ့
မင်း ပြောသမျှကို နားထောင်ရမှာ
ငါ. စာကျက်ပျက်တယ်။

ကျမနဲ့မျက်ဝန်းတစ်စုံ(၂)

2008-02-22T22:01:00.002+06:30

ထိုနေ့မှစ၍ ကျောင်းတက်လိုက်၊ စာကျက်လိုက်နှင့် ကုန်လွန်နေသော ကျမရဲ့တစ်နေ့တာ အလုပ်များတွင် မည်သူ့၏ခိုင်းစေချက်မှ မပါဝင်ဘဲ တာဝန်တစ်ခု ပိုလာခဲ့ပါသည်။ အဲဒါကတော့ ကျောင်းရောက်တာနဲ့ သူ့ကိုရှာရခြင်းပါပဲ။ တနေ့တနေ့ `သူမှကျောင်းတက်ပါ့မလား´ ဆိုတဲ့အတွေးက ကျမကိုနှိပ်စက်လျက်ရှိပါသည်။ ကျမရဲ့ ဒီအတွေးတွေက သူ့မျက်ဝန်းတွေကို တွေ့ရမှပဲ ပျောက်သွားတတ်ပါသည်။ သူ့ကို မတွေ့ရတဲ့ ကျမရဲ့ ကျောင်းတက်ရက်များသည် ဟာတာတာကြီး ဖြစ်လျက် ခြောက်သွေ့ငြီးငွေ့ဖွယ် ကုန်ဆုံးနေကြသည်။ သို့သော် တနေ့တခြား တိုးတိုးလာတဲ့ သံယောဇဉ်တွေကို သူရိပ်မိလာနိုင်တယ်ဆိုတဲ့ အချက်ကိုတော့ ကျမမေ့လျော့နေခဲ့ပါသည်။

သူ့အပေါ် ကျမရဲ့မြတ်နိုးတွယ်တာမှုကို ပထမဆုံးအကြိမ် သူသတိထားမိတဲ့နေ့ကိုတော့ ကျမမှတ်မှတ်ရရ ရှိခဲ့ပါသည်။ ကျမတို့ ဒုတိယနှစ်ရဲ့ လူသွားစင်္ကြမှာ ဖြစ်သည်။ အဲဒီ့နေ့က နောက်ကျမှရောက်လေ့ရှိသည့် ကျမတို့ကျောင်းကားက စောရောက်နေသည်။ ကျောင်းကားရပ်သည့်နေရာနှင့် ကျမတို့ဒုတိယနှစ်အဆောင်မှာ အတန်ငယ်လှမ်း၏။ ထို့ကြောင့် ကျမနှင့်သူငယ်ချင်းနှစ်ယောက်သည် စကားတပြောပြောနှင့် လျှောက်လာကြသည်။ လူသွားစင်္ကြကလည်း သုံးယောက်လောက်သာ ဘေးတိုက်ယှဉ်၍ သွားနိုင်လေသည်။ မနက်စောစောလည်း ဖြစ်သဖြင့် လူသွားလူလာလည်း ကင်းရှင်းနေသည်။

တစ်နေရာအရောက်တွင် စင်္ကြလမ်းအတိုင်း ချိုးကွေ့လိုက်ရာ အမှတ်မထင် လူတစ်ယောက်နဲ့ တိုက်မိမလိုဖြစ်သွားသည်။ ကျမမော့ကြည့်လိုက်တော့.. သူ။ သူ့ကိုတွေ့လိုက်ရတာနှင့် ရင်ထဲက တဒိန်းဒိန်း ခုန်လာသည်။ ခြေဖျား၊လက်ဖျားတွေပင် ရုတ်တရက် အေးစက်လာ၏။ အံ့သြစိတ်နဲ့ ကျမရဲ့မျက်လုံးတွေက သူ့ကိုစိုက်ကြည့်လို့။ တဒိတ်ဒိတ်ခုန်နေတဲ့ ကျမရဲ့ရင်ခုန်သံကို သူများကြားသွားလေမလား စိုးရိမ်ရပါသည်။ ကျမရဲ့မျက်နှာပေါ်က ခံစားချက်ကို ဖုံးကွယ်နိုင်ရန် ခေါင်းကိုငုံ့ချလိုက်သည်။ သို့သော် ကျမနောက်ကျသွားခဲ့ပါသည်။ ကျမရဲ့မြတ်နိုးတွယ်တာမှုကို သူကောင်းကောင်းကြီး ရိပ်မိသွားခဲ့ပြီ။

ထို့နောက် သူက `ဆောရီး´လို့ပြောပြီး လှစ်ခနဲတစ်ချက် ပြုံးလိုက်သည်။ ထိုအပြုံးက ကျမရဲ့တွယ်တာမှုအတွက် လှောင်သွားခြင်းလား။ ယောက်ျားတစ်ယောက်အနေဖြင့် ဂုဏ်ယူခြင်းလားဆိုတာကို သေချာမခွဲခြားနိုင်ခဲ့တဲ့ ကျမရဲ့ညံ့ဖျင်းချက်လို့ပဲ ပြောရပါမည်။ သို့သော် ဘာအတွက်ကြောင့်ပဲပြုံးပြုံး ခပ်တည်တည်နေလေ့ရှိသော သူ့ထံမှ ရရှိသည့်ထိုအပြုံးကိုပင် ကျမအရမ်းတန်ဖိုးထားပါသည်။

ထိုအဖြစ်အပျက် ဖြစ်ပြီးသည့်နောက်မှာတော့ အရင်တုန်းက မစဉ်းစားခဲ့မိသည့် အကြောက်တရားတစ်ခု ကျမမှာ တိုးလာခဲ့ပါသည်။ ထိုအရာက သူနှင့်မျက်လုံးချင်းဆုံရမှာ ဖြစ်သည်။ သူ့မျက်ဝန်းသည် အလွန်ပင် လေးနက်ပါသည်။ အဓိပ္ပာယ်အမျိုးမျိုးလည်း ပေးနိုင်လေသည်။ ကျမခိုးကြည့်နေသည်ကို မိသွားသည့်အချိန်မျိုးတွင် ကျမအပေါ် စိုက်ကြည့်တတ်သော သူ့ရဲ့အကြည့်များက ကျမကိုအထိတ်တလန့် ဖြစ်စေပါသည်။ သိက္ခာတရားကို အလွန်တန်ဖိုးထားသော သူ့အတွက် ကျမက တန်ဖိုးနည်းသော မိန်းကလေးတစ်ယောက် ဖြစ်နေမှာကို အလွန်ကြောက်ရွံ့မိပါသည်။ သို့သော် သူ့အပေါ် ထားရှိသော ကျမ၏သံယောဇဉ်တွေကိုတော့ မရုပ်သိမ်းနိုင်ခဲ့ပါဘူး။ ဒီလိုနဲ့ပဲ သူနဲ့ကျမက နီးလည်းမနီးလွန်း၊ ဝေးလည်းမဝေးလွန်းသော အနေအထားမှာပဲ ရပ်နေခဲ့ကြပါသည်။

သူကတော့ တခါတလေ အသိအမှတ်ပြုသလို ကြည့်လိုက်၊ တခါတလေ ဂရုမစိုက်သလို နေလိုက်နှင့် ကျမအပေါ် နှိပ်စက်လျက်ရှိပါသည်။ သူ့ရဲ့အသိအမှတ်ပြုမှုကို ရသည့်နေ့မျိုးတွင် ကျမသည် အလွန်ပျော်ရွှင်နေတတ်၍ ဥပေက္ခာပြုမှုကို ခံရသည့်နေ့တွင်တော့ မခံမရပ်နိုင်အောင် ရင်ထဲမှာ နာကျင်ရပါသည်။ ထိုအချိန်မျိုးတွင် ကျမမေ့လုနီးနီးဖြစ်နေသော မိန်းမသားမာနက တဖန်ပြန်ပေါ်လာ၍ သူ့အားနာကြည်းရပါသည်။ ထိုနာကြည်းမှုကြောင့် သူ့အားမေ့ပစ်လိုက်ချင်သော်လည်း ကျမရဲ့အချစ်ကတော့ သူ့အားအတိုင်းအဆမရှိသော သည်းခံမှုများကို ပေးနေပါသည်။ ဤသို့ဖြင့် မာနနှင့် အချစ်ကို အခြေခံ၍ ကျမရဲ့ဦးနှောက်နဲ့နှလုံးသားသည် အနိုင်မခံ၊အရှုံးမပေးဘဲ တိုက်ခိုက်လျက်ရှိပါသည်။

သို့သော် မည်သည့်ပြိုင်ပွဲမျိုးတွင်မဆို အနိုင်အရှုံးဟူ၍ ရှိသကဲ့သို့ ဦးနှောက်နှင့်နှလုံးသား၏ တိုက်ပွဲမှာလည်း ကာယကံရှင်ကျမ၏ ဆုံးဖြတ်ချက်မပါဘဲနှင့် အဖြေပေါ်သွားခဲ့ပါသည်။ ထိုနေ့က မနက်အိပ်ရာ နိုးကတည်းက သူ့ကိုပဲ သတိရနေမိသည်။ အဲဒီ့ကတည်းက ဒီနေ့ တခုခုတော့ ဖြစ်လိမ့်မယ်လို့ ကျမကြိုတင်တွေးမိခဲ့သင့်ပါသည်။ သို့သော် ကျမကတော့`သူ.. ကျမကို သတိရနေလို့ဖြစ်မယ် ´လို့ ခပ်ကြောင်ကြောင် တွေးမိခဲ့ပါသည်။ ရှေ့မှာဖြစ်လာမယ့် ကံကြမ္မာကို မသိဘဲ ကိုယ့်အတွေးနဲ့ကိုယ် ပျော်ရွှင်လို့ပေါ့.။

ကျောင်းရောက်လို့ ကျမအတန်းထဲကို ၀င်လိုက်တဲ့အချိန်မှာပဲ theaterရဲ့နောက်ဆုံးတန်းမှာ ထိုင်နေသော စုံတွဲတစ်တွဲကို ကျမတွေ့လိုက်ရပါသည်။ ရင်ထဲမှာတစ်ချက်အောင့်သွားပြီး ကျမဆုတောင်းလိုက်သည်။ `ကျမ လူမှားတာပဲ ဖြစ်ပါစေ´ လို့ပေါ့။ သို့သော် ကျမရဲ့ဆုတောင်း မပြည့်နိုင်သည်ကိုတော့ ကျမရဲ့နှလုံးသားက သက်သေခံလျက်ရှိသည်။ နောက်ဆုံးအနေနဲ့ ကျမစွဲလန်းရသော သူ့မျက်ဝန်းများကို ကြည့်လိုက်သည်။ သူ့မျက်ဝန်းတွေကတော့ ကျမစပြီးသတိထားမိတုန်းကလို အေးစက်စက်အနေအထား မဟုတ်တော့ဘဲ ချစ်မြတ်နိုးစွာနှင့် သူ့ကောင်မလေးကို စိုက်ကြည့်လို့..။

***
အချစ်သည် အလွန်တရာ ဆန်းကြယ်လှပါသည်။ လူတိုင်းလူတိုင်းသည် မိမိတို့ရရှိခဲ့သော အတွေ့အကြုံပေါ်မူတည်၍ အချစ်ကို အမျိုးမျိုးလည်း အဓိပ္ပာယ် ဖွင့်ကြလေသည်။ ကျမအတွက်တော့ အချစ်ဆိုသည်မှာ. ပိုင်ဆိုင်ခွင့်မရသော မျက်ဝန်းတစ်စုံသာ ဖြစ်ပါသည်။

***

`ဆရာမ´

အတွေးတွေနဲ့ ငြိမ်သက်သွားသော ကျမကို ကျောင်းသူလေးတစ်ယောက်က လှမ်းခေါ်လိုက်သည်။ သူတို့လက်တွေ့လုပ်ဆောင်ရင်းမှ နားမလည်သောအကြောင်းအရာများကို မေးမြန်းသည်။ ထို့နောက် ကျမအားနှုတ်ဆက်ရင်း သူငယ်ချင်းတွေ အစုလိုက်ဖြင့် ပြန်သွားကြလေသည်။

သြော်.. ကျမအဲဒီ့အရွယ်တုန်းကလည်း အဲလိုပဲ ပျော်ရွှင်ခဲ့ဖူးတာပါပဲလေ..။

သူ..သိပါစေ

2008-02-17T21:38:00.002+06:30

“ကျမနဲ့မျက်ဝန်းတစ်စုံ”ကို ဆက်ရေးဖို့ ကြိုးစားပေမယ့် တကယ့်ကို ဖီလင်အောက်နေတော့ ရေးလို့မရဘူး ဖြစ်နေတယ်။ ခံစားချက်မပါဘဲ ရေးရင်လည်း ဇာတ်လမ်းက ပေါ့သွားမှာ စိုးတဲ့အတွက် သူငယ်ချင်းများအားလုံး ခနတော့ စောင့်ပေးကြနော်။ ဒီနေ့တော့ ၀တ္ထုရေးဖို့ ကြိုးစားရင်းမှ ပေါ့ပေါ့ပါးပါး ချရေးဖြစ်ခဲ့တဲ့ ကဗျာလေးကို တင်ပေးပါရစေ။ ဖတ်ကြည့်ပေးပါဦး။ သူငယ်ချင်းတစ်ယောက် အတွက် ရေးပေးခဲ့တဲ့ကဗျာလေးပါ။

ချစ်သူ.. မျှော်လင့်ခြင်း ကမ်းပါးမှာ
စောင့်ကြိုနေသူကို
မင်းသာ ကြည့်တတ်မယ်ဆိုရင်
မြင်နိုင်ပါတယ်လေ..။

တိတ်ဆိတ်တဲ့ ညဉ့်နက်တွေမှာ
တိုးတိုးလေးညည်းနေတဲ့
အလွမ်းတေးကို
မင်းသာ နားထောင်တတ်မယ်ဆိုရင်
ကြားနိုင်ပါတယ်လေ..။

မင်းအကြောင်း တွေးလိုက်တိုင်း
မူမမှန်တော့တဲ့
ငါ့နှလုံးသားသံစဉ်တွေကို
မင်းသာ ခံစားတတ်မယ်ဆိုရင်
သိနိုင်ပါတယ်လေ..။

မင်း သိစေဖို့ မကြိုးစားချင်တဲ့
ငါ့မာနကို အပြစ်တင်ရမှာလား။
နွံမှန်းသိရက်နဲ့ ရုန်းမထွက်ချင်တဲ့
နှလုံးသားကိုပဲ ဒဏ်ခတ်ရမလား။

အတွေးကမ္ဘာထဲမှာ
ထွက်ပေါက်ရှာမရအောင်
ပိတ်မိနေရင်းမှ
ငါသိလိုက်တာ တစ်ခုရှိတယ်..
“မင်းကို သိပ်ချစ်တယ်တဲ့” လေ။

ကျမနဲ့မျက်ဝန်းတစ်စုံ

2008-02-12T12:25:00.000+06:30

` ကျောင်းသားတွေများ စောင့်နေရပြီလား´ ဆိုသောအသိဖြင့် ကျမခြေလှမ်းများကို လက်တွေ့စာသင်ခန်းဆီသို့ ဦးတည်လိုက်သည်။ လက်တွေ့စာသင်ခန်းထဲ ရောက်တော့ ကျောင်းသားတွေက သူ့အဖွဲ့နဲ့သူ အသီးသီးနေရာယူထားကြသည်။ ကျမလည်း ကျမစာသင်ရမည့် အဖွဲ့ကိုရှာလိုက်မိသည်။ ကျမရှာနေသည်ကို တွေ့သွားတော့ အခန်းရဲ့အစွန်ဆုံးမှာရှိတဲ့ အဖွဲ့ကကျောင်းသားလေးတစ်ယောက်က မတ်တပ်ရပ်ပြီး ကျမကိုလှမ်းခေါ်လိုက်သည်။

` ဆရာမ.. ကျနော်တို့ ဒီမှာ..´

ထိုကျောင်းသားလေးကို တချက်ပြုံးပြလိုက်ပြီး သူတို့ရှိရာသို့ လျှောက်သွားလိုက်သည်။ မနက်ကလက်ချာမှာ သင်သွားတဲ့စာများထဲမှ သူတို့နားမလည်သည်များကို ပြန်လည်ရှင်းပြရသည်။ ထို့နောက် စာထဲကအကြောင်းအရာများကို လက်တွေ့ပြသရန် dead body (ဆေးစိမ်ထားသော ရုပ်အလောင်း) ရှိရာသို့ ဦးဆောင်ခေါ်သွားလိုက်သည်။ ကျောင်းသားကျောင်းသူများကလည်း ကျမသင်ကြားပြသသည့်အခါ မမြင်ရမှာ စိုးသဖြင့် ရှေ့ဆုံးနေရာကိုရရန် အလုအယက်တိုးနေကြသည်။ သူတို့၏မျက်နှာများကတော့ ငယ်ရွယ်နုပျိုခြင်းတို့ဖြင့် ပကတိကြည်လင်နေသည်။ သြော်.. အသက်၁၈၊ ၁၉ အရွယ်ဆိုတော့ ဘ၀မှာ ပျော်စရာတွေချည်းပဲပေါ့။ သူတို့အရွယ်တုန်းက ကျမလည်း သည်လိုပဲ ပျော်ရွှင်ခဲ့တာပဲလေ။

နောက်ဘက်ကကျောင်းသားတွေ မကြားရမှာစိုးသဖြင့် ကျမရဲ့အသံကို မြှင့်ပြီးရှင်းပြလိုက်သည်။ ကလေးတွေရဲ့ မျက်နှာလေးတွေကိုကြည့်တော့ တချို့ကတော့ ကျမပြောသမျှကို အသေအချာ အာရုံစူးစိုက်နေပုံ၊ တချို့ကတော့ ၀တ်ကျေတန်းကျေ နားထောင်နေပုံ၊ တချို့ကတော့ လူတွေကြပ်သဖြင့် စိတ်ရှုပ်ထွေးနေပုံ.။ ကျမသင်ပြလို့ ပြီးသွားပြီးနောက် သူတို့ကိုယ်တိုင် လက်တွေ့လုပ်ခိုင်းလိုက်သည်။ လက်တွေ့လုပ်နေကြသော ဒုတိယနှစ်ကျောင်းသား ကျောင်းသူများကိုကြည့်ရင်း ကျမရဲ့စိတ်အစဉ်တို့သည် လွန်ခဲ့တဲ့၁၀နှစ်ကျော်သို့ ရောက်ရှိသွားခဲ့သည်။ အဲဒီ့တုန်းကတော့ ကျမကဒုတိယနှစ်ကျောင်းသူပေါ့.။ ကျမရဲ့ ဒုတိယနှစ်က အကြောင်းအရာများကို သတိရမိသည်နှင့် အာရုံထဲမှာ အရိပ်တစ်ခုက ခိုတွယ်လာခဲ့သည်။

***

သူနဲ့ကျမရဲ့ တွေ့ဆုံမှုက ၀တ္ထုတွေထဲကလို စိတ်ကူးယဉ်စရာ မဖြစ်ခဲ့ပါ။ ဖော်မလင်နံ့တွေရနေတဲ့ dissection room မှာဖြစ်သည်။ ပူပြင်းလှသော မတ်လတွင် ဆရာစာသင်တာကို ကျောင်းသားတွေ အလုအယက်တိုးပြီး ကြည့်ရတဲ့ အလွန်အိုက်စပ်ဖွယ် ကောင်းတဲ့ လက်တွေ့စာသင်ချိန်မှာ သူ့ကိုသတိထားမိခဲ့ပါသည်။

ကျမသည် မျက်ဝန်းများကို အလွန်နှစ်သက်သူဖြစ်သည်။ လူတစ်ယောက်ရဲ့အလှကို ဝေဖန်သုံးသပ်လျှင်လည်း မျက်ဝန်းများရဲ့အလှကိုသာ အဓိကကြည့်ရှုသူဖြစ်သည်။ ထိုမျက်ဝန်းများမှ အဓိပ္ပာယ်ရှာရခြင်းကိုလည်း စိတ်ဝင်စားသည်။ ထို့ကြောင့် သူငယ်ချင်းများကဖြင့် eye crazy ဟု နောက်ပြောင်ခေါ်ဝေါ်ခဲ့ကြသည်။ ထိုသို့ မျက်ဝန်းများကို စိတ်ဝင်စားသော ကျမက မျက်လုံးအလွန်လှသော သူ့ကို မြတ်နိုးမိခဲ့သည်မှာ အံ့သြစရာတော့ မဟုတ်ပါ။

ဆရာစာသင်နေတာကို လိုက်ကြည့်နေရင်းမှ မျက်နှာချင်းဆိုင်မှ မျက်ဝန်းတစ်စုံကို သတိထားမိသွားသည်။ ထိုသူ့ကို ကျမ မမြင်ဖူးပါ။ ပထမနှစ်တုန်းကပဲ သတိမထားမိတာလား။ ဒီနှစ်မှပဲ သူကကျောင်းပြောင်းလာသလား မသိပေမယ့် ဒီလိုမျက်ဝန်းမျိုးကိုတော့ တခါမှ ကျမမမြင်ဖူးသည်မှာ သေချာလှပါသည်။ သူ့ရဲ့မျက်ဝန်းများသည် အလွန်လှပါသည်။ မျက်ဝန်းထဲမှ မျက်ဆံသည် မည်းနက်ဝိုင်းစက်နေသည်။ အနက်ရောင်မျက်တောင်များသည်လည်း ခပ်တိုတိုစိပ်စိပ်လေးဖြင့် ယောက်ျားလေးရဲ့မျက်ဝန်းမှန်း သိသာစေပါသည်။ မျက်သားဖြူဖြူမှာလည်း မျက်ဝန်း၏အလှအပကို ထောက်ပံ့ပေးလျက်ရှိသည်။ ဒီလို အစိတ်အပိုင်းတွေ ပေါင်းစပ်လိုက်တော့ အလွန်လှပသော၊ ပဟေဠိဆန်သော မျက်ဝန်းတစ်စုံရလာပါသည်။ သူ့ရဲ့မျက်ဝန်းတစ်စုံမှာ အချိန်ဘယ်လောက်ကြာအောင် နစ်မျောမိသွားသည်မသိ။ ဘေးက သူငယ်ချင်းက လက်နဲ့ပုတ်လိုက်တော့မှပဲ အသက်ဝင်လာတော့သည်။

`ဟင်.. ဘာလဲ´

` ယျ နင်ဘာဖြစ်နေတာလဲ ဆရာစာမေးနေတယ်လေ။ ´

` ဟုတ်လို့လား။ ငါ.. မကြားလိုက်ဘူး။ ´

ကျမက ဟုတ်လို့လားဆိုသော မျက်နှာပေးနဲ့ ဆရာ့ကို မော့ကြည့်လိုက်သည်။ ဆရာကလည်း အမြဲတမ်းသူပြောသမျှကို ဂရုတစိုက်နားထောင်လေ့ရှိတဲ့ တပည့်တစ်ယောက် ဘယ်လိုများဖြစ်သွားပါလိမ့် ဆိုတဲ့ အတွေးမျိုးဖြင့် အံ့သြစွာကြည့်လို့။ ကျန်တဲ့သူငယ်ချင်းတွေကလည်း သတိလက်လွတ်ဖြစ်သွားသော ကျမကိုပဲ ပြုံးစိစိနဲ့ ကြည့်နေကြသည်။ ကျမတကယ်မကြားလိုက်တာပါလား ဆိုတဲ့အသိနဲ့မျက်နှာတခုလုံး ပူနွေးလာသည်။ ကျမဒီလို သတိလွတ်ပြီး ငေးမောသွားရခြင်းရဲ့ တရားခံ သူကတော့.. ကျမကိုလည်း ကြည့်မနေဘဲ ဂရုမစိုက်တဲ့ အမူအရာနဲ့ ဆရာ့ကိုသာ ခပ်တည်တည် စိုက်ကြည့်နေတာကို တွေ့လိုက်ရသည်။ ဒီအချိန်မှာပဲ ဘာရယ်မဟုတ်တဲ့ ခံစားချက်တစ်မျိုး ကျမရင်ထဲမှာ ဖြတ်စီးသွားသည်။ ရင်ဘတ်ထဲက စူးခနဲ အောင့်သလို ခံစားလိုက်ရသည်။ ကျမအတွက် နောင်အခါ ရင်နာရမည့် နိမိတ်ပုံများလား.။

ဆက်ရန်...

စိတ်ကူးထဲက သူ..

2008-02-09T13:23:00.000+06:30

ဟိုတနေ့က ဘလော့ဂ်တွေ လျှောက်လည်ရင်း မလေးမဘလော့ဂ်ရောက်သွားတော့ ခေါင်းစဉ်လေးကို မြင်တာနဲ့ စိတ်ဝင်စားလို့ ဖတ်ကြည့်လိုက်တယ်။ နာမည်က `ဘ၀ လက်တွဲဖော် ´ တဲ့.။ မလေးမက အခန်းဆက်ရေးထားတာဆိုတော့ အပိုင်း(၁)၊ (၂)၊ (၃) ကို စိတ်ပါဝင်စားစွာ ဖတ်ကြည့်လိုက်တာ.။ နောက်ဆုံးကျတော့မှ ထိတော့တာပဲ။ မလေးမက tag ထားလိုက်တာမှ အများကြီးပဲ.။ ကံဆိုးစွာနဲ့ပဲ အောက်ဆုံးကျမှပဲ ကျမနာမည်ကို ရေးထားတာတွေ့တော့တယ်။ ဘယ်တတ်နိုင်မလဲနော်။ ရေးဆိုတော့လည်း ရေးရတာပေါ့.။

***

ကျမကတော့ လက်တွဲဖော်ဆိုတဲ့ အသုံးအနှုန်းထက် ဖူးစာရှင်ဆိုတဲ့ စကားလုံးလေးကို ပိုနှစ်သက်မိပါတယ်။ လူတစ်ယောက်မှာ ဘ၀တစ်ခု စပြီးဆိုကတည်းက အဲဒီ့လူကိုယ်တိုင်က မသိပေမယ့် ဖူးစာရှင်ဆိုတာ ပါလာမှာပဲလို့ ကျမကတော့ ယုံကြည်မိပါတယ်။ ဒီဖူးစာကြောင့်ပဲ တစ်ခါမှမသိကျွမ်း မရည်းနှီးဖူးတဲ့ လူနှစ်ယောက်က အပြန်အလှန်နှစ်သက်ပြီး ပေါင်းသင်းနိုင်တယ်လို့ ယူဆမိပါတယ်။ ဖူးစာဆိုတာကို ယုံကြည်ပေမယ့်လည်း လူဆိုတဲ့ သဘာဝအရ စိတ်ကူးယဉ်ပုံဖော်ထားတဲ့ ဖူးစာရှင်လေးတော့ ရှိတာပေါ့နော်။ ကဲ.. ကဲ ရေးတော့မယ်နော်။ စိတ်ကူးထဲက သတို့သားလေးအကြောင်း..။

ခံစားချက်

၁။ မိန်းကလေးတွေအတွက် သူချစ်က အသင့်တော်ဆုံးလို့ ပြောလေ့ရှိပေမယ့် ကျမကတော့ ကိုယ်ချစ်ကိုပဲ ရှာချင်ပါတယ်။ ( ကိုယ်မနှစ်သက်တဲ့ လူတစ်ယောက်ရဲ့ ပြာပြာသလဲ ဂရုစိုက်မှုထက်စာရင် ကျမအတွက်တော့ ကိုယ်ချစ်တဲ့လူတစ်ယောက်ရဲ့ ဥပေက္ခာပြုမှုကတောင် ပိုပြီးချိုမြိန်မလားပဲ။ ) သူကပါ ကျမကို အရမ်းချစ်တယ်ဆိုရင်တော့ ကျမကံကောင်းတယ်လို့ ပြောရမှာပေါ့။

၂။ မြင်မြင်ချင်း ရင်မခုန်နိုင်ရင်တောင် တစိမ့်စိမ့်ကြည့်ပြီး မြတ်နိုးနိုင်တဲ့လူဖြစ်စေချင်ပါတယ်။ ( အချစ်က အိမ်ထောင်တစ်ခုမှာ အတိုင်းအတာတစ်ခုအထိ သည်းခံမှုပေးသတဲ့။ )

၃။ ကျမ အထင်ကြီးလေးစားနိုင်သူ ဖြစ်ရမည်။ ( ကိုယ်ကိုယ်တိုင်ကမှ အထင်မကြီးတဲ့လူတစ်ယောက်ကို အိမ်ဦးနတ်အဖြစ်တော့ ဘယ်လိုမှ လက်မခံချင်ပါ။ )

ဘာသာနဲ့လူမျိုး

၎။ ဗုဒ္ဓဘာသာဖြစ်ရမည်။ (ဘာသာမတူပါက ဘယ်လောက်ပဲချစ်နေပါစေ။ စဉ်းစားမည်မဟုတ်ပါ။ )

၅။ မြန်မာလူမျိုးဖြစ်လျှင် ပိုကောင်းသည်။

စိတ်နေစိတ်ထား

၆။ ဖြောင့်မတ်တည်ကြည်၍ ကြင်နာသနားတတ်သူ၊ ကတိသစ္စာ တည်သောသူမျိုးကိုသာ နှစ်သက်ပါသည်။

၇။ စိတ်သဘောထားနူးညံ့၍ လူကြီးမိဘကို ရိုသေသူဖြစ်ရမည်။ ( မိဘသဘောတူဖို့ကတော့ အရေးကြီးဆုံးပါပဲ။)

၈။ အမှန်တရားကို နှစ်သက်မြတ်နိုးပြီး နားလည်မှုရှိသူဖြစ်ရမည်။

၉။ ဆင်းရဲချမ်းသာကို မကြည့်ပေမယ့် ဥာဏ်ရည်ဥာဏ်သွေးကို အလေးထားပါသည်။ ကျမထက်မတော်ရင်တောင် ကျမအောက် မညံ့သူဖြစ်ရပါမည်။

ရုပ်ရည်

၁၀။ ချစ်မိသွားရင် ရုပ်ရည်ကလည်း အဓိကမကျတော့ဘူးတဲ့။ ဒါလည်းဖြစ်နိုင်ပါတယ်လေ။ ဒါပေမယ့် မျက်လုံးပြူးပြူး၊ အရပ်မြင့်မြင့်နဲ့ ကြည့်ပျော်ရှုပျော်ရုပ်ကလေးတော့လည်း လိုချင်သား။ (မျက်မှန်လေးနဲ့ဆို ပိုကောင်းပါသည်။ )

၁၁။ ခပ်တည်တည်နေသူကိုသာ နှစ်သက်တတ်ပြီး ထိုသူ့ထံမှ ရှားရှားပါးပါးအပြုံးကိုသာ မက်မောတတ်ပါသည်။

အလုပ်အကိုင်

၁၂။ အလုပ်လက်မဲ့မဖြစ်ရ။ ဆရာဝန်ဖြစ်လျှင် ပိုကောင်းသည်။ (ပညာတူ၊ ၀ါသနာတူ၊ စိတ်တူ သဘောတူဆိုတော့ ကောင်းတာပေါ့နော်။ )

၁၃။ ကျမရဲ့ဆိုက်ကိုလားတော့ မသိဘူးနော်။ စစ်နဲ့ဆိုင်တဲ့ အလုပ်မျိုးလုပ်သူတော့ မဖြစ်စေချင်ပါ။ (စစ်ဆရာဝန်ဆိုရင်တောင် စဉ်းစားမည်မဟုတ်။ )

အသက်အရွယ်

၁၄။ ရွယ်တူဖြစ်လျှင် ပိုကောင်းပါသည်။ လေးနှစ်ကနေ ငါးနှစ်လောက်အထိ ကြီးတာဆိုရင်လည်း လက်ခံနိုင်ပါသည်။

အသောက်အစား

၁၅။ ဆေးလိပ်သောက်ခြင်းကိုတော့ လက်မခံနိုင်ပါ။ (ကျမက ဆေးလိပ်နံ့မခံနိုင်ဘူးလေ။ နောက်ပြီး ဆေးလိပ်နံ့ကို ရှူမိရုံနဲ့ ရောဂါရနိုင်တယ် မဟုတ်လား။ )

၁၆။ အရက်တို့ ဘီယာတို့ကတော့ ကိုယ်ဘယ်လောက်တားတား သောက်မှာပဲမို့ အလွန်အကျွံမဟုတ်ရင်ပဲ တော်ပါပြီ။ (မိန်းမရှုပ်တဲ့ကိစ္စကတော့ ကျမရဲ့ကံလို့ပဲ သဘောထားပါတယ်လေ။ နောင်အခါ သူရှုပ်မလား မရှုပ်ဘူးလားဆိုတာကို ကျမမှ မသိနိုင်ဘဲလေ။ )

ကျမဘက်ကလည်း သူစိတ်တိုင်းကျဖြစ်အောင် တတ်နိုင်သမျှ လိုက်လျောပေးမှာပါ။ ကျမလိုချင်တာတွေက အရမ်းများသွားပြီလား မသိဘူးနော်။ မတတ်နိုင်ဘူးလေ။ စိတ်ကူးယဉ်တာပဲ။ ဘယ်လောက်ယဉ်ယဉ် ဖြစ်တယ်မဟုတ်လား။ ဒီအချက်တွေအားလုံးနဲ့ ပြည့်စုံမယ့် သတို့သားလောင်းလေး ရပါစေလို့ ဆုတောင်းပေးကြနော်။

မလေးမရေ. ဒီလောက်ဆို ကျေနပ်ပြီမဟုတ်လား။ ဘယ်သူ့ကို ထပ်tagရရင် ကောင်းမလဲလို့ စဉ်းစားကြည့်တော့ ကျမတို့ရဲ့ အတွေးရပ်ဝန်းထဲက မဆုဝေကိုပဲ tagပါရစေ။ အမရေ.. လက်တွဲဖော်လေးအကြောင်း ရေးပေးနော်။

ဘလော့ဂါဘ၀..

2008-02-08T20:38:00.000+06:30

မြန်မာ ဘလောက်ဂါ တွေ ဖြစ်သန်းခဲ့ရတဲ့ ဘ၀အတွေ့အကြုံတွေ ကို အခြေခံပြီး ရေးဖွဲ့ထားတဲ့ အေးအေးလေး သီချင်းတွေ အများစုပါဝင်ပါတယ်…။ တေးရေးတွေ ကတော့ ကိုမျက်လုံး၊ မင်းယွန်းသစ်၊ ကိုဂေါက်၊ မောင်ခ အော် ရေးရင်းနဲ့ old blog band က လူအကုန် ကုန်ပြီ။ အော် ဘလောက်ဂါတွေ တွေကြုံခဲ့ရတဲ့ အဓိက အဖြစ်အပျက် တွေကို သီချင်း အအေး တွေနဲ့ ဖွင့်ချထားပါတယ်..။ ဘလောက်ဂါတွေလဲ ဒီပို့စ်ကို ၀ိုင်း ကြော်ငြာပေးကြ အုံးနော်..။ စပွန်ဆာက mbs ပါ။ နားထောင်ကြည့်လိုက်ပါ။ တခုခု တော့ ကိုယ်ဘ၀ တစ်ပိုင်းတစ်စ နဲ့ သွားပြီးတိုက်ဆိုင် ချင် တိုက်ဆိုက်နေပါလိမ့်မယ်.။ အောက်မှာ ဘလောက်မှာဖော်ပြဖို့ linkရေးပေးထားတယ်..။ ယူသွားပြီး ဘလောက်မှာ ကြော်ငြာပေးနော်…။

(ဤပို့စ်ကို ကိုခဘလော့ဂ်မှ ပြန်လည် ကူးယူဖော်ပြပါသည်။)

လွတ်ကျခဲ့တဲ့ မြို့တော်ပိုင်ရှင် ကျမချစ်သော အကို သို့...

2008-02-06T16:37:00.000+06:30

ဘလော့ဂ်ဂါမောင်နှမတွေအကြား ချစ်ခင်ရင်းနှီးစွာ စနောက်ကြရင်း "မြို့စားကြီးနေဘုန်းလတ်" လို့ နာမည်တွင်ခဲ့တဲ့သူ။ မနှစ်က ဒီလိုနေ့မှာပဲ "လွတ်ကျခဲ့တဲ့မြို့တော်" ဘလော့ဂ်လေးကို သူကိုယ်တိုင် အသက်သွင်းခဲ့တယ်။ ဒီနေ့ တော့ တစ်နှစ်တင်းတင်း ပြည့်သွားပြီပေါ့။ မှတ်မှတ်ရရ သူ့ ဘလော့ဂ်မှာ ပထမဆုံးတင်လိုက်တဲ့ ပို့စ်နာမည်ကလည်း "လွတ်ကျခဲ့တဲ့မြို့တော်"တဲ့။ လက်တွေ့ဘဝမှာ သူလွတ်ကျခဲ့တဲ့ စာရေးဆရာ၊ ဒါမှမဟုတ် အနုပညာသမားဆိုတဲ့ အမည်နာမတွေအတွက် သူ့ ဘလော့ဂ်ဟာ သစ္စာရှိတဲ့ လူယုံ၊ အစွမ်းထက်တဲ့ လက်နက်၊ အရိပ်ကောင်းတဲ့ ညောင်သစ်ပင်လို အသုံးတော်ခံခဲ့တယ်။ ရက်ပေါင်း ၃၆၅ရက်အတွင်းမှာ သူ့ မြို့တော်က စာကောင်းစာသန့် ၁၂၂ ပုဒ်မွေးထုတ်ပေးခဲ့ပြီးပြီ။ ဒီစာတွေကြောင့် ဖတ်သူတွေအတွက် သုတပန်းတွေလန်းလာခဲ့တယ် ၊ ရသလမ်းတွေ ဆန်းလာခဲ့တယ် ၊ ပညာမီးတွေ လင်းပလာခဲ့တယ် ။ သူကတော့ သတိထားမိချင်မှ ထားမိလိမ့်မယ်။

ဘလော့ဂ်ဂါတွေ အတွက် ပထမဆုံးဆိုတဲ့ စကားလုံးတော်တော်များများမှာ သူနဲ့လွတ်ကျခဲ့တဲ့မြို့တော်လည်း ရင်းနှီးကျွမ်းဝင်ခဲ့တယ်။ ဘလော့ဂ်ပို့စ်တွေကို ပထမဆုံး ပုံနှိပ်မယ့်စာအုပ်အတွက် တက်တက်ကြွကြွနဲ့ သူအစွမ်းကုန်ကြိုးစားခဲ့တယ်။ စာအုပ်ကိစ္စ ဆွေးနွေးပွဲတိုင်းကိုမပျက်မကွက်တက်ရောက်ခဲ့သူဟာလည်း သူ တစ်ဦးတည်း ရှိခဲ့တယ်။ နောက်ပြီးရန်ကုန်မှာ ပထမဆုံးကျင်းပခဲ့တဲ့ Blog Day Seminar အတွက်လည်း သူပါဝင်ခဲ့တယ်။ MRTV4 နဲ့ အခြားသော မီဒီယာတွေအကြားမှာ ဘလော့ဂ်လောကအကြောင်းကို သူချပြရဲခဲ့တယ်။ ဝေဖန်မှုတွေကို လက်ခံခဲ့တယ်။ မေးခွန်းတွေကိုအပြုံးနဲ့ ဖြေကြားပေးနိုင်ခဲ့တယ်။

မြန်မာဘလော့ဂ်ဂါရပ်ဝန်းမှာ ဓလေ့ထုံးတမ်းတစ်ခုရှိတာက ဘလော့ဂ်တစ်ခု ဒါမှမဟုတ် ဘလော့ဂ်ဂါတစ်ယောက်ရဲ့ အထိမ်းအမှတ်နေ့တွေမှာ အထူးရေးသားတဲ့ ပို့စ်တွေ တင်တတ်ကြတယ်၊ သူငယ်ချင်းတွေက လာနှုတ်ဆက်ကြတယ်၊ Comment တွေ ချီးမြှင့်ကြတယ်။

ဒီနေ့ သူ့ရင်နဲ့ တည်ထားတဲ့ မြို့တော်ကြီး တစ်နှစ်ပြည့်တယ်။ ခုလိုအချိန်မှာ သူသာ လွတ်လွတ်လပ်လပ် ရေးသားခွင့်ရမယ်ဆိုရင် သူ့ဘလော့ဂ်အတွက် အထိမ်းအမှတ်ပို့စ်တင်မယ့် အစီအစဉ်ရှိမယ်ဆိုတာ အသေအချာပဲ။ ဒါပေမယ့် သူ … ဘယ်မှာလဲ ။ သူရေးမယ့် ပို့စ်မှာ Comment ရေးဖို့ ဘလောဂါ့ရပ်ဝန်းက သူငယ်ချင်းတွေ သူ့ရဲ့ စာဖတ်ပရိသတ်တွေ မျှော်လင့်တကြီး စောင့်နေကြတယ်။ "မြို့စားကြီး" လို့ စနောက်ကြဖို့ စောင့်နေကြတယ် … ဇန်နဝါရီ ၂၉ ကတည်းက ခြောက်သွေ့နေခဲ့ရတဲ့ သူ့ မြို့တော်မှာ အပြုံးတွေနဲ့ ဖုံးလွှမ်းနေစေချင်တာ … ရယ်သံတွေနဲ့ စည်ညံနေစေချင်တာ … ဒါတွေအတွက် အားလုံးက စောင့်မျှော်နေဆဲပါ ..။

ဘလော့ဂ်ဂါတွေကို ချစ်ကြည်စေချင်တဲ့ သူ့အတွက်၊ လူငယ်တွေကို ကောင်းစေချင်တဲ့ သူ့ အတွက်၊ တိုင်းပြည်ကို တကယ်ချစ်တဲ့ သူ့ အတွက်ဘေးဒုက္ခဆိုတာ မြူတစ်မှုန်စာတောင် ကျရောက်မလာစေဖို့ ဘလောဂါ့ရပ်ဝန်းမှ ညီအကိုမောင်နှမအားလုံးက ဒီအမှတ်တရ ပို့စ်လေးနဲ့ ဆုတောင်းလိုက်ပါတယ်။

(ကျောင်းက အခုမှ ပြန်ရောက်လို့ မနက်၁၀နာရီ မတိုင်ခင်မှာ မတင်ဖြစ်ခဲ့တာ တောင်းပန်ပါတယ်နော်။ )

ဆုတောင်း=စိုးရိမ်ခြင်း

2008-02-01T12:29:00.000+06:30

အလင်းရောင်.. မတွေ့ရဘူး
မှောင်မိုက်နေတဲ့
အခန်းကျဉ်းလေးမှာ..

နွေးထွေးမှု.. လုံးဝမရှိဘူး
အေးစက်နေတဲ့
ကြမ်းပြင်မှာ..

တေးသံများ.. မကြားနိုင်ဘူး
တိတ်ဆိတ်နေတဲ့
ပတ်ဝန်းကျင်မှာ..

ပျော်ရွှင်မှု.. မခံစားရဘူး
ရက်စက်မှုတွေ လွှမ်းမိုးနေတဲ့
ရပ်ဝန်းမှာ..

အဆင်ပြေပါ့မလား…

အိပ်မက်ဆိုးတွေများ မက်နေမလား..

သြော်..ဒီလိုအခြေအနေမှာ
ဘယ်လိုမှ အဆင်မပြေနိုင်တာ
သိနေမှတော့
အန္တရာယ်ကင်းပါစေပဲ
ဆုတောင်းရတော့မှာပေါ့.။

လွတ်လပ်စွာ ပျံသန်းနိုင်ပါစေ.. ချစ်သောအကိုရေ..

(လွတ်လပ်မှုနဲ့ အမှန်တရားကို မြတ်နိုးတဲ့ ကျမအကိုအတွက်)

ကျမနဲ့ဆေးရုံ

2008-01-26T15:45:00.000+06:30

ကျမတို့ကျောင်းက ပထမနှစ်နဲ့ ဒုတိယနှစ်ပဲ ကျောင်းထဲမှာနေပြီး စာသင်ရပါတယ်။ တတိယနှစ်ရောက်တာနဲ့ ကျောင်းမှာနေရတဲ့ အချိန်တွေထဲက တ၀က်ကို ဆေးရုံကိုပေးလိုက်ရပါတယ်။ ကျမလည်း အခုတတိယနှစ်ကို ရောက်ပြီဆိုတော့ ဆေးရုံကို စပြီး သွားရပါတော့တယ်။

ကျောင်းကိုရောက်ခါစ ပထမနှစ်တုန်းကလည်း တက္ကသိုလ်ဆိုတာကို စစတက်ချင်းမို့လို့ ရင်ခုန်ခဲ့ရတာပေါ့.။ ဒုတိယနှစ်ရောက်ပြန်တော့လည်း ဆေးပညာနဲ့ဆိုင်တဲ့ ဘာသာရပ်တွေကို သင်ကြားရလို့ ပျော်ရွှင်ရပြန်ရော။ အခုတတိယနှစ် ရောက်တော့လည်း ဆေးရုံသွားရမယ်ဆိုတဲ့ အသိနဲ့တင် ကျောင်းပိတ်ရက်ကတည်းက စိတ်လှုပ်ရှားခဲ့တာပါ။ တဖက်ကလည်း ဆေးရုံကိုကျောင်းသူအနေနဲ့ စပြီးသွားရမှာမို့လို့ ကြည်နူးမိသလို တဖက်ကတော့ ဆရာတွေက စမ်းခိုင်းရင် စမ်းတတ်ပါ့မလား..။ မှားရင်များ ဆရာတွေက အော်မလားဆိုပြီး ကြောက်လန့်မိနေတာလည်း အမှန်ပါပဲ..။

ဒီလိုနဲ့ပဲ ကျောင်းစဖွင့်ပါရော..။ ကျမတို့က ဖွင့်ဖွင့်ချင်းလည်း ဆေးရုံမသွားရသေးပါဘူး.။ ကျောင်းမှာပဲ နေပြီး ဆေးရုံရောက်ရင် မြင်တွေ့ရမယ့် ရောဂါတွေအကြောင်းကို နည်းနည်းစီ သင်ကြားရပါသေးတယ်..။ လူနာကို တွေ့ရင် ဘယ်လိုမေးရမယ်.။ ဘယ်လိုစည်းကမ်းတွေကို လိုက်နာရမယ်.။ ဆေးရုံမှာ စာမေးပွဲဖြေရင် ဘယ်လိုဖြေရမယ် အစရှိသည်ဖြင့်ပေါ့..။ ကျမတို့ကျောင်းသား ငါးရာကျော်ကိုလည်း ခုံနံပါတ်အလိုက် ဆေးရုံခွဲတာတွေလည်း လုပ်ကြရတာပေါ့.။ ဒီလိုနဲ့ ကျောင်းတက်ပြီး နှစ်ပတ်ပြည့်တဲ့နေ့မှာ ဆေးရုံကို စတင်သွားရပါတော့တယ်..။

အဲဒီ့နေ့က တနင်္လာနေ့ပေါ့..။ စနေ၊ တနင်္ဂနွေ ကျောင်းပိတ်ရက်ကတည်းက ဆေးရုံသွားရမယ်ဆိုပြီး စိတ်စောနေမိတာပေါ့..။ ကျမသွားရမယ့် ဆေးရုံကလည်း အိမ်နဲ့နီးနီးလေးဆိုတော့ အဆင်ပြေတယ်လို့ပဲ ပြောရမယ်ထင်တယ်..။ ဂျူတီကုတ်ကိုလည်း အသေအချာ မီးပူတိုက်ထားပြီး ဆေးရုံမှာ လိုအပ်မယ်ထင်တဲ့ အရာတွေကိုလည်း သေချာထည့်ထားရပါတယ်.။ ညကလည်း သေချာအိပ်မပျော်ဘဲ ဆေးရုံရောက်ရင်ဆိုတဲ့ အတွေးတွေနဲ့ပေါ့..။

`တီ… တီ… တီ.. တီ´

နှိုးစက်ကလေးက ကျမကို မနက်မိုးလင်းပြီဆိုပြီး နှိုးပါတော့တယ်.။ အိပ်မှုန်စုန်ဝါးနဲ့ နာရီကိုကြည့်လိုက်တော့ ၆နာရီတိတိ.။ နိုးနိုးချင်း အသိဝင်လာတာက ကျမဒီနေ့ ဆေးရုံသွားရတော့မယ်.။ ဆေးရုံကလည်း မနက်၈နာရီခွဲ ကိုးနာရီလောက်အရောက် သွားရမယ်ဆိုပေမယ့် ကျမအိမ်နဲ့က ငါးမိနစ်လောက်ပဲ လမ်းလျှောက်ရတာမို့ ပြင်ဆင်ဖို့ရာ စောနေတာပေါ့.။ မျက်နှာသစ်၊ သွားတိုက်ပြီး အချိန်ကြည့်လိုက်တော့ ၆နာရီတောင် မခွဲသေးဘူး.။ စောနေပေမယ့် စာကျက်ဖို့ရာလည်း စိတ်ကမပါတော့ ဟိုလုပ်ဒီလုပ်နဲ့ပဲ ၇နာရီခွဲအောင် ထိုင်စောင့်နေရတာပေါ့.။

`သဲရေ.. ကော်ဖီ သောက်ရအောင်.´

ဟော.. မေမေ ခေါ်နေပြီ.။ ကျမလည်း `လာပြီ…လာပြီ´ ဆိုပြီး အောက်ထပ်ကို အပြေးအလွှား ဆင်းလာရပါတယ်.။ အောက်ရောက်တော့ ကော်ဖီသောက်ဖို့ မေမေနဲ့ဖေဖေက စောင့်နေပြီ.။ မောင်လေးကတော့ ၇နာရီကျောင်းစတက်မှာ မို့လို့ ခုနကပဲ ထွက်သွားပါတယ်.။ ကျမတို့သုံးယောက် ကော်ဖီသောက်ပြီးတော့ ၇နာရီခွဲပေါ့.။ ကျမလည်း ရေချိုးဖို့အတော်ပဲ ဆိုပြီး ရေတွေဘာတွေချိုး ၊ နောက်အ၀တ်အစားလဲပြီး သွားဖို့ပြင်ဆင်ရတာပေါ့.။ ဆေးရုံသွားရမယ်ဆိုတော့ ကျမဆံပင်ကိုချထားလို့ မရပါဘူး.။ ဆံပင်ကိုသေချာစီးပြီး မှန်ထဲမှာကြည့်လိုက်တော့ ဘယ်လိုမှအားကိုးချင်စရာ မကောင်းတဲ့ရုပ်နဲ့.။ လူကောင်သေးသေးနဲ့ ၀၀ဖြိုးဖြိုးလည်း မရှိတော့ လူနာကတောင် ပြန်သနားရလောက်တယ်.။ ဟီးးး :P ဒီလိုနဲ့ ၈နာရီစွန်းစွန်းလေးမှာ အိမ်ကထွက်လာပါတယ်.။

လွယ်အိတ်ကို ကျမကလွယ်၊ မေမေက ခြင်းတောင်းလေးဆွဲ၊ ကျမကမေမေ့ကို လက်တွဲပြီး သားအမိနှစ်ယောက် လမ်းလျှောက်သွားတာပေါ့.။ ဆေးရုံအ၀င်အ၀က အစောင့်တွေက လူနာတွေရဲ့ ဧည့်သည်တွေ လာရင်တော့ ပိုက်ဆံတောင်းလေ့ရှိပေမယ့် လွယ်အိတ်နဲ့ခြင်းတောင်းနဲ့ ၀င်လာတဲ့ ကျမကိုတော့ ကျောင်းသူမှန်း သိတယ်နဲ့တူပါတယ်။ ဘာမှမရစ်ဘဲ ၀င်ခွင့်ပေးလိုက်တယ်.။ ကျမလည်း ဆရာမတွေ လမ်းညွှန်ထားတဲ့အတိုင်း ကျမတို့စာသင်ရမယ့် အခန်းဆီသို့ ဦးတည်လိုက်တာပေါ့.။ ဆေးရုံဝန်းထဲမှာလည်း လူနာကိုလာစောင့်တဲ့လူတွေ၊ ကျမလိုပဲ စာသင်ဖို့လာတဲ့ ကျောင်းသားကျောင်းသူတွေ သွားလာနေကြတာပေါ့.။ ကိုယ့်ဦးတည်ရာကို ကိုယ်သွားလာနေကြတယ်.။

ဆေးရုံထဲရောက်တော့ ကော်ရစ်တာမှာ ငုတ်တုတ်ထိုင်နေတဲ့ လူနာစောင့်များ၊ မိမိလူနာရှိရာ သွားလာနေတဲ့လူများကို အသီးသီးတွေ့ရပါတယ်.။ ကျမလည်း ကျမစာသင်ရမယ့် အခန်းကိုရှာလိုက်တယ်.။ ကျမတို့က ဆေးရုံရဲ့အဆောင်တစ်ခု အပေါ်ဆုံးထပ်မှာ စာသင်ရတာပါ.။ အပေါ်ဆုံးထပ်ကို ရောက်တော့ စာသင်ခန်းများဆိုတဲ့ ဆိုင်းဘုတ်ကို တွေ့ပါတယ်.။ ကျမလည်း အဲဒီ့နားကို လျှောက်သွားပြီး ကြည့်လိုက်တော့ မှောင်မဲနေတဲ့လမ်းကို တွေ့လိုက်တယ်.။ လမ်းရဲ့ဘေးတဖက်တချက်ဆီမှာတော့ အခန်းလေးတွေ ဖွဲ့ထားပြီး ဂျူတီကုတ်ဝတ်ပြီး နားကြပ်တွေကို ပခုံးမှာချိတ်ထားတဲ့ အမကြီးတစ်ယောက် နှစ်ယောက်က အခန်းထဲက ထွက်လာကြတယ်.။ သူတို့မှာလည်း အလုပ်ကိစ္စတွေနဲ့ဆိုတော့ ကျမလည်း မမေးရဲဘဲ သေချာရပ်ကြည့်နေတော့ မှောင်နေတဲ့လမ်းရဲ့ အဆုံးလောက်မှာ ရပ်နေတဲ့ ကျမတို့အတန်းထဲက ကျောင်းသူနှစ်ယောက် သုံးယောက်ကို တွေ့လိုက်တယ်.။ ကျမရပ်ကြည့်နေတာတွေ့တော့ သူတို့က..

`သဲနု လာလေ.. ဘာရပ်လုပ်နေတာလဲ.´

ကျမလည်း ဒီတော့မှ အထဲအထိ ဆက်ဝင်သွားပြီး သူတို့ကိုမေးကြည့်တော့ ကျမတို့စာသင်ရမယ့် အခန်းကို ပြပါတယ်.။ အခန်းကလည်း တတိယနှစ်အတွက်ဆိုတဲ့ ဆိုင်းဘုတ်ကြောင့်သာ ကျမတို့အတွက်ဆိုတာ သိရပေမယ့် အခန်းတံခါးကိုတော့ သော့တစ်ခုက ပိတ်ထားဆဲ.။ သော့ကိုဘယ်သူ့ဆီမှာ သွားတောင်းရမယ်ဆိုတာလည်း မသိဘဲနဲ့ အတန်းရှေ့မှာပဲ လွယ်အိတ်တွေကိုယ်စီလွယ်လို့ သော့လာဖွင့်မယ့် တစုံတယောက်ကိုသာ မျှော်နေရတာပေါ့.။ အချိန်တွေသာ ကုန်သွားပြီး လူတွေလည်း စုံသလောက် ရှိနေပြီ.။ ကျမတို့ကို တံခါးလာဖွင့်မယ့်သူကလည်း ပေါ်မလာ.။ အကုန်လုံးကလည်း ခြေထောက်တွေ ညောင်းနေပြီး ဘာလုပ်လို့ ဘာကိုင်ရမလဲမသိ.။ နောက်ဆုံး အပြာဝတ်နာ့စ်တစ်ယောက်က ကျမတို့အပေါ်ထပ်ကို တက်လာပါတယ်.။ ကျမတို့လည်း ၀မ်းသာသွားပြီး အဲဒီ့အဒေါ်ကြီးကိုပဲ ၀ိုင်းမေးတာပေါ့.။ အဲဒီ့နာ့စ်ကလည်း အောက်ကဆရာတစ်ယောက်ယောက်ကို သွားမေးဆိုပြီး အလွန်တိကျသေချာတဲ့ အဖြေကိုပေးသွားပါတယ်.။

ကျမတို့လည်း ဘာလုပ်ရမှန်းမသိတဲ့အဆုံး အားလုံးဝါ့ဒ်ထဲ ဆင်းမယ်ဆိုပြီး ခြင်းတောင်းတွေကိုယ်စီကိုင်၊ လွယ်အိတ်တွေလွယ်လို့ ၀ါ့ဒ်ထဲကို ဆင်းသွားကြတာပေါ့.။ ဂျူတီကုတ်မ၀တ်ရင် ၀ါ့ဒ်ထဲမဆင်းရဆိုတဲ့ စည်းကမ်းကြောင့် အားလုံးကဂျူတီကုတ်တွေနဲ့.။ လူကလည်း ၅၀လောက် ရှိတဲ့အပြင် အထုပ်အပိုးတွေနဲ့ဆိုတော့ တော်တော့်ကို ကိုးရိုးကားယား နိုင်လှပါတယ်.။ ၀ါ့ဒ်ထဲရောက်တော့လည်း ဆရာက ဘယ်မှာမှန်းမသိတော့ လိုက်ရှာရနဲ့ အဲဒီ့ဝါ့ဒ်တစ်ခုလုံးကို ဗြောင်းဆန်နေမှာပဲ.။ လူနာတွေကလည်း ကျမတို့ကို မျက်လုံးအပြူးသားနဲ့ လိုက်ကြည့်လို့.။ ဒီလောက်လူအများကြီးက ဟိုနားမတ်တပ်၊ ဒီနားမတ်တပ်နဲ့ ဘာများလုပ်နေကြပါလိမ့်လို့ စဉ်းစားကြမယ်ထင်တယ်.။ နောက်တော့ မနေနိုင်တဲ့ ဆရာတစ်ယောက်က သိုင်းရိုက်ကြီးနေတဲ့ လူနာကိုပြပြီး ကျမတို့ကို စာသင်ပေးပါတယ်.။ လူတွေအများကြီးက လူနာတစ်ယောက်ကို လုပြီးကြည့်ရတာဆိုတော့ ကြပ်သပ်နေတာပဲ.။ အထုပ်တွေနဲ့ဆိုတော့ လေးကလည်းလေးနဲ့ ဆရာ့အသံကိုလည်း နားစိုက်ထောင်ရ.၊ လူနာကိုလည်း ကြည့်ရနဲ့ ဒီကြားထဲ ဂျူတီကုတ်က ၀တ်ထားတော့ ချွေးတွေသန်တွေနဲ့ပေါ့.။

ကျမတို့ကျောင်းရဲ့ စာသင်ချိန်က ၁၂နာရီ၄၀ဆို စတာပါ.။ ဆရာကလည်း သင်နေ၊ ပြနေလို့က မပြီးသေး.။ နာရီကိုကြည့်လိုက်တော့ ၁၂နာရီထိုးနေပြီ.။ မနက်ကလည်း မယ်မယ်ရရ မစားထားတော့ ဗိုက်ကအတော်ကို ဆာနေပြီ.။ နောက်ပြီးတချိန်လုံး မတ်တပ်ရပ်နေရတာဆိုတော့ လူကအားပြတ်နေသလိုပင်.။ နောက်ဆုံး .. ဆရာက ဒီနေ့တော့ ဒီလောက်ပဲ ဆိုတော့မှ သက်ပြင်းကိုချပြီး ကျောင်းကားစောင့်နေမယ့် ဆေးရုံဝင်းထဲကို ကျောင်းသား၅၀လုံး ပြေးကြရပြန်ရော.။ ဆေးရုံဝင်းထဲကြည့်လိုက်တော့ ကျောင်းကားနဲ့တူတာဆိုလို့ ဘာမှမရှိ။ ဒီတော့လည်း ဘယ်တတ်နိုင်မလဲနော်.။ ကျမတို့လည်း တက္ကစီနဲ့သွားတဲ့လူကသွား၊ ဘတ်စ်နဲ့သွားတဲ့လူက သွားနဲ့ ကျောင်းကိုပဲချီတက်ကြတော့တယ်.။

(ပထမဆုံး ဆေးရုံသွားတဲ့နေ့က အဖြစ်အပျက်လေးပါ.။ အခုနောက်ပိုင်းတော့ အဆင်ပြေသွားပါပြီ.။ :-))

တီတီပြောတဲ့ကျမအကြောင်း

2008-01-21T21:59:00.000+06:30

ကျမမှာ သူငယ်ချင်းလို ဘာမဆို တိုင်ပင်လို့ရတဲ့၊ ခံစားရသမျှကို ဝေမျှခံစားပေးတဲ့၊ ညီအစ်မလို ရင်းနှီးတဲ့၊ စီနီယာဆရာဝန်တစ်ယောက်လို အားကျရတဲ့၊ အဒေါ်လို ချစ်ရတဲ့ တီတီတစ်ယောက် ရှိပါတယ်။ သူကတော့ အားလုံးလည်း သိပြီးသားဖြစ်တဲ့ မဇင်(မမွန်းသက်ပန်)ပါ။ ကျမဘလော့ဂ်ရေးဖြစ်အောင် အဓိက တိုက်တွန်းတာလည်း မဇင်ပါပဲ။ မဇင်ရဲ့တိုက်တွန်းချက်အရရော ကျမရဲ့ဝါသနာကြောင့် အခုဆိုရင် ကျမရဲ့ဘလော့ဂ်လေးက တော်တော်အသက်ဝင်လာခဲ့တာပါ။ ဒါပေမယ့် ကျမရဲ့ ကျောင်းစာမှာ ထိခိုက်မှာကိုလည်း မဇင်က စိုးရိမ်လာပုံရပါတယ်။ ဒါ့ကြောင့် ကျမအတွက် ပို့စ်လေးတစ်ပုဒ် ရေးတင်ပေးခဲ့ပါတယ်။ ပို့စ်လေးနာမည်က တီတီတာတာပြောတတ်သူ တဲ့။ အခုလို ပို့စ်တင်ပေးတဲ့အတွက် မဇင်ကိုလည်း ကျေးဇူးနော်။ အားလုံးလည်း ကျမနဲ့အတူ မဇင်ရေးပေးတဲ့ ပို့စ်လေးကို ဖတ်ကြည့်လိုက်ရအောင်။ ပို့စ်လေးကတော့ ဒီမှာပါ။

နားမလည်နိုင်သော..

2008-01-18T21:41:00.000+06:30

ဖြစ်ခြင်းနဲ့ပျက်ခြင်း နှစ်ခုတည်းနဲ့
တည်ဆောက်ထားတဲ့
လောကကြီးမှာ
ငါ..နားမလည်နိုင်တဲ့
အရာတွေ များလှပါလား.။

ဒါတွေက..
အမှန်လား အမှားလား
အကောင်းလား.. အဆိုးလား
ဝိုးတ၀ါးနဲ့ မသဲကွဲပါလား..။

တိုးတက်နေပါတယ်ဆိုတဲ့ ခေတ်ကြီးမှာ
ငါ့အရည်အချင်းကပဲ
အဆင့်မမီတာလား..။
ငါ့အတွေးအခေါ်တွေကပဲ
နောက်ကောက်ကျနေသလား..။

သြော်.. `ဘ´နဲ့ `၀´သာ ပါတဲ့
ဘ၀မို့ပဲနော်..
ဒီ့ထက်သာ စကားလုံးများရင်
ဘယ်လောက်များ ရှုပ်ထွေးမလဲဆိုတာ
မတွေးရဲစရာပဲ..။

ငါ့ဘ၀ကတော့
သက်ပြင်းတစ်ချက်ကိုမှုတ်ထုတ်
နားမလည်နိုင်တာကို
နားလည်အောင် ကြိုးစားရင်း
ပျော်ရွှင်စွာ သို့မဟုတ် ၀မ်းနည်းစွာ
စိုပြေစွာ သို့မဟုတ် ခြောက်ကပ်စွာ
လျှောက်လှမ်းရဦးမှာပေါ့..။

ကျေးဇူးနော်..

2008-01-18T20:36:00.000+06:30

ကျမ အွန်လိုင်းမတက်ဖြစ်တာရော၊ ပို့စ်အသစ် မတင်ဖြစ်တာရော အတော့်ကို ကြာနေပါပြီ.။ ဒီလို စာမရေးဖြစ်တဲ့ အချိန်အတောအတွင်းမှာ ကျမကို မမေ့မလျော့ လာလည်ကြတဲ့ သူငယ်ချင်းမိတ်ဆွေများကို အထူးကျေးဇူးတင်ပါတယ်..။ ကျမတို့ကျောင်းက ကျမပုဂံကိုသွားကတည်းက စဖွင့်နေတာပါ။ ပုဂံကလည်း ပြန်ရောက်ရော ကျောင်းမှာ သင်နေတာတွေက များနေပြီဆိုတော့ အသည်းအသန် မီအောင်ပြန်လိုက်ရပါတယ်.။ ဒါ့အပြင် ကျူရှင်တွေကလည်း တက်ရသေးတယ်ဆိုတော့ ကျမရဲ့၂၄နာရီက တနေ့တနေ့ ဘယ်လိုကုန်သွားမှန်းကို မသိပါဘူး.။ ဒါ့ကြောင့် အွန်လိုင်း မတက်ဖြစ်တာပါ.။ သူငယ်ချင်းတွေ ဘလော့လည်း သွားမလည်ဖြစ်တာပါ..။ အခုလို နားလည်ပေးကြလို့ အရမ်းလည်း ၀မ်းသာပါတယ်..။ ကျေးဇူးလည်း အများကြီး တင်ပါတယ်ရှင်..။

လက်ဆောင်..

2008-01-12T12:51:00.000+06:30

အားလုံးပဲ မင်္ဂလာပါနော်။ ကျန်းခမ်းသာလို့ မာပါစ။ ကျမလည်း ၁၀ရက်နေ့ ပြန်ရောက်မယ်ဆိုပြီး သွားလိုက်တာ ၁၁ရက်နေ့မှ ပြန်ရောက်ဖြစ်တယ်လေ။ ၁၁ရက်နေ့က မနက်၆နာရီလောက် အိမ်ပြန်ရောက်တယ်။ ကျမက ကားပေါ်မှာလည်း မအိပ်တတ်တော့ တစ်ညလုံး ထိုင်ရက်နဲ့ မိုးလင်းတာပဲ။ အိမ်ရောက်တော့လည်း အဖိုးအဖွားတွေဆီ သွားနှုတ်ဆက်တာနဲ့ မအိပ်ရပြန်ပါဘူး။ ကျောင်းကလည်း ပျက်ထားတာ ၃ရက်တောင် ရှိပြီဆိုတော့ သွားတက်ရတယ်လေ။ ဒါ့ကြောင့် မနေ့က အားလုံးကို မနှုတ်ဆက်ဖြစ်တာ တောင်းပန်ပါတယ်နော်။ ပုဂံမှာ ၀ယ်ခဲ့တဲ့ လက်ဆောင်တွေ တင်ပေးမယ်နော်။ ဘလော့ဂါ ကိုကို၊မမတွေရော၊ ညီမလေး၊ မောင်လေးတွေရော လက်ဆောင်တွေ ယူကြပါ။ လုတော့ မလုကြနဲ့နော်။

သော့ချိတ်လေးတွေလည်း ၀ယ်လာတယ်။ တစ်ယောက်တစ်ခု ယူကြနော်။

ဒါကတော့ ယွန်းနဲ့လုပ်ထားတဲ့ ခွက်လေးတွေ။

စီးကွမ့်ထိုးထားတဲ့အိတ်က ဘလော့ဂါမမတွေအတွက်ပေါ့..။

ကျောင်းသွားရင် ထမင်းချိုင့်ထည့်ဖို့ ခြင်းတောင်း ၀ယ်လာတာ။ လိုချင်တဲ့လူရှိရင်လည်း ယူသွားနော်။ လက်ဆောင်ပေါ့..။

ဒါက ဗေဒါပင်ရဲ့ဘေးသားနဲ့ ယက်တဲ့ ပိုက်ဆံအိတ်လေး..။ တကယ့် ဗေဒါအစစ်နဲ့ ယက်တာတွေက ဈေးကြီးလို့ ၀ယ်နိုင်ဘူးလေ။ :P

ဒါတွေကတော့ မုန့်တွေလေ။ ဇီးပြားရယ်၊ မန်ကျည်းတော်ဖီရယ်၊ ကတွတ်ယိုရယ်၊ ပုန်းရည်ကြီးရယ် ။ အားလုံးကို စုပြီး တင်ပေးလိုက်တယ်။ တစ်ပုံချင်းစီ ရိုက်ရမှာ ပျင်းလို့လေ။ ဟီးးးးး :P

အားလုံးပဲ ပျော်ရွှင်ပါစေနော်။

ခရီးသွားလိုက်ဦးမယ်..

2008-01-06T10:09:00.000+06:30

အားလုံးပဲ မင်္ဂလာပါနော်။ သူများတွေက ခေတ်မီအောင် ခဏနားတယ်တဲ့။ ကျမကတော့ ခေတ်မီတယ် ပြောရမလား။ ခေတ်အလယ်ကလားတော့ သိဝူး။ ဒီနေ့ ခရီးသွားမလို့ပါ။ ဘယ်ကိုလဲဆိုတော့ ပုဂံကို..။ ၁၀ရက်နေ့တော့ ပြန်ရောက်မယ်ထင်တာပဲ။ ဒီအတောအတွင်းတော့ လျှောက်လည်နိုင်မှာ ဟုတ်ဝူးနော်။ ကျောင်းလည်း စစတက်ချင်း ပျက်ရတာပဲ။ အဲလို အပျော်အပါး မက်တာဗျ။ ဟီးးး အဓိက ကတော့ ပြန်လာရင် မုန့်ဝယ်လာမယ်နော်။ ဓာတ်ပုံတွေလည်း အများကြီး ရိုက်ခဲ့မယ်လေ။ လက်ဆောင် ပစ္စည်းလိုချင်ရင်တော့ စာရင်းပေးထားခဲ့နော်။ အားလုံးပဲ ကျန်းမာပျော်ရွှင်ကြပါစေ။

ကာရံမဲ့သော နှစ်ပေါင်း၆၀

2008-01-04T22:48:00.000+06:30

သက္ကရာဇ်တစ်ခု ကုန်ဆုံး
ဝတ်ရုံတစ်ခု ဟောင်းပြီး
နှစ်သစ်အစ ထိုခဏမှာ
သူ.. ရောက်လာသည်..။

ခေါက်သိမ်းထားတဲ့ အလံတွေကိုလွှင့်ထူ
သတင်းစာမှာ အမည်းရောင် စာလုံးတွေနဲ့
မြင်သာအောင် ပြထားတယ်
ဒါ.. ဇန်န၀ါရီ ၄ရက်
လွတ်လပ်ရေးနေ့ … တဲ့။

ဆန္ဒတွေကို မိုက်မဲစွာ အကျဉ်းချ
အခမ်းအနားကို ပျော်ရွှင်စွာကျင်းပ ခဲ့တာ
နှစ် ၆၀ တိုင်ခဲ့ပြီ..။

လွတ်လပ်တယ်ဆိုတဲ့စကား
မင်းတို့ရဲ့ မုသားကို ယုံစားလို့ကတော့
ဒီတစ်သက် အမှောင်ထဲမှာပဲ
ဘ၀ဆုံးတော့မယ်..။

နောက်ဆုံးတော့လည်း
အမှန်တရားက အားလုံးကိုကျော်လွှားနိုင်မှာဆိုတဲ့
အဆိုက်ို နှလုံးသွင်းပြီး
ကိုယ့်ကိုယ်ကို နှစ်သိမ့်မိတော့တယ်။

ကျောင်းအပ်ခြင်း

2008-01-03T20:48:00.000+06:30

ကျမတို့ ဒုတိယနှစ် ဖြေပြီးလို့ ကျောင်းပိတ်ထားတာ အခုဆိုရင် တစ်လကျော်လောက် ရှိသွားပါပြီ။ ကျောင်းပိတ်ရက်လည်း ကုန်ဆုံးနေပြီမို့ ၇ရက်နေ့မှာ ကျမကျောင်းပြန် တက်ရပါတော့မယ်။ အဲဒီ့အခါ အရင်ကလို ပို့စ်တွေကို ခပ်စိပ်စိပ် မတင်ဖြစ်ခဲ့ရင်၊ သူငယ်ချင်းတွေဆီကို အရင်ကလို အမြဲတမ်း မလာဖြစ်ခဲ့ရင် ကြိုတင်ပြီး တောင်းပန်ပါရစေနော်။ ပြောနေရင်းနဲ့ စကားလမ်းကြောင်းက ချော်သွားပြန်ပြီ။ ပြောချင်တာကတော့ မနေ့က ကျမ ကျောင်းသွားအပ်ပါတယ်။

ကျမတို့ မူလတန်းကနေ အလယ်တန်း ကျောင်းသူအထိတော့ ကျောင်းအပ်တာက မိဘတွေရဲ့ တာဝန်လိုပါပဲ။ ကျမကတော့ အမေနောက်ကနေ တကောက်ကောက် လျှောက်လိုက်၊ စာအုပ်ဝယ်ဖို့အတွက် အမေကတန်းစီတာကို ရပ်စောင့်လိုက်နဲ့ပဲ ကိုယ်ကိုယ်တိုင် အပ်ရတယ်ဆိုတာ မရှိခဲ့ပါဘူး။ ကျမက ဆရာမရှေ့မှာ မျက်နှာပြရုံလောက်ပါပဲ။ အတန်းကြီးလာတာနဲ့ အမျှ မိဘတွေရဲ့ ကျောင်းအပ်ခြင်းအပေါ် စိတ်ဝင်စားမှုက နည်းပါးလာပါတယ်။

အထက်တန်းရောက်တော့ ကျမက ဦးဆောင်ပြီး ကျောင်းအပ်ရတဲ့အဆင့်ကို ရောက်လာပါပြီ.။ မေမေက နောက်ကလိုက်ပြီး လိုအပ်တဲ့ ပိုက်ဆံတွေ ဘာတွေ ပေးရုံပါပဲ။ ကျမပဲ ဖောင့်ဖြည့်၊ ကျမပဲ တန်းစီနဲ့ တဖြည်းဖြည်း တာဝန်ယူတတ်လာပါတယ်။ လူကြီးဆန်လာတယ်လို့ ဆိုရမယ်ထင်တယ်။ ဆယ်တန်းအောင်ပြီး ပထမနှစ်တက်ရပြန်တော့ တက္ကသိုလ်ဆိုတဲ့အသိနဲ့ မေမေက လိုက်အပ်ပေးပါတယ်။ တက္ကသိုလ်မှာ မျက်စိသူငယ်၊ နားသူငယ် ဖြစ်မှာစိုးလို့ ထင်ပါရဲ့။

ဒီလိုနဲ့ပဲ အခုတတိယနှစ် ကျောင်းအပ်ရမယ့်အချိန်ကို ရောက်လာပါတယ်။ အသက်လည်း ၁၈နှစ်ပြည့်ပြီးပြီ ဆေးရုံလည်း ဆင်းရတော့မယ်ဆိုတော့ ကိုယ့်ကိုယ်ကို လူကြီးဖြစ်ပြီလို့ ယူဆရမယ်ထင်ပါတယ်။ ဒီတော့ ကျောင်းအပ်ခြင်းမှာ မိဘကိုပဲ အရမ်းမှီမခိုချင်တော့ပါဘူး။ ဒါနဲ့ ကျောင်းကို အမေကိုမခေါ်ဘဲနဲ့ သူငယ်ချင်းနဲ့ပဲ သွားလိုက်ပါတယ်။ (မေမေကလည်း အလုပ်အရမ်းများတာကို)

အိမ်ကလည်း လိုက်မပို့တော့ သူငယ်ချင်းနဲ့အတူ တက္ကစီပဲ စီးသွားရတာပေါ့။ ကျောင်းဝကိုရောက်တာနဲ့ တစ်လကျော်ကျော် ခွဲနေရတဲ့ကျောင်းကလေးက ကျမကို လှိုက်လှိုက်လှဲလှဲ ကြိုဆိုနေပါရဲ့။ တက္ကစီကလည်း ကျောင်းဝမှာပဲ ရပ်ပေးတော့ ကျောင်းထဲကို လမ်းလျှောက်ပဲ ၀င်ခဲ့ပါတယ်။ ကျမတို့ရဲ့ ကျောင်းသားရေးရာက စတုတ္ထထပ်မှာဆိုတော့ မောမောနဲ့ပဲ တက်ရတာပေါ့။ ပြီးတော့ ဖောင်ဝယ်၊ ဖောင်ဖြည့်၊ ဓာတ်ပုံကပ်။ ပြီးတော့လည်း မရသေးဘဲ မော်ကွန်းထိန်းရုံးခန်းကို ပြေးရပြန်ရော။ မော်ကွန်းထိန်းက ပထမနှစ်တွေကို မိဘပါမှ ရပေမယ့် ကျမတို့ကိုတော့ လွှတ်ပေးလိုက်တယ်ထင်တယ်။ မော်ကွန်းထိန်း လက်မှတ်ထိုးပြီးတာနဲ့ မပြီးသေးဘဲ ငွေစာရင်းဌာနကို သွားရပြန်ရော။

အဲဒီ့မှာ စရစ်တော့တာပါပဲ။ မော်ကွန်းထိန်းကတောင် အေးအေးဆေးဆေး ထိုးပေးပေမယ့် အဲဒီ့ငွေစာရင်းဌာနက ၀န်ထမ်းတွေက တော်တော်ဆိုးပါတယ်။ သူတို့တောင်းတာက တစ်သောင်းခြောက်ရာ။ အတိအကျပေးရင်လည်း မကြိုက်ပြန်ဘူး။ နည်းနည်းလေးမှတောင် သူတို့က ပြန်မအမ်းချင်တာဗျ။ နည်းနည်းလေး စုတ်နေရင်လည်း ပြန်လဲခိုင်းသေးတာ။ ဒီလောက်ရစ်တာတောင် အားမရသေးဘဲ ပိုက်ဆံတစ်ရွက်ချင်းစီရဲ့ နံပါတ်ကိုရေးပေး ရသေးတယ်။ သူတို့စိတ်ကြိုက်လိုက်လုပ်ပေးရတာ လူကလည်း စုတ်ပြတ်နေပြီ။ ရေကလည်း တအားဆာနဲ့။ ဒါတောင် သူတို့က နည်းနည်းလေးမှတောင် ပြုံးပေးဖော်မရဘဲ ကျမတို့ကို ဆောင့်အောင့်နေသေးတယ်။ သူပိုက်ဆံရေနေတုန်း ကျမမှာ အသက်တောင် ပြင်းပြင်းမရှူရဲဘဲ ဘာများထပ်ရစ်မလဲနဲ့ စိတ်ပူနေရသေးတယ်။ သူကရပြီဆိုတော့မှပဲ ဟင်းချနိုင်တော့တယ်။

ဒါတောင် မပြီးသေးဘူး။ သူတို့ရဲ့ ဖြတ်ပိုင်းကိုယူပြီးတာနဲ့ အပေါ်ထပ်ကို ပြန်တက်၊ ကျောင်းသားရေးရာကို စာရွက်သွားပြန်အပ်နဲ့ အားလုံးလည်းပြီးရော လူကခြေကုန်လက်ပမ်း ကျနေပါပြီ။ ဒါတောင် စာအုပ်ဝယ်ဖို့ဆိုပြီး နောက်တစ်ဆောင်ရဲ့ စတုတ္ထထပ်ကို တက်ရသေးတယ်။ စာအုပ်ဝယ်ပြီးတာနဲ့ ကျမလည်း အိမ်တန်းပြန်ခဲ့တော့တာပါပဲ။ အိမ်ရောက်တော့ လူကခြေထောက်တောင် ကောင်းကောင်းမထောက် နိုင်တော့ပါဘူး။ မေမေ့ကို မခေါ်လာမိတာ ကံကောင်းတယ်လို့ ပြောရမယ် ထင်တယ်။

ဒီလိုနဲ့ပဲ ကျမ အောင်မြင်စွာ ကျောင်းအပ်နိုင်ခဲ့ပါတယ်။

နှစ်သစ်ဆုတောင်း..

2008-01-01T21:12:00.000+06:30

နေခြည်နုနုနဲ့ အစပျိုးတဲ့
ဇန်န၀ါရီမနက်ခင်းက
နှစ်သစ်ကို
ဖွင့်လှစ်လိုက်တယ်..။

သက္ကရာဇ်တစ်ခု အဆုံးသတ်ပြီး..
သက္ကရာဇ်တစ်ခု စတင်လို့
နှုတ်ခွန်းဆက်သည်
ဇန်န၀ါရီ..။

နှစ်ဟောင်းမှာ..
စွန်းထင်းခဲ့တဲ့ အညစ်အကြေးတွေကို
အတတ်နိုင်ဆုံးဆေးကြောပြီး
ဖြူစင်မှုနဲ့ နှစ်သစ်ကို
ကြိုဆိုပါရစေ..။

ငါ.. တောင့်တမိတယ်..
မျှော်လင့်ခြင်းရောင်ခြည်တွေ
ယှက်သန်းနေပြီး
သစ္စာတရားတွေ ထုံမွမ်းမယ့်
နှစ်သစ်...။

ငါ..လိုချင်မိတယ်..
အမှန်တရားက..
မှားယွင်းမှုကို လွှမ်းမိုး
မြင့်မြတ်မှုက …
ကောက်ကျစ်မှုကို အလဲထိုးတဲ့
နှစ်သစ်...။

ငါ.. ဆုတောင်းမိတယ်..
ဝမ်းနည်းမှုတွေ အဆုံးသတ်
ချုပ်နှောင်မှုတွေ ကင်းလွတ်ပြီး
လူသားအားလုံး လွတ်လပ်မှုကို
ပျော်ရွှင်စွာ ခံစားရပါစေသား
အရှင်ဘုရား..။

(အားလုံးပဲ ၂၀၀၈မှာ ပျော်ရွှင်ချမ်းမြေ့ပြီး လိုအင်ဆန္ဒ ပြည့်ဝကြပါစေနော်။)

ကျမနှင့်၂၀၀၇အတွေး

2007-12-31T21:35:00.000+06:30

မနက်ဖြန်ဆိုရင် နှစ်သစ်ကို ရောက်ပါပြီ။ ပထမဆုံးအနေနဲ့တော့ အားလုံးနှစ်သစ်မှာ ပျော်ရွှင်ချမ်းမြေ့ ကြပါစေလို့ ဆုတောင်းပါတယ်နော်။ ကျမတို့ ၂၀၀၇ ကို ပျော်ရွှင်စွာနဲ့ ကျောခိုင်းရပါတော့မယ်။ နှစ်ဟောင်းကနေ နှစ်သစ်ကို ပြောင်းတယ်ဆိုပေမယ့် ကျမတို့အတွက်တော့ နေ့ရယ်ညရယ်နဲ့ အရင်ကအတိုင်း ဖြတ်သန်းနေရဦးမှာပါ။ နှစ်ဟောင်းကုန်ပြီ ဆိုတော့လည်း ပြီးခဲ့တဲ့နှစ်မှာ အကောင်းအဆိုး ဘာတွေလုပ်ခဲ့သလဲဆိုတာ ကျမအနေနဲ့ သုံးသပ်မိပြန်ပါတယ်။

၂၀၀၇ခုနှစ်က ကျမအတွက် ခံစားချက်အဖုံဖုံကို သယ်ဆောင်ပေးတဲ့ နှစ်တစ်နှစ်လို့ ပြောရပါမယ်။

ဝမ်းနည်းတာလည်း ရှိသလို ၀မ်းသာတာလည်း ရှိတယ်..

အားငယ်ခဲ့သလို အားလည်းတက်ဖူးတယ်…

ငိုခဲ့ဖူးသလို ပြုံးလည်းပြုံးခဲ့ဖူးတယ်…

ဆိုးခဲ့တာလည်း ရှိသလို လိမ္မာခဲ့တာလည်း ရှိတယ်..

အကုသိုလ်လည်း လုပ်ခဲ့သလို ကုသိုလ်ရတာတွေလည်း လုပ်ခဲ့တယ်…

စိတ်ဆင်းရဲတာတွေ ရှိသလို စိတ်ချမ်းသာတာတွေလည်း အပုံအပင်ပါပဲ…

အနားယူတဲ့နေ့တွေ ရှိသလို အပြင်းအထန် ကြိုးစားရတဲ့ နေ့တွေလည်း ရှိတာပါပဲ..

ဒီတစ်နှစ်အတွင်းမှာ ပြောင်းလဲခဲ့တဲ့ အရာတွေ ရှိသလို မပြောင်းလဲဘဲနဲ့ မူလအတိုင်း တည်ရှိနေတဲ့ အရာတွေလည်း အများကြီးပါပဲ။

ဒီလို .. ဒီလိုနဲ့ပဲ ၂၀၀၇လည်း ကုန်တော့မယ်နော်.. ၂၀၀၇ ရဲ့ နယူးရီးယားကို ရောက်တော့ ၂၀၀၆တုန်းက လုပ်ခဲ့တဲ့ နယူးရီးယားလေးကို အမှတ်ရမိပါတယ်။

အဲဒီ့တုန်းက ကျမတို့ အိမ်အသစ် ဆောက်နေတုန်းပေါ့..။ ညဦးပိုင်းကတော့ ဆောက်ပြီးခါစ အိမ်အောက်ထပ်မှာပဲ ရုပ်ရှင်တွေကြည့်ကြ၊ မဲတွေနှိုက်ကြ၊ မုန့်တွေစားကြနဲ့ပေါ့..။ တဖြည်းဖြည်းနဲ့ ၁၂နာရီထိုးခါနီးလည်း ရောက်ရော.. ဘယ်သူက အကြံပေးလိုက်သလဲ မသိဘူး။ ဆောက်လို့မပြီးသေးတဲ့ အပေါ်ထပ်ကို တက်ကြမယ်တဲ့..။ အပေါ်ထပ်ကလေ ၀ရံတာနဲ့ နောက်ဘက်လေးတွေပဲ အင်္ဂတေ ကိုင်ရသေးတာ..။ အဲဒီ့နှစ်ခုကြားမှာတော့ တန်းလေးသုံးတန်းနဲ့ပဲ ဆက်ထားတာလေ..။ လှေကားကတော့ နောက်ဖက်မှာပေါ့..။ ဒါကိုမှ ၀ရံတာပေါ်တက်ပြီး မီးရှူးမီးပန်း ဖောက်ကြမယ်တဲ့..။ မောင်နှမအားလုံးရဲ့ ဆန္ဒလည်းဖြစ်၊ ကျမကိုယ်တိုင်ကလည်း သိပ်မကြောက်တတ်တော့ ဒီအတိုင်းပဲ ကူးရတာပေါ့..။ လူကြီးတွေကတော့ ကြောက်လို့ထင်ပါရဲ့..။ နောက်မှာ နေခဲ့ကြတယ်လေ..။ ၀ရံတာကို တစ်ယောက်ချင်း ကူးတော့လည်း ကျမတို့ မိန်းကလေးတွေက အလယ်ကပဲ တန်းကိုမကိုင်ဘဲ အေးအေးဆေးဆေး ကူးနိုင်ပေမယ့် ကျမအကိုတစ်ယောက်ကတော့ ကြောက်ဒူးတုန်ပြီး ဘေးတန်းနဲ့မှ ကူးသတဲ့ဗျ။ ( ကိုနေဘုန်းလတ်တော့ မဟုတ်ပါ။ အထင်မှားမှာစိုးလို့။ :P)

ကြားထဲမှာ ဖြတ်ပြောရဦးမယ်..။ ကျမတို့က အရင်က စတိုးဆိုင်ဖွင့်တာလေ..။ ဒီတော့ သီတင်းကျွတ်မှာ ရောင်းတဲ့မီးရှူးမီးပန်းတွေလည်း ရှိတာပေါ့..။ အဲဒီ့မီးရှူးမီးပန်းတွေကို အားကိုးပြီး ကျမတို့က ၁၂နာရီတိတိမှာ ၀မ်းကွဲမောင်နှမတွေအားလုံး တစ်ယောက်တစ်ခုစီနဲ့ ဖောက်ကြမယ်ပေါ့..။ ဟန်ရေးတပြင်ပြင်နဲ့…။ မီးခြစ်ကို ကိုင်ထားသူကထား..။ မီးပွားစင်မှာစိုးလို့ ရှောင်တဲ့သူကရှောင်နဲ့ ဟန်အပြည့်ပေါ့..။ ၁၂နာရီထိုးပြီလည်းဆိုရော အပြိုင်မီးတို့ပြီးဖောက်တာ တစ်ချောင်းကမှ မီးရှူးမီးပန်းထွက်မလာဘူးဗျ..။ လမ်းပေါ်က သွားတဲ့လူတွေကလည်း ဆူညံနေတော့ အပေါ်ကို မော့ကြည့်ကြ..။ ကျမတို့ကလည်း လက်ထဲမှာသာ ကိုင်ထားပြီး မီးရှူးမီးပန်းကလည်း ထွက်မလာ..။ ကောင်းမကောင်း ကြည့်ရအောင်လည်း ကိုယ်ကြည့်လိုက်မှ ထွက်လာပြီး မျက်နှာကို မှန်မှာစိုးတာနဲ့ ကြည့်ရတာ တော်တော်ရီစရာကောင်းပါတယ်။ ပြီးတော့မှ မီးရှူးမီးပန်းကို စိတ်လျှော့ပြီး အပေါ်မှာ ဂစ်တာတီးရင်းနဲ့ပဲ နယူးရီးယားကို ကြိုဆိုကြပါတယ်..။ ဘေးနားကလူတွေ ကြားအောင် )))Happy New Year((( လို့ အော်ရင်းပေါ့..။

ဒီနေ့ညလည်း ကျမတို့အဒေါ်အိမ်မှာ နယူးရီးယားကို ပျော်ပျော်ပါးပါး ကြိုဆိုဖို့ ပြင်ဆင်ထားပါတယ်..။ အော်.. ဘာလိုလိုနဲ့ တစ်နှစ်တောင် ရှိခဲ့ပါပြီ..။ ဒီတစ်နှစ်အတွင်းမှာ ပြောင်းလဲသွားတာတွေက အများကြီးမှ အများကြီး..။ မပြောင်းလဲဘူးလို့ အသေအချာ ထင်ထားတာတွေ ပြောင်းလဲခဲ့တာ ရှိသလို ပြောင်းလဲမှာပဲလို့ ထင်တဲ့ဟာတွေလည်း မပြောင်းလဲတာ ရှိပါတယ်..။ ဖြစ်လာတာတွေကတော့ မမျှော်လင့်ထားတာတွေရော.. မျှော်လင့်ထားတာတွေရော.. ။ ဒီတစ်နှစ်အတွင်း ပျော်ခဲ့တာပဲ ဖြစ်ဖြစ်၊ ၀မ်းနည်းခဲ့တာပဲ ဖြစ်ဖြစ် …။ သေချာတာကတော့ ကျမတို့ အသက်တစ်နှစ် ပိုကြီးသွားပြီ ဆိုတာပါပဲ..။

နှုတ်ဆက်တယ် ဒီဇင်ဘာရေ..

2007-12-30T21:13:00.000+06:30

အခုဆို ဒီဇင်ဘာလလည်း ကုန်ခါနီးပြီနော်။ ၂၀၀၇ ကြီးကလည်း ကျမတို့က လက်ပြနှုတ်ဆက်တော့မယ်။ ၂၀၀၈ကတော့ လာဖို့ဟန်ပြင်နေပြီ ထင်ပါရဲ့။ ကျမလည်း ဒီဇင်ဘာကို နှုတ်ဆက်တဲ့ အနေနဲ့ သီချင်းလေးတစ်ပုဒ်ကို တင်ပေးချင်ပါတယ်။ သီချင်းနာမည်က ပြီးခဲ့သော ဒီဇင်ဘာတဲ့။ ထွန်းထွန်း(example) နဲ့ ကြိုးကြာတို့ ဆိုထားတာပါ။

ကိုယ်နေတဲ့အိပ်ခန်းရယ် ဟိုမနီးမဝေး အပြင်ဘက်ဆီမှာ နှင်းတွေတဖွေးဖွေး ကျနေရဲ့။ ဒီဇင်ဘာရဲ့ လွန်ကဲတဲ့ အအေးဒဏ်ကို အသည်းကွဲသူတစ်ယောက်… တွန်းလှန်ဖို့ ကြိုးစားနေ … အခန်းငယ်အတွင်းမှာ..

ကိုယ့်ဘေးမှာ.. ဆုံးရှုံးပြီးဖြစ်တဲ့ ချစ်သူဓါတ်ပုံ အဟောင်းလေးရယ်… ကြိုးပြတ်နေတဲ့ ဂစ်တာလေးရယ်.. တိတ်ဆိတ်နေသလိုနဲ့ .. ကိုယ့်ကို… ကိုယ်ချင်းစာနေသလို…

မကြာခင် မနက်လင်းတော့မယ်… ဟိုအဝေးက မီးဖိုလေး ငြိမ်းပြီ.. ဒီဘ၀ အဆုံးမသတ်နိုင်တဲ့… ကျန်နေသူရင်ထဲက မီးမငြိမ်းနိုင် … ရူးခဲ့သူတစ်ယောက် အရုဏ်ဦးလေး အလှမဲ့နေ အခန်းငယ်အတွင်းမှာ..

ကိုယ့်ဘေးမှာ.. ဆုံးရှုံးပြီးဖြစ်တဲ့ ချစ်သူဓါတ်ပုံ အဟောင်းလေးရယ်… ကြိုးပြတ်နေတဲ့ ဂစ်တာလေးရယ် တိတ်ဆိတ်နေသလိုနဲ့.. ကိုယ့်ကို ကိုယ်ချင်းစာနေသလို…

ဟိုးးး ရောက်တဲ့အရပ်က နေရာလေးမှာ .. ဟိုတခါဘ၀လေးတွေးရင် မင်းပျော်နိုင်မလား.. ရှင်ခွဲလေး ခွဲရအောင် စည်းခြားထား အချစ်လေး.. ဘယ်လိုမှ တို့ပြန်မဆုံနိုင်ခြင်း..

ဒီမှာ download လုပ်ပြီး နားထောင်ကြည့်နော်။

http://www.mediafire.com/?1ysedtddd1g

မျက်ရည်စက်များ...

2007-12-28T19:21:00.000+06:30

မျက်ဝန်းအိမ်မှာ မျက်ရည်ကြည်လေးများ တွဲလွဲခိုလာပြီး တဖြည်းဖြည်းနဲ့ မျက်ရည်အဖြစ် စုစည်းလာကြသည်။ မျက်ရည်များကို ဂရုမပြုမိသည့်အလား သူမမျက်လွှာချနေသည်။ မျက်ရည်များကလည်း သူမရဲ့ပါးပြင်ပေါ်မှာ အတားအဆီးမဲ့စွာ တလိမ့်လိမ့် ကျဆင်းလို့..။ သူမအတွက် မျက်ရည်ကျသည်က အထူးအဆန်း မဟုတ်တော့ပါ။ မျက်ရည်များကသာ သူမရဲ့အဖော်.. သူမရဲ့မိတ်ဆွေ..။ တစိမ့်စိမ့်ကျဆင်းလာသော မျက်ရည်များကို သည်းမခံနိုင်စွာ သူမ လက်ခုံနှင့် ခပ်ကြမ်းကြမ်း သုတ်လိုက်သည်။

မိုးမလင်းသေးတာမို့ ပတ်ဝန်းကျင်မှာလည်း သူမရဲ့ရှိုက်သံကလွဲလို့ တိတ်ဆိတ်နေသည်။ သူမရဲ့အခန်းထဲမှာ မှောင်မိုက်နေတာမို့ မီးဖွင့်ရန် ခလုတ်ကိုရှာလိုက်သည်။

`ဂျောက်´

မီးခလုတ်ကို ရှာတွေ့သော်လည်း ဖွင့်လိုက်တော့ မီးကလင်းမလာ။ သူမရဲ့မီးလုံးများ ကျွမ်းနေသလား။ နောက်မှ အသိတစ်ချက် ၀င်လာသည်။

`သြော်.. မီးပျက်နေတာပဲ။´

မီးဖွင့်လို့မရသော်လည်း အခန်းထဲမှာ မှောင်မဲနေတာကို မနှစ်မြို့သဖြင့် လိုက်ကာကိုဖွင့်လိုက်သည်။ ထွက်ခါစ နေရောင်က သူမရဲ့အခန်းကို အပြည့်အ၀ မလင်းစေဦးတော့ အလင်းရောင်မှိန်မှိန်လေးကိုပဲ သူမ မက်မောလှပါသည်။ သိပ်မကြာလှတဲ့အချိန်မှာ ငှက်ကလေးတွေရဲ့ တေးသံချိုကို သူမကြားလိုက်ရသည်။ သူတို့ကတော့ ကိုယ့်ဘ၀ကိုယ် ပျော်နေကြပါလား…။ သူမကရော…။

သိပ်မကြာခင်အတွင်းမှာပဲ ဆူညံဆူညံအသံ ကြားလိုက်ရသည်။ ဘာများလဲလို့ ကြည့်လိုက်တော့.. အလုပ်သွားရန် ထွက်လာသောမိသားစု..။ အဖေနဲ့သားကတော့ ကာယအလုပ်သမားတွေ ဖြစ်ပုံရပြီး အမေကတော့ ဈေးမှာပန်းရောင်းဖို့ ထွက်လာပုံရသည်။ သူတို့တနေ့တာသည် ပင်ပန်းစွာ ဖြတ်ကျော်ရဦးမည်။ သို့သော် သူတို့မျက်နှာပေါ်မှာတော့ စိတ်ညစ်ခြင်း စိုးစဉ်းမျှမရှိ။ ရှိသမျှနဲ့ ရောင့်ရဲကာ ပြုံးပျော်နေပုံ..။

အလင်းရောင်ကလည်း တစတစပီပြင်လာပြီး အမှောင်ကို ဖယ်ရှားပစ်လိုက်သည်။ ကောင်းကင်ယံမှာ နေမင်းကြီးက မာန်ပါပါနဲ့ သူ့ရဲ့တာဝန်ကို ထမ်းဆောင်တော့မည်။ လမင်းကြီးကတော့ သူ့ရဲ့တာဝန်ကို ကျေပွန်စွာထမ်းဆောင်ပြီးလို့ တဖန်ပြန်၍ အနားယူတော့မည်။ အခုလိုမျိုး ကြိုသိနေကျ အချိန်ဇယားအတိုင်း တာဝန်ထမ်းဆောင်နေကြသော သူတို့မှာ ငြီးငွေ့စိတ်တွေ မဖြစ်ကြဘူး ထင်ပါရဲ့။ ငြီးငွေ့လွယ်တဲ့ လူသားတစ်ယောက်ဖြစ်သော သူမကတော့..။

သူမသည်လည်း တနေ့တာ တာဝန်ကို ထမ်းဆောင်ရန် အောက်ထပ်ကို ဆင်းလာခဲ့သည်။ သူမကို စီးကြိုမယ့်သူ မရှိ။ နှုတ်ဆက်မယ့်သူ မရှိ။ စကားပြောမယ့်သူ မရှိ။ သူမရဲ့ဘ၀က ကန္တာရနှယ် ခြောက်ကပ် လွန်းလှပါသည်။ နွေးထွေးစွာ ဆက်ဆံမှုမရှိဘဲ ဟန်ဆောင်မှုတွေသာ ဖုံးလွှမ်းနေတဲ့ လောကကြီးကို သူမစိတ်ကုန်သည်။ ရင်ထဲက အနှစ်မပါဘဲ ပြုံးပြတဲ့လူတွေကို သူမမုန်းသည်။ မူမမှန်တော့တဲ့ သဘာဝတရားကြီးကို ဒေါသထွက်သည်။ လူသားချင်းမစာနာသည့် လူ့ဘီလူးများကို ရွံရှာသည်။ တနေ့တနေ့ သံပါတ်ပေးသလို လည်နေရသည့် ဘ၀ကိုလည်း စက်ဆုပ်သည်။

လူတစ်ယောက် မျက်ရည်ကျပါက အမျိုးမျိုး မှတ်ချက်ချနိုင်သည်။ ဘ၀က ဆင်းရဲပင်ပန်းနေလို့လား..။ မဖြေရှင်းနိုင်သည့် အခက်အခဲ တခုခု ရှိနေလို့လား..။ စီးပွားရေး အဆင်မပြေလို့လား..။ ဒါမှမဟုတ်.. သမုဒယနွယ်တွေကြောင့်လား..။

သို့ပေမယ့် မျက်ရည်သည် ထိုထိုသော အရာများကိုကြောင့်သာ ကျတတ်သည် မဟုတ်ပေ။ အခြားသော အကြောင်းအရာများကြောင့်လည်း ဖြစ်နိုင်ပါသည်။ သူမ မျက်ရည်ကျခြင်းကတော့… ဆင်းရဲပင်ပန်းလို့မဟုတ်၊ ဖြေရှင်းမရတဲ့ အခက်အခဲတွေကြောင့်မဟုတ်၊ စီးပွားရေးကြောင့်မဟုတ်၊ သမုဒယနွယ်တွေကြောင့်လည်း မဟုတ်။ သူမရဲ့မျက်ရည်စက်များသည် နွေးထွေးတဲ့ ဆက်ဆံမှုများကို မျှော်လင့်ရင်း ဟန်ဆောင်သူများကို ကွေ့ဝိုက်ရှောင်ရခြင်းဖြင့် ရရှိလာသည့် အထီးကျန်မှုကြောင့်သာ ဖြစ်သည်။

နှစ်သစ်အကြို

2007-12-26T09:45:00.000+06:30

ရက်ကိုလပေါင်းနဲ့
နှစ်တစ်နှစ်တော့ ဟောင်းပြန်လေပြီ..။

မအေးစဖူး အအေးထူးတဲ့
ခရစ်စမတ်နဲ့
ရန်ကုန်ဆောင်းက
နှစ်သစ်ကို ကြိုဆိုလိုက်တယ်..။

ကမ္ဘာကြီးကတော့
နှစ်ဟောင်းမှာ ၀တ်ဆင်ခဲ့တဲ့
ဝတ်ရုံဟောင်းကို
သစ်လွင်တဲ့ ၀တ်ရုံသစ်နဲ့
လဲလှယ်ဖို့ ဟန်ပြင်နေတယ်..။

ရာသီဥတုက
အေးတလှည့် နွေးတလှည့်နဲ့
လူတွေကို ကျီစားနေပြန်ရဲ့။

ပင်ယံထက်မှာ ရွက်သစ်တွေ
တဝေေ၀နဲ့ ကြွေလွင့်ရန်
အားယူနေခြင်းလား..။
လောကကို အလှဆင်ရန်
ပြင်ဆင်နေခြင်းလား..။

စန်တာကလော့က ငါ့ကို မေးနေတယ်။
ခရစ်စမတ်မှာ ဘာလိုချင်သလဲတဲ့။
ငြိမ်းချမ်းရေးကိုပဲ လိုချင်နေတဲ့
ငါ့ဆန္ဒကို သူဖြည့်ဆည်းနိုင်ပါ့မလား။

သဘာဝကြီးကတော့
သူ့တာဝန်ကို ကျေပွန်စွာ
ထမ်းဆောင်နေလေပြီ..။

ငါတို့လူသားတွေလည်း
နှစ်ဟောင်းမှာလုပ်ခဲ့တဲ့
မကောင်းမှုကို ကောင်းမှုနဲ့ချိန်ထိုးပြီး
နှစ်သစ်ကို အားမာန်အပြည့်နဲ့
ရင်ဆိုင်လိုက်ရအောင်..။

(ဆရာရေ သဲလည်း ဒီလောက်ပဲ ရေးတတ်တယ်နော်။ မကောင်းရင် မဆူပါနဲ့။ :P)

မိုးပြာရောင်အိပ်မက်များရဲ့ရာဇ၀င်

2007-12-20T13:53:00.000+06:30

မိုးပြာရောင်အိပ်မက်များရဲ့အစက ဒီလို..။

ကျောင်းပိတ်ရက်တွေမှာ ချက်ရွမ်းတွေ၊ ဂိမ်းတွေထဲမှာ ငြီးငွေ့လာနေတဲ့ ကျမကို ဘလော့ဂ်တွေနဲ့ စတင်ထိတွေ့စေတဲ့သူကတော့ ကျမရဲ့အကို ကိုကျော်(ကိုနေဘုန်းလတ်)ပါ။ သူက လာပြောပြတာတော့ မဟုတ်ပါဘူး။ ကျမမေမေကမှ တဆင့်သိနေတာ ကြာပေမယ့် အမှုမဲ့အမှတ်မဲ့နဲ့ ၀င်မကြည့်ဖြစ်ခဲ့ပါဘူး။ တနေ့တော့… ပျင်းပျင်းလည်း ရှိတာနဲ့ ကိုကျော့့််ဘလော့ဂ်ကို ၀င်ကြည့်ဖြစ်ပါတယ်။ သူရဲ့စာတွေက နဂိုကတည်းက မဂ္ဂဇင်းတွေမှာ ပါနေကျမို့လို့ ကျမအတွက် သိပ်တော့မထူးဆန်းခဲ့ပါဘူး။ အဲဒီ့အထိလည်း ဘလော့ဂ်ရေးမယ်လို့ စိတ်ကူးမရသေးပါဘူး။

နောက်တော့ ကိုကျော်ကတဆင့် ဘလော့ဂ်တစ်ခုကို သွားဖတ်မိပါတယ်။ ပထမတော့ တခါတလေ၊ နောက်တော့ မကြာခဏ၊ တဖြည်းဖြည်းနဲ့ အမြဲတမ်းလိုလို သွားဖတ်ဖြစ်ပါတယ်။ ဘယ်သူ့ဘလော့ဂ်ဖြစ်မယ် ထင်လဲဟင်။ ကိုကလိုစေးထူးရဲ့ ဘလော့ဂ်ပါ။ အရေးအသားပိုင်းရော အကြောင်းအရာပိုင်းမှာပါ အတုယူစရာကောင်းလှတဲ့ ဘလော့ဂ်တစ်ခုကို စတင်ဖတ်မိခြင်းပါပဲ။ နောက်တော့ နောက်တော့ ကိုရန်အောင်၊ မမေ စတဲ့ ဘလော့ဂ်တွေကိုပေါ့။ သူတို့တွေက ကျမရဲ့မြင်ဆရာတွေ ဆိုရင် မှားမယ်မထင်ပါဘူး။

ဒီကြားထဲမှာလည်း ကျမက ကျောင်းတက်လိုက်၊ စာမေးပွဲဖြေလိုက်နဲ့ ခေတ္တခဏ အဆက်အသွယ် ပြတ်သွားပြီးနောက် ပထမဆုံးသိလိုက်တာကတော့ မဇင်(မမွန်းသက်ပန်) ဘလော့ဂ် လုပ်ပြီးပြီဆိုတာပါပဲ။ မဇင်နဲ့က အဒေါ်သာဆိုတယ်။ တကယ့်ညီအမအရင်းလိုပါပဲ။ ရင်းရင်းနှီးနှီးလည်း ရှိလှပါတယ်။ သူဘလော့ဂ်လုပ်ပြီဆိုတော့ အားပေးရမယ့်တာဝန်က ကျမတာဝန်ဖြစ်လာပါတယ်။ နောက်တော့ ကျမကိုပါ ဘလော့ဂ်လုပ်ဖို့ အားပေးလာတော့တာပါပဲ။

ကျမမှာက အကျင့်တစ်ခုရှိပါတယ်။ ကိုယ့်ဘာသာ လုပ်ချင်လုပ်မယ်။ သူများက လုပ်ပါလားဆို လုပ်ချင်မှလုပ်တော့တာ။ (အကျင့်က အဲလိုမကောင်းတာ) အဲဒီ့အကျင့်အရ မဇင်နဲ့မေမေက တိုက်တွန်းနေပေမယ့် ဟိုအကြောင်းပြ၊ ဒီအကြောင်းပြနဲ့ မလုပ်ဖြစ်ပါဘူး။ ကိုယ့်ဘာသာ ယုံကြည်ချက် မရှိတာလည်း ပါပါတယ်။ ကိုယ်ရေးတဲ့စာတွေက သူများတွေကို အဆိပ်ဖြစ်စေမှာလဲ စိုးရိမ်မိပါတယ်။ နောက်ပြီး ကိုယ်ရေးထားတဲ့စာကို လာဖတ်ကြမှာလည်း ရှက်လို့ပါ။ (နှင်းနုရေ နှင်းနုနဲ့ ဒီအချက်တော့ တူသွားပြီ။)

ဒီလိုကြန့်ကြာနေတဲ့ အချိန်အတောအတွင်းမှာ ကျမအမဖြစ်တဲ့ သီသီ၊ အသိတွေဖြစ်တဲ့ ကိုမိုးလှိုင်ညတို့ မဆုဝေတို့က ဘလော့ဂ်တွေ လုပ်လာကြပါတယ်။ သူတို့က ကျမဘလော့ဂ် ရေးဖြစ်ဖို့အတွက် တွန်းအားတစ်ရပ်ဆိုရင်လည်း မမှားပါဘူး။ နောက်တော့ မိုးရွာနေတဲ့ စက်တင်ဘာတစ်ညနေမှာ ဘလော့ဂ်ရေးဖို့ ဆုံးဖြတ်ခဲ့ပါတယ်။ ဆုံးဖြတ်တယ်ဆိုလို့ သိပ်အထင်ကြီး မသွားနဲ့နော်။ ကျမကိုယ်တိုင်က ဘာမှလုပ်တာဟုတ်ဘူး။ ကျမက ရေးမယ်လို့ ပြောတာကို မေမေတို့ မဇင်တို့က ဘလော့ဂ်လုပ်ပေးဖို့ စောင့်နေကြတာပါ။ ဒီလိုနဲ့ပဲ ခေါင်းငြိမ့်လိုက်တယ် ဆိုပါတော့..။

ကျမ ဘလော့ဂ်လုပ်မယ်ပြောပြီး ၅ရက်လောက်အကြာမှာတော့ ကျမအကြိုက်ဆုံးအရောင်ဖြစ်တဲ့ အပြာရောင်လေးနဲ့ ဘလော့ဂ်လှလှလေးတစ်ခုကို မေမေနဲ့မဇင်က လက်ဆောင်ပေးခဲ့ပါတယ်။ ဘာကိုမှ လှည့်ကြည့်စရာမလိုအောင် အစအဆုံး လုပ်ပေးကြတဲ့အတွက် မေမေရော မဇင်ရောကို ကျေးဇူးကမ္ဘာပါနော်။ ဘလော့ဂ်ရဲ့နာမည်ကိုလည်း `မိုးပြာရောင်အိပ်မက်များ´လို့ မေမေကပဲ မှည့်ပေးခဲ့ပါတယ်။ ကလောင်နာမည်ကိုတော့ မနော်ဟရီဝတ္ထုထဲက ဇာတ်ကောင်နာမည်ဖြစ်တဲ့ ဆောင်းဦးမေပျိုကို မေမေရောကျမပါ သဘောကျတာကြောင့် `မေပျို´ဆိုတဲ့ နာမည်ပေးခဲ့တာပါ။ (ဆောင်းဦးလို့ ထည့်ချင်ပေမယ့် ကျမက နွေမှာမွေးတော့ ထည့်လို့ရ၀ူးလေ။ L) ဒီလို.. ဒီလို.. နဲ့ပဲ မိုးပြာရောင်အိပ်မက်လေး အကောင်အထည် ပေါ်လာတယ်ပေါ့လေ။

ကျမအပေါ်မှာ ရေးခဲ့တဲ့ နာမည်တွေအပြင် ကျမဆီကို ပုံမှန်လာဖတ်ပေးကြတဲ့ သူငယ်ချင်းများ၊ မအားလို့ တခါတရံမှ လာတဲ့ သူငယ်ချင်းများ၊ စီဘောက်စ်မှာ မအော်ပေမယ့် လာလည်သွားသူများ၊ ကွန့်မန့်ပေးသွားကြတဲ့၊ အကြံပေးကြတဲ့ မိတ်ဆွေများအားလုံးက ကျမရဲ့ဘလော့ဂ်ကို အသက်သွင်းပေးတဲ့ လူတွေပါပဲ။ ဒီတော့ အားလုံးကို အထူးအထူး ကျေးဇူးတင်ပါတယ်နော်။ ရေးရမယ့်နာမည်တွေက များလွန်းလို့ တစ်ယောက်ချင်းမရေးနိုင်တာကို နားလည်ကြပါနော်။ (လာလည်တိုင်း အမှားအယွင်းမရှိအောင် ပြောပြပေမယ့် ကျမက မပြင်တတ်တဲ့အတွက် နောက်ဆုံးadminပါယူပြီး ကူညီပေးတဲ့ ကိုရန်အောင်ကိုလည်း ကျေးဇူးနော်။) ဘလော့ဂ်လုပ်နေစဉ်အတွင်း စိတ်မချမ်းမြေ့မှုများကို မျှဝေခံစားပေးကြတဲ့ မဇင် ၊ သီသီ ၊ကိုပီကေတို့ကိုလည်း ကျေးဇူးတင်ပါတယ်။ နောက်တိုးအနေနဲ့ ကျမကို ကဗျာရေးနည်းသင်ပေးမယ်ဆိုတဲ့ ကိုကောင်းကင်နဲ့ ကိုမာန်လှိုင်းတို့ကိုလည်း ကျေးဇူးတင်တယ်နော်။ (ဟီးဟီး ကိုဆွေရေ ထည့်လိုက်ပြီနော်။ သူတို့ကိုက ဆရာလို့ ခေါ်ရမှာ။)

ဒီဘလော့ဂ်အပေါ် မေပျိုရဲ့ ခံစားချက်ကတော့ ဒီလိုပါ..။

အားလုံးကိုချစ်လို့ tagပါတယ်ဆိုတဲ့ ကိုပီကေ (သူ့လောဘက မသေးဘူးနော်။ အားလုံးကိုတောင် ချစ်ချင်သေးတယ်။ ) နဲ့ ချက်ဖြစ်တော့ သူကtagရခြင်း ရည်ရွယ်ချက်ကို ပြောပါတယ်။ ကျေးဇူးတင်ထိုက်သူတွေကို ကျေးဇူးတင်ရအောင်နဲ့ ဘလော့ဂ်အပေါ် အမြင်လေးကို သိစေချင်လို့ပါတဲ့။ ဒီတော့ သူ့ဆန္ဒလေး ပြည့်ဝအောင် ကူညီပေးလိုက်ရအောင်..။

ဘလော့ဂ်ရေးခြင်းက အနုပညာလို့ နတ်သမီးလေး မမွန်ကဖွဲ့ဆိုထားပါတယ်။ လင်းကတော့ ဘလော့ဂ်က သူ့အတွက် ချစ်သူအသစ်ပါတဲ့။ မအလွမ်းအိမ်ကတော့ ကလေးလေးနဲ့ တူပါသတဲ့။ ဒီတော့ ကျမလည်း အားကျမခံ ဘယ်လိုများ တင်စားရင်ကောင်းမလဲ တွေးမိပါတယ်။ ကိုယ့်ရဲ့ခံယူချက်တွေ၊ ရပ်တည်ချက်တွေကို တင်ပြခွင့်ရတော့ မှတ်စုစာအုပ်လို့ပဲ တင်စားရင်ကောင်းမလား။ ဒိုင်ယာရီလို့ပဲ တင်စားရမလား။ အမျိုးမျိုး စဉ်းစားလိုက်တာ နောက်ဆုံးတော့…။

ကမ္ဘာအသစ်တစ်ခုဆိုတဲ့ နာမည်လေးထွက်လာပါတယ်။ ကျမအတွက်တော့ ဘလော့ဂ်က ကမ္ဘာသစ်တစ်ခုပါပဲ။ ကမ္ဘာသူကမ္ဘာသားတွေကတော့ ကျမတို့ဘလော့ဂါမောင်နှမတွေနဲ့ ဘလော့ဂါမဟုတ်ပေမယ့် လာရောက်အားပေးသူတွေပါ။ ကိုယ်စီကိုယ်စီ သီးခြားအိမ်လေးတွေ ဆောက်ပြီး ပျော်ရွှင်စွာ နေကြတယ်ပေါ့။ သူ့အိမ်ကိုယ်လည်၊ ကိုယ့်အိမ်သူလည် ၊ သူ့မွေးနေ့သွားစား၊ ကိုယ့်မွေးနေ့ကျမေ့ထား.. အဲ ဟုတ်ပါဝူး ကိုယ့်မွေးနေ့ကျလည်း လက်ဆောင်ပြန်ယူတာပေါ့နော်။ အချင်းချင်းလည်း ကူညီရိုင်းပင်းမှုလေးတွေနဲ့ အလွန်ပဲချစ်စရာ ကောင်းလှပါတယ်။

ဒါပေမယ့်လည်း ကမ္ဘာဆိုတဲ့အတိုင်း ကျူးကျော်ဝင်ရောက်တဲ့လူတွေ၊ နှောင့်ယှက်ဖျက်ဆီးမယ့်သူတွေလည်း များလှပါတယ်။ ဒီလူတွေကို ခုခံကာကွယ်ဖို့ တာဝန်ကတော့ ကမ္ဘာပေါ်မှာ နေထိုင်ကြတဲ့ ကမ္ဘာသူကမ္ဘာသားတွေရဲ့ တာဝန်ပါပဲ။ သူတို့တွေကို တိုက်ထုတ်ဖို့ ဆိုရင်တော့ အချင်းချင်းသွေးမကွဲဘဲ စည်းလုံးညီညွတ်ဖို့ ဆိုတာလည်း လိုအပ်ပါတယ်။ နောက်ပြီး တစ်ကမ္ဘာတည်းမှာ နေထိုင်သူအချင်းချင်း ဟန်ဆောင်မှုမပါဘဲ ပွင့်လင်းရိုးသားစွာ ဆက်ဆံကြဖို့ လိုအပ်တယ်လို့ ယူဆမိပါတယ်။ ကျမတို့ရဲ့ လှပတဲ့ကမ္ဘာကြီး မပြိုမပျက်ဘဲ ခိုင်မာတည်တံ့အောင် အတူတကွလက်တွဲပြီး ဆောက်ရွက်ကြရအောင်နော်။

ကဲ.. ကျမလျှာရှည်တာလည်း များသွားပါပြီ။ ဒီလောက်ဆို ရတယ် မဟုတ်လား ကိုပီကေ။ ဒီလောက်ရှည်လှတဲ့ ပို့စ်ကို ပြီးတဲ့အထိ စိတ်ရှည်လက်ရှည် ဖတ်ပေးတဲ့အတွက် ကျေးဇူးနော်။

အိပ်မပျော်တဲ့ည

2007-12-18T21:25:00.000+06:30

အိပ်မပျော်တဲ့ညမှာ
ကောင်းကင်ကို မော့ကြည့်လိုက်တော့
ကြယ်တွေကမစုံ
လမင်းကိုတိမ်ဖုံးပြီး
မှောင်မိုက်နေတယ်။

ပတ်ဝန်းကျင်ကို ကြည့်လိုက်တော့
တိတ်ဆိတ်ငြိမ်သက်
ဆီမီးတစ်တိုင်တောင် ထွန်းညှိမထားဘဲ
ခွေးတွေရဲ့ဆွဲဆွဲငင်ငင်
အူသံနဲ့ ခြောက်ကပ်လို့။

လေပြေတစ်ချက်က
ညမွှေးပန်းရနံ့ကို သယ်ဆောင်ပေးပြီး
ပန်းပင်လေးတွေက
စည်းချက်ညီစွာ
ကခုန်လို့ပေါ့။

ဒီအချိန်ဆို
ငှက်ကလေးတွေ အိပ်တန်းတက်ပြီး
တနေ့တာရဲ့ပင်ပန်းခြင်းကို
ဖြေလျှော့နေရှာမယ်။

ကမ္ဘာရဲ့တစ်ဘက်ခြမ်းမှာ
သွက်လက်ဖျတ်လတ်နေကြပြီး
အခြားတစ်ဘက်ကတော့
အိပ်မောကျနေတယ်။

အိပ်မောကျနေရမယ့်
တစ်ဘက်ခြမ်းမှာ ရှိနေလျက်နဲ့
ငါ.. ဘာလို့များ
အိပ်မပျော်နိုင်ပါလိမ့်..။

အချစ်…အမုန်း
သံယောဇဉ်တွေကြားမှာ
ရုန်းမထွက်နိုင်အောင်များ
ပိတ်မိနေလို့လား..။

ဒါမှမဟုတ်..
ဆိတ်ငြိမ်တဲ့ညကိုပဲ
မသိစိတ်က
စွဲလန်းနေလို့လား..။

(ရတနာလေးက ကဗျာရေးပါ ကဗျာရေးပါနဲ့ အော်လွန်းလို့ ရေးပေးလိုက်တယ်နော်။ နဂိုကတည်းက သိပ်မရေးတတ်တာဆိုတော့ သည်းခံကြပါနော်)

ကွဲကြေသွားတဲ့မနက်ဖြန်

2007-12-17T15:25:00.000+06:30

ဒီပို့စ်က ကျမရဲ့၅၀မြောက် ပို့စ်လေးပါ။ ရေးနေကျ ပုံစံနဲ့မတူဘဲ ပုံစံတစ်မျိုးနဲ့ ရေးသားထားပါတယ်။ ဖတ်ပြီး ဝေဖန်ပေးကြပါဦးနော်။

***

`တီ … တီ… တီ…´

သိစိတ်ရဲ့ ဦးဆောင်မှုမပါဘဲ သူရဲ့လက်က ဖုန်းခလုတ်တွေကို အလိုလို နှိပ်မိရက်သား ဖြစ်နေသည်။ သိစိတ်ဝင်လာတော့ ဂဏန်းတွေက အကုန်နှိပ်ပြီးသား..။ ခေါ်ဖို့ခလုတ်တခုနှိပ်ရန်သာ ကျန်တော့၏။ နံပါတ်တွေကို ကြည့်လိုက်တာနဲ့ စဉ်းစားစရာတောင် မလိုဘဲ အလိုလို သိလိုက်သည်။ ဒါ.. သူသိပ်ချစ်လှတဲ့ သူမလေးရဲ့ဖုန်း..။ သိစိတ်နဲ့ ချုပ်ထိန်းရင်း ဖုန်းကိုပြန်ချလိုက်သည်။ သူနှင့်သူမကြားမှာ စွဲလန်းခြင်းဆိုတဲ့ တံတိုင်းကို ဖြိုချသင့်ခဲ့တာ ကြာပြီပဲ။ သတိရခြင်းဆိုတဲ့ ခံစားမှုမျိုးကို မေ့ထားသင့်နေပြီ..။

`ဟူးးး´

သူ သက်ပြင်းချပြီး အိပ်ရာပေါ်မှာ လှဲနေလိုက်သည်။ မျက်လုံးမှိတ်လိုက်တာနဲ့ သူမရဲ့ရုပ်သွင်က တဖြည်းဖြည်း ပေါ်လာသည်။ သူ ဘယ်လိုပဲ မောင်းထုတ် မောင်းထုတ် သူ့အာရုံထဲမှာရော သူ့နှလုံးသားထဲမှာပါ သူမက အချိန်ပြည့် နေရာယူထားသည်။ ခေါင်းကို ဆတ်ခနဲ တစ်ချက်ခါပြီး သူ့ကိုယ်သူ လက်ရှိဘ၀ထဲကို ဆွဲခေါ်လာခဲ့သည်။

ပြတင်းပေါက်ကို ကြည့်လိုက်တော့ ငှက်ကလေးနှစ်ကောင် တူတူပျံသန်းသွားတာ တွေ့လိုက်သည်။ သူတို့နှစ်ယောက်မှာ ဒီလိုတူတူ ပျံသန်းခွင့် မပြောနဲ့ ဘေးချင်းယှဉ်ပြီး ကြည်နူးစွာ လမ်းလျှောက်ခွင့်တောင် မရခဲ့ပါလား။ ဒီ့အတွက် ဘယ်သူ့ကို အပြစ်တင်ရမှာလဲ။ ကံကြမ္မာကိုလား။ ဖြစ်ချင်တာ ဖြစ်ခွင့်မရဘဲ မဖြစ်ချင်တာဘဲ ဖြစ်ဖြစ်နေတဲ့ လောကကြီးကိုလား။ ဒါမှမဟုတ်.. သူ့ကိုယ်သူလား။

တစ်အိမ်လုံးမှာလည်း တိတ်ဆိတ်နေသည်။ အေးချမ်းမှုကိုပဲ နှစ်သက်တတ်တဲ့ သူ..။ အခုကျတော့လည်း တိတ်ဆိတ်မှုက သူ့ကို ခြောက်လန့်နေသလိုလို..။ ငြီးငွေ့စရာကောင်းလှတဲ့ နေ့တွေကို ဖြတ်သန်းရတာလည်း များလှပြီ.။ ဒီရက်တွေမှာ သူ့အတွက် အဖော်က သံစဉ်လေးများ.. စာသားလေးများသာ..။ အခုလည်း သူမွန်းကျပ်လာပြီ..။ ဂစ်တာလေးကို ဆွဲယူလိုက်ပြီး မွန်းကျပ်သမျှကို ဖြေထုတ်လိုက်တော့မည်..။

အင်ထရိုတီးရင်းနဲ့ပင် ဆိုချင်တဲ့ သီချင်းစာသားကို စဉ်းစားနေသည်။ ခေါင်းထဲမှာလည်း ဗလာနတ္ထိ..။ လက်ကသာ အဆက်မပြတ် တီးနေသည်။ သီချင်းတွေက တောင်ရောက်မြောက်ရောက်..။ နောက်တော့မှ စိတ်ကဦးဆောင်သွားပုံ ရသည်။ သီချင်းတစ်ပုဒ်ဆီကို ဆွဲခေါ်သွားသည်..။

` မိုက်ကရိုဖုန်းကို ရှေ့ချပြီး သီချင်းဆိုဖို့ ကြိုးစားရင်း အနာဂတ်ကို လှမ်းကြည့်လိုက်တယ်… ခံစားချက်တွေ ရေးထားတဲ့ ငါ့ရဲ့စာသားတွေကြားမှာ ကိုယ်တိုင်ပျောက်ဆုံးသွားပြီလား… ဘေးမှာ အဖော်ရှိသေးရဲ့လား….

အခြံအရံ နတ်သမီးတို့များစွာ… ပူလောင်နေတဲ့ ငါ့ရဲ့ဘေးမှာ အတူတူထိုင်ကာ လေချင်းတိုးသံ ကိုယ့်ရဲ့အကြောင်းတွေလား… ငါဟာ ဘယ်သူလဲ မသိပါ.. တူတူ ပျော်နေတဲ့ ဒီညမှာ အခြံအရံတွေ နံဘေးခြံရံထား ငါဟာပေါ့ပေါ့လေးပါလား.. …. ´

ဆိုရင်းနဲ့ အသံက တိမ်ဝင်လာသည်။ ငါ့ရဲ့ အနာဂတ်ကရော..။ ငါ့ရဲ့မနက်ဖြန်တွေကရော..။ လူတိုင်းက မျှော်လင့်ချက်နဲ့ အသက်ရှင်ရတာတဲ့..။ ငါ့အတွက်တော့ မျှော်လင့်ချက်တွေ ဆိတ်သုဉ်းခဲ့တာ ဘယ်လောက်တောင်မှ ကြာနေပြီလဲ…။ အနာဂတ်ဆိုတဲ့ ငနဲကလည်း ငါ့ကိုများ ရှောင်ပြေးနေတာလား..။ စိန်ခေါ်လို့ ရစတမ်းဆိုရင် ဘ၀ဆိုတဲ့ ကြိုးဝိုင်းထဲမှာ မျှော်လင့်ချက်ဆိုတဲ့ ကောင်နဲ့ လက်သီးချင်း ယှဉ်ထိုးချင်စမ်းပါရဲ့..။ လုံးဝပြန်မထနိုင်အောင် အလဲထိုးချင်စမ်းပါရဲ့..။

` ..လွမ်းတယ် ကောင်မလေးရယ် .. ´

ငါ့ရဲ့အလွမ်းကို မင်းသိနိုင်ပါ့မလား..။ ငါမှာ နှလုံးသားမရှိဘူးလို့များ ထင်နေလား..။ ချစ်တယ် ဆိုတာလေးတောင် မပြောရဲတဲ့ သရဲဘောကြောင်တဲ့ကောင်လို့ မင်းယူဆမှာလား..။ ဒါမှမဟုတ်.. အလေးအနက် မထားသူ၊ အပျော်ကြံသူလို့များ ထင်ရက်သလား..။ မင်းအပေါ်ထားတဲ့ ငါ့ရဲ့လေးနက်မှုကို ငါကိုယ်တိုင်တောင် သြချရပါရဲ့..။ မင်းခြေဖ၀ါးနဲ့ နင်းခဲ့တဲ့ လမ်းလေးတွေကိုတောင် မင်းခြေရာတွေ ပျက်မှာစိုးလို့ မလျှောက်ဝံ့တဲ့ကောင်က ငါပါ..။ မင်းချစ်တဲ့ ခရေပန်းလေးတွေကို တက်နင်းမိမှာစိုးလို့ ခရေပင်အောက်ကိုတောင် ဖြတ်မလျှောက်ရက်တဲ့ကောင်က ငါပါ။ ဒါကို မင်းနားလည်မှာလား နားလည်နိုင်ရဲ့လား..။

ရင်ထဲမှာ စူးခနဲ တချက်အောင့်လာသည်..။ ဒါ သူခံစားရမယ့် ဝေဒနာပဲ..။ လာစမ်းကွာ..။ ခံစားရစမ်းပါစေ။ နာကျင်ခြင်းဆိုတဲ့ မင်းကပဲ ငါ့ကို နိုင်မလား..။ ခေါင်းမာတတ်တဲ့ ငါကပဲ မင်းကိုနိုင်မလား..။ ကြည့်ကြသေးတာပေါ့ကွာ..။

` အဟွတ် .. အဟွတ်´

ရင်ခေါင်းထဲမှလာသော ကျပ်တပ်တပ် ခံစားချက်တချို့ကို ကြိတ်မှိတ် မျိုသိပ်ထားသည့်တိုင် မခံမရပ်နိုင်အောင် ဖြစ်ကာ သူချောင်းတချက်ဟန့်လိုက်သည်။ ခံစားနေကျဖြစ်သော ညှီစို့စို့ အနံ့ အသက် တခုနှင့်အတူ ပါးစပ်နှင့် အပြည့်ဖြစ်လာသော အရည်တချို့ကို ထွေးခံယူပြီး ထွေးထည့်လိုက်သည်။ မကြည့်ပေမယ့် သိနေနှင့်သော ထိုအရာများကို ခါးသီးသော ခံစားချက်တချို့နှင့် သူကြည့်ဖြစ်လိုက်သေးသည်။ သွေးတွေ....။ ဟုတ်သည်။ သူ့ကိုယ်ထဲမှ လောလောလတ်လတ် ထွက်ကျလာသောသွေးတွေ.။

` …ဟားဟား.. ငါ့သွေး ဘယ်လောက်ရဲသလဲ ဆိုတာ မင်းတို့ မြင်ကြပြီ မဟုတ်လား။ ဟားဟား..´

သူတစ်ယောက်တည်း ခြောက်ကပ်စွာ အော်ရီနေမိသည်။ လောကကြီးက သူ့အတွက် တရားရဲ့လား..။ ပျော်ရွှင်မှုတွေနဲ့ ပြည့်ဝနေတဲ့၊ ရှေ့မှာ တက်လမ်းတွေ အများကြီးရှိတဲ့ သူ့ဘ၀ကို မနာလိုစွာ မုန်းတီးစွာ စုတ်ပြတ်သပ်သွားအောင် ဖျက်စီးရက်သည်..။ ချစ်ရတဲ့ သူမကို စတွေ့ပြီး မကြာခင်မှာဘဲ သတင်းဆိုးကြီးတစ်ခုက သူ့ဘ၀ကို ရစရာမရှိအောင် ပြောင်းလဲခဲ့သည်။ အဆုတ် ကင်ဆာတဲ့..။ ဘယ်ကအခြေပြုလို့ ဘယ်လိုပြန့်ပွားမှန်းမသိနိုင်သေးသည့် အဲဒီ ကင်ဆာပိုးဆိုတာတွေက သူ့သွေးထဲကတဆင့် သူ၏အဆုတ်အပါအ၀င် သူ့ခန္ဓာကိုယ် အနှံ့အပြားသို့ ခရီးနှင်နေလေပြီ။ ရင်တွင်းခံစားချက် ပြင်းထန်တတ်သူမို့ အငိုအရယ်တွေနဲ့ပဲ အက်ကြောင်းထပ်လွန်းတတ်တဲ့ ကိုရီးယားကားတွေတောင် မကြည့်ခဲ့တဲ့..သူ..။ အခုတော့လည်း အဲဒီ့ရုပ်ရှင်တွေထဲက ဇာတ်ဆောင်တွေလို အတိအကျမဟုတ်သည့်တိုင် ဇာတ်သိမ်းဆင်ဆင်တူနေသော ရောဂါဆိုကို သူကိုယ်တိုင် ခံစားနေခဲ့ရပြီလေ..။ အေးပေါ့လေ .. ထူးမှ မထူးခြားဘဲ..။ သူတို့က ရုပ်ရှင်မှာ သရုပ်ဆောင်နေသလို ငါကလည်း ဘ၀ဇာတ်ခုံပေါ်က လူသားပေပဲ..။

သွားတော့ ကောင်မလေးရေ .. မင်းသွားလိုက်တော့.. ငါဟာ ချစ်ရတဲ့သူကိုတောင် ချစ်ပါတယ်လို့ ပြောခွင့်မရှိတဲ့ ကျိန်စာသင့်နေတဲ့ ခပ်ကြောင်ကြောင် လူတစ်ယောက်ပါပဲ..။ ငါ့မှာပြောခွင့်များ ရမယ်ဆိုရင်လေ ငါ့မနက်ဖြန်တွေကို ငါသာပိုင်မယ်ဆိုရင်လေ တစ်ကမ္ဘာလုံး ကြားရအောင် ငါအော်ပြောလိုက် ချင်သေးတယ်..။

မင်းကို သိပ်ချစ်တယ်လို့လေ..

(ဒီပို့စ်မှာ ၀တ္ထုတိုတစ်ပုဒ် အနေဖြင့်သာ ရေးသားထားခြင်း ဖြစ်သည့်အတွက် ဆေးပညာရှုထောင့်မှ ကြည့်လျှင် မှားယွင်းခဲ့သော် ခွင့်လွှတ်ပါရန်)